«هو أحنا ربنا» شوبير يوجه رسالة نارية لمنتقدي عودة حسام عاشور إلى الأهلي
تاريخ النشر: 17th, July 2023 GMT
وجه الإعلامي أحمد شوبير حارس مرمى الأهلي ومنتخب مصر السابق رسالة نارية إلى منتقدي عودة حسام عاشور إلى النادي الأهلي ودخوله النادي منذ يومين ولقائه مع بعض لاعبي الأهلي.
أخبار متعلقة
تفاصيل إصابة إمام عاشور وموقفه من خوض فترة الإعداد مع الأهلي
«مفيش صفقات».. شوبير يصدم جماهير الزمالك قبل البطولة العربية
«كوكا» أفضل لاعب في مباراة الأهلي والمقاولون العرب بالدوري
وقال أحمد شوبير في تصريحات إذاعية: «حسام عاشور من يومين دخل النادي الأهلي، الدنيا اتقلبت على السوشيال ميديا، ناس تقول نعفو عنه وناس قالت لأ.
وتابع شوبير: «يقول لك أصله غلط طب ما يغلط هو احنا ربنا، المولى عز وجل هو اللي بيسامح وبعدين أيه الغلط اللي عمله يعني طلع قال كلمتين، ما كلنا بنطلع نقول كلمتين ماشي عادي، وبنغلط كلنا بنبقى متعصبين ونقول كلمتينن لكن عاشور لا تطاول على حد ولا غلط في حد».
حسام عاشور و فايلر- المؤتمر الصحفي لمباراة النجم و الأهلي - صورة أرشيفية
وواصل حارس الأهلي السابق: «واحد تاني يقول لك أصله لعب في نادي تاني، وأيه المشكلة أتخن لاعبي الأهلي وبيشتغلوا دلوقتي في الأهلي لعبوا في أندية بره، النادي مشاهم ولعبوا بره، أنا مبهزرش أنت ايه اللي مزعلك إنه لعب بره النادي قال له شكرا جزيلًا طبيعي يروح يلعب».
وأوضح شوبير: «لكن حسام عاشور مجاش اتشرط على الأهلي هو كان عايز يكمل والنادي قال بطل وهنعمل لك مهرجان اعتزل، واستنى الرد لكن النادي اتأخر شوية قام طلع قال كلمتين في فيديو مكانش يليق به ككابتن النادي الأهلي وانتهت الحدودتة عند هذا الحد».
وانتقد شوبير المطالبين بمنعه من دخول الأهلي قائلاً: «لكن أنت تحرمني كواحد من أساطير الأهلي من دخول النادي، لا ده يدخل ويتعامل أحسن معاملة، واحد يقول لك اصله قابل قندوسي وخالد عبدالفتاح ما يقابل يا عم ويدخل ويقعد على الدكة وكابتن سيد عبدالحفيظ يستقبله ويطلب له شاي كمان».
وأضاف شوبير: «عصام الحضري وحسام حسن وجمال عبدالحميد من وقت قريب، بيخشوا النادي الأهلي ويلعبوا كورة مع فريق الشمس، زي برضه اللي ماسكين مجدي عبدالغني ومجدي تاريخ كبير، عاتبه على تصرفاته على تصريحاته لكن مش هنقطع رقبته».
واختتم شوبير: «أنا من أنصار إن حسام عاشور يرجع ناديه ويرجع بيته ولو حسام عنده أزمات مادية لازم الأهلي يساعده ويوجد له عمل جوه النادي كمان دي وجهة نظري واللي يزعل يزعل».
حسام عاشور الأهلي شوبير أزمة حسام عاشور عودة حسام عاشور إلى الأهلي أحمد شوبيرالمصدر: المصري اليوم
كلمات دلالية: شكاوى المواطنين حسام عاشور الأهلي شوبير أحمد شوبير النادی الأهلی
إقرأ أيضاً:
حسام حبيب لشيرين عبدالوهاب: استحالة نرجع ولو قالت حقيقة اللي حصل هـ.نتحر
وجه الفنان حسام حبيب، رسالة مؤثرة إلى الفنانة شيرين عبد الوهاب، طالبها بالإفصاح عن حقيقة الخلافات التي نشبت بينهما، قائلا: "أنا إنسان مريض لو دافعت عن نفسي بندم، ولو اتكلمت عن حقي هندم ومش هقدر، ولو قلت الحقيقة هنتحر".
وأضاف حبيب، في حواره مع الإعلامية بسمة وهبة، مقدمة برنامج "العرافة"، على قناتي النهار والمحور: "شيرين عبد الوهاب تضعني في مقوف لا أستطيع إطاقته أو تحمله، وأتمنى أن تتحدث شيرين عن كل شيء، وللأسف مش هي دي الإنسانة اللي حبتها".
وتابع: "لا يمكن أرجع لشيرين مرة أخرى، وأقسم بالله بحبها ومش هقول أد ايه، لكن هل لو رجعت لها مش هخاف منها؟! اللي يخاف من حد هيعرف يرتاح جنبه؟! أنا كنت بلمس شيرين وأنام، ولما كنت أقوم من الناس وملاقيهاش أجري زي العيال الصغيرة، وشيرين حرمتني من كل ذلك، ومش عاوزها ترجع، لكني عاوزها تتبسط وتنجح وأتمنى أشوفها في علاقة أحسن".