مصطفى بكري: الأمريكان والصهاينة مش عايزين الرئيس السيسي عشان بيبني مصر
تاريخ النشر: 18th, January 2024 GMT
أكد الإعلامي مصطفى بكري، أن مصر ستواجه تحديات كثيرة في ظل ما يحدث بالمنطقة.
وتابع مصطفى بكري خلال برنامج «حقائق وأسرار» على قناة صدى البلد «نحن في حاجة دائما إلى الحوار والنقاش، والاستماع إلى صوت الناس، محدش يستهين بالشعب المصري»، مضيفا «الشعب تحمل كثيرا من المعاناة والجشع والتخبط في بعض القرارات، لكنه يعلم أن بلده محاطة بالتحديات آخرها ما يحدث في الصومال».
وأشار إلى تحديات المنطقة تسببت في خسارة قناة السويس 40% حتى الآن، إضافة إلى دخول 14 مليون سائح، رغم أن المتوقع كان 15.5 مليون سائح، مردفا «مصر تتعرض لمخاطر وأزمات، والقيادة السياسية تبذل كافة جهودها وتحاول التوصل لحلول».
وأضاف الإعلامي مصطفى بكري «كلنا مسؤولين، مش بس الرئيس والحكومة، نحن في خندق واحد، صحيح يوجد تخبط وتحديات لا أحد ينكر، يوجد وزراء لا يعملون ولا يتحدثون ولو تحدثوا بيلخبطوا الدنيا، إضافة إلى حلف الفساد المتواجد بين صغار الموظفين، نعاني أيضا من محاولات التصعيد اللي بيعملها العيال المجرمين اللي حرقوا المجمع العلمي»، مردفا «إزاي أصدق واحد حرق المجمع العلمي، وواقف مع إسرائيل في خندق واحد، انسوا اننا نصدق العيال دي مرة تانية، قولت رأيي من أول يوم من ارتكب جريمة حرق المجمع العلمي كان يجب أن يأخذ عقوبته كاملة، من يكره هذا البلد سيظل كارها لها».
وواصل الإعلامي مصطفى بكري خلال تقديمه برنامج حقائق وأسرار على قناة صدى البلد مساء اليوم الخميس «البعض يحاول استعادة الفوضى، لكن الشعب لن يسمح بعودة التطاول على الدولة ومؤسساتها مرة أخرى»، مردفا «لازم الشعب يعرف إن الوطن والرئيس السيسي مستهدف، الأمريكان والصهاينة والمتصهينين مش عايزين الرئيس السيسي عشان يبني جيش ويبني دولة».
المصدر: الأسبوع
كلمات دلالية: برنامج حقائق وأسرار حقائق وأسرار قناة السويس مصطفى بكري مصطفى بکری
إقرأ أيضاً:
حقيقة خلافه مع عبلة كامل وأم كلثوم غنت له.. تصريحات نارية لـ محمد صبحى على شاشة صدى البلد
أطلق الفنان محمد صبحى عدد من التصريحات النارية له حيثي تحدث عن حقيقة قصة خلافه مع الفنانة عبلة كامل وأيمن بهجت قمر وغناء أم كلثوم له بـ 50 جنيه.
وقال محمد صبحى فى لقاء ببرنامج «سبوت لايت» مع الإعلامية شيرين سليمان على قناة «صدى البلد»،عن استغلال البعض لاسم الراحل لينين الرملي لترويج معلومات مغلوطة، قائلًا: «دلوقتي بقى في سبوبة إن كل واحد يعمل برنامج يتكلم عن الفنانين ومشاكلهم، يعني مسكوا كتاب عمله لنين الرملي في وقت كان مريض فيه بالزهايمر وغير واعي، وزوجته كانت بتقول إنه مش واعي، ورغم كده الصحفيين كانوا بيقابلوه ويكتبوا على لسانه».
حقيقة خلاف محمد صبحى وعبلة كاملوعن مزاعم وجود خلاف بينه وبين عبلة كامل، قال: «قالوا إني عذبت عبلة كامل، وبخصملها كل يوم، ومتغاظ إنها غطت عليا، رغم إني المخرج والمنتج والبطل، فإزاي هجيب ممثلة عشان أفشل، ده أنا بحبها وبتحبني، وعلاقتنا كانت جيدة جدًا».
كما نفى صبحي ما قيل عن منعه للفنانين من تناول الطعام مع عبلة كامل خلال رحلة إلى فرنسا، مؤكدًا أن هذه الادعاءات لا تمت للحقيقة بصلة.
وحرص محمد صبحي على توضيح فكرة انفصاله عن الكاتب الكبير لينين الرملي، وأوضح أن الخلاف لم يكن شخصيًا، بل كان متعلقًا برؤية فنية تخص مسرحية «وجهة نظر»، مضيفًا: «لينين هو اللي انفصل عني وقرر يعمل فرقة لوحده».
