لا ده قانون ولا دي محاماة.. نهاد أبو القمصان تفتح النار على مسلسل «حالة خاصة»
تاريخ النشر: 13th, January 2024 GMT
مسلسل «حالة خاصة».. تصدر مسلسل «حالة خاصة» محركات البحث جوجل والأكثر مشاهدة على منصة watch it الرقمية منذ عرض أول حلقة، ما جعل الكثير من رواد مواقع التواصل الاجتماعي يعبرون عن رأيهم في أحداث المسلسل وعن عمل الممثلين به.
وآثار جدلاً منذ أمس، رأي المحامية نهاد أبو القمصان بعد أن عبرت عن رأيها في مسلسل «حالة خاصة» والذي تدور أحداثه حول شاب مصاب بالتوحد يعمل في مكتب محاماة تمتلكه غادة عادل.
كشفت نهاد أبو القمصان في فيديو عبر حسابها بموقع التواصل الاجتماعي «تيك توك»: "جميل أن يكون في مسلسل بيتكلم عن وجود شاب عنده حالة خاصة بس المكتب ده عايز يتشمع بكل المحامين اللي فيه، يعني أولا إزاي نجيب صاحبة القضية ونقعدها مع كل المحامين ومنهم المحامين اللي تحت التمرين ونقولها قولي كل أسرارك قدام الكل ونقولها هما دول اللي هيحلولك القضية، ده ضد مهنة المحاماة تماما مش في حاجة اسمها خصوصية إزاي أجيب موكل يتكلم عن أسراره قدام شباب لسة بيتعلموا ومتعينوش في المكتب وده انتهاك شديد لقيم وأخلاق مهنة المحاماة".
مسلسل «حالة خاصة»وأضافت: "ثانيا خلع ايه اللي بيعملوله تحقيق، 6 بيحققوا في قضية خلع ويصوروا جوز الست ويقولولها هاتي كشف طبي، الكلام ده ممكن يكون بيطبق في إنجلترا اللي فيها اقتسام للثروة فكل واحد بيثبت أن مش هو سبب الطلاق لكن الخلع عندنا الست بتتنازل عن أي حاجة ومش بنقول أسباب أصلا أما التحقيقات دي في الطلاق للضرر".
وأوضحت نهاد أبو القمصان: "كمان الجناية اللي المتهم ممكن يأخذ فيها إعدام ولسة بنتناقش فيها وحد يديها برشامة فيها الحل قبل ما تترافع وتقولولي دي أكبر محامية في مصر وهي الصبح بتقول للمحامين أنتوا أكبر عقول وأكبر محامين ومش عارفين توصلوا لحل".
وواصلت أبو القمصان الهجوم على المسلسل: "صاحبة المكتب قعدة مع الـ6 متدربين اللي لسة بتختبرهم مش حتى دول تحت التمرين والست أفراد معاهم قضية واحدة، ولا المحامي المتحرش هل في محامي ممكن يتجرأ على أستاذته ويتكلم معاها بالطريقة دي".
طه دسوقي من مسلسل «حالة خاصة»وطالبت نهاد أبو القمصان، من نقابة المحامين بضرورة تحدثهم عن الأمر، وواصلت حديثها: "حرام تدمروا ثقافة المجتمع القانونية ده احنا بنقعد سنين نبني الوعي القانوني وكمان موكلة تيجي لمحامية تقولها أنا هربانة من البوليس فتكلم المباحث تسلمها هي فين نقابة المحامين من الكلام ده".
موعد عرض الحلقة الخامسة من مسلسل «حالة خاصة»يفترض أن تُعرض الحلقة يوم الأربعاء المقبل على منصة watch it الرقمية، الساعة الثانية عشر مساء، حيث يعرض العمل كل أربعاء بشكل أسبوعي.
يحقق مسلسل «حالة خاصة» نجاحات كبيرة وردود فعل إيجابية من قبل الجمهور، ومن المتوقع أن يحقق العمل مزيدا من النجاحات رغم هجوم نهاد أبو القمصان عليه هجوم مروع.
اقرأ أيضاًموعد عرض مسلسل حالة خاصة الحلقتين 5 و6.. غادة عادل تكشف مرض ابنها
طه دسوقي عن دوره في حالة خاصة: شخصية جديدة وكنت عايز أجرب.. فيديو
بطلة «حالة خاصة».. هاجر السراج تنضم لنجوم «إمبراطورية ميم»
المصدر: الأسبوع
كلمات دلالية: حالة خاصة مسلسل حالة خاصة موعد عرض حالة خاصة نهاد أبو القمصان نهاد أبوالقمصان نهاد ابو القمصان نهاد أبو القمصان حالة خاصة
إقرأ أيضاً:
عمرو محمود ياسين عن مسابقات مسلسلات رمضان: «الحكاية الحلوة اللي بتكسب»
تابع أحدث الأخبار عبر تطبيق
علق المؤلف عمرو محمود ياسين عبر حسابه الرسمي بموقع "فيس بوك" على الجوائز التي يطلقها أبطال مسلسلات الموسم الرمضاني 2025.
وقال عمرو محمود ياسين: “بصراحة أنا حاسس إني مظلوم في المنافسة السنة دي، مسلسلات كتير عاملين مسابقات وجوائز قيمة، والجمهور متفاعل، وأنا لا عندي مسابقات ولا عندي جوائز! يعني حتى لو فكرت أعمل مسابقة، هسأل إيه؟ ‘مين بطل المسلسل؟’ وأهدي الفائز إيه”.
وأضاف عمرو محمود ياسين: “أنا كده مش عارف أنافس الصراحة، بس لما بفكر كده، زمان المسلسلات كانت بتنجح من غير كل ده، حد فيكم خد عربية لما شاف سوق العصر؟ أو كسب دهب لما تابع ليالي الحلمية؟ النجاح الحقيقي بييجي من الحكاية الحلوة اللي تفضل مع الناس، ده اللي افهمه ولا الدنيا اتغيرت ولا ايه وانا اللي مش دريان”.
واختتم قائلًا: “عشان كده، بجائزة أو من غير، مستني محبي وجمهور الدراما في رمضان مع مسلسل وتقابل حبيب… لأن الحكاية الحلوة هي اللي بتكسب في الآخر”.
أبطال مسلسل «وتقابل حبيب»يشارك في بطولة مسلسل "وتقابل حبيب"، ياسمين عبد العزيز، كريم فهمي، خالد سليم، نيكول سابا، أنوشكا، صلاح عبدالله، حنان سليمان، رشوان توفيق، محمود ياسين جونيور، بسنت شوقي، من تأليف عمرو محمود ياسين وإخراج محمد الخبيري.
فريدة سيف النصر: الست لو عدت الـ 60 سنة من حقها تقلع الحجاب شرعًا