وتابع: «الخلاف كان بسبب قصة المسرحية، اللي بتتكلم عن فتاة شديدة الجمال بيخطفها شخص إلى حد ما قبيح الشكل وبيحبسها لحد ما تقوله بحبك، أنا اعترضت على إن عبلة كامل تقوم بالدور ده، لكن لينين أصر، وقرر يعمل المسرحية بعيد عني».
وأكد صبحي أنه رغم الانفصال الفني، إلا أنه ظل داعمًا لصديقه الراحل: «أنا سبتلهم المسرح بتاعي بالمعدات لأنه صاحبي، ولينين جاب حسين فهمي عشان يقدم دور البطل، وده كان ضد مصداقية القصة، وبعدها اللي قدم الدور كان أشرف عبدالباقي».
وأكمل حديثه قائلًا: «مكنتش بحب أتكلم عن الموضوع ده ولينين عايش عشان ميتأذيش، وحتى بعد رحيله مش بحب أتكلم، لكن في ناس بتستغل كلامه بشكل غير صحيح عشان تقول شوفوا لينين بيقول إيه عن محمد صبحي".
أيمن بهجت قمروأما عن قصة خلافه مع أيمن بهجت قمر قال صبحى : “أنا بحب أيمن بهجت قمر جدًا، ومش عايز أعرف كان قال إيه، لأن الشخص اللي بيعتذر عندي شيء عظيم جدًا”.
وأضاف: «أنا مع حرية الرأي، ومن حق أي شخص يقول إنه مش بيحب محمد صبحي، وماعنديش مشكلة في ده، لكن بدون تجريح.. أنا بحب أيمن كشخص، وبحب شعره وشغله، وتعاملنا مع بعض قبل كده، لكن لم يجمعنا عمل فني مكتمل. ومع ذلك، اعتذاره له قيمة كبيرة عندي".
محمد صبحى وأم كلثوموكشف الفنان الكبير محمد صبحي عن موقف نادر جمعه بكوكب الشرق أم كلثوم، عندما كان شابًا يعمل في شباك تذاكر الحفلات، وهو الحلم الذي سعى لتحقيقه ليحظى بفرصة حضور إحدى حفلاتها.
تحدث محمد صبحي خلال استضافته في برنامج "سبوت لايت" مع الإعلامية شيرين سليمان على قناة صدى البلد، عن تجربته قائلاً: "وأنا في الثانوية كنت بشتغل في شباك التذاكر، وكنت بأخد جنيه في اليوم، وكنت بقعد شهر كامل أحجز عشان أحضر حفلات أم كلثوم اللي كانت أول خميس من كل شهر، كنت أجمع 30 جنيه في الشهر، وكان المبلغ ده بيكفيني سنة".
وأوضح أنه تمكن أخيرًا من شراء تذكرة في الصف الأول لحفل أم كلثوم مقابل 3 جنيهات، لكنه فوجئ بطلب غير متوقع من إدارة الحفل، قائلاً: "جالي صاحب الجمعية اللي كنت بشتغل فيها، وقالي مفيش كراسي فاضية في أول صف؟ قلتله مفيش، قالي طيب الست أم كلثوم محتاجة كرسي لضيف جاي من برة، فقلتله طيب هنعمل إيه؟ هانقوم الناس؟! فقالي طب ما انت اشتريت تذكرة، هاتها فرفضت".
وأشار صبحي إلى أنه أصر على حقه في حضور الحفل رغم محاولات الضغط عليه، حتى وصل الأمر إلى أم كلثوم نفسها، التي طلبت لقاءه: "دخلت عندها، وبمجرد ما شافتني قالت لصاحب الجمعية إيه ده ده عيل، فابتسمت، وقالتلي إنت شاري تذكرة عشان تتفرج عليا؟ طيب لو قلتلك أنا محتجاها عشان ضيف؟ فرديت عليها وقولتلها هقول لحضرتك إني مصري ومن حقي أحضر الحفلة".
وروى صبحي اللحظة التي فاجأته فيها أم كلثوم بتصرفها الإنساني الرائع: "بصت لصاحب الجمعية وقالتله ده صعب أوي، وقامت من مكانها، وخدتني من إيدي على كواليس المسرح، وحطتلي كرسي جنب الستارة، وقالتلي وأنا هغنيلك انت، كنت هعيط من الفرحة، وبعد ما حضرت الحفلة ندهتلي في الأوضة واديتني ظرف، فتحت الظرف لاقيت فيه 50 جنيه، مع إن الناس كانت بتقول عليها بخيلة".
زوجه تطالب بتطليقها للضرر.. جوزى متحرش