طه دسوقي يوجه رسالة مؤثرة لجمهوره بعد نجاح "حالة خاصة"
تاريخ النشر: 13th, January 2024 GMT
وجه الفنان طه دسوقي، رسالة مؤثرة بعد نجاح مسلسله “حالة خاصة” عبر حسابه الشخصي على موقع "فيسبوك "
وكتب طه دسوقي: "شكرا كلمة قليلة جدا على كم الحب والمباركات اللي جايالي منكم من أول عرض المسلسل واسف لو ملحقتش ارد على ناس كتير بس حابب أشكر أولا كل اللي سهل عليا إني أعمل شغلي وأسف لو هيبقى بوست طويل شوية
وتابع: "شكرا لكوتش التمثيل نديم اللي اشتغلنا مع بعض على الدور شكرا للجمعية المصرية للتوحد ودكتورة داليا سليمان اللي ساعدوني أعرف أكتر وجاوبوني على أسئلة كتير جدا عن التوحد وقابلوني بناس كتير على طيف التوحد من مختلف المراحل شكرا عبدالله أشرف اللي قابلته في الجمعية وكان معايا في مرحلة التحضير وفادني جدا اني أتعرف عليه اكتر (بالمناسبة عبدالله دلوقتي شغال في تيم watch it) شكرا للصديقة الممثلة ملك ياسر اللي ساعدتني بمعلومات كتير عن التوحد وخاصة المرحلة اللي فيها نديم ".
واستطرد: "شكرا لصديقتي الدحيحة / مراتي نادين اللي دايما في ضهري وتحمست معايا وقعدت دورتلي على حاجات اشوفها وأقراها عشان اعرف معلومات اكتر، شكرا لسالي فايز ولكل فريق ginger، شكرا أستاذي واخويا الكبير احمد أمين اللي مترددش لحظة إنه يكون جنبي في أول حلقة من المسلسل واللي حقيقي من اكتر المشاهد اللي استمتعت بيها"
وختم قائلا: “ثانيا شكرا لكل فريق العمل بداية من استاذ طارق الجنايني اللي إختارني وحملني مسؤولية اني اكون ضمن المسلسل ده.. مرورا بالمؤلف مهاب طارق اللي عمل حدوتة مهمة وسلط الضوء على فئة ناس كتير أوي متعرفش عنها حاجة وقرر إنه يضفر أحداثها بأغاني فرقة المصريين.. والمخرج عبدالعزيز النجار اللي أنا متأكد اني تعبته معايا وكل فريق العمل اللي ورا الكاميرا من مهندسة الديكور سالي الشامي والاستايلست فريدة فؤاد ومهندس الصوت عمرو عصام وصولا للمونتير اللي اشتغل على المشروع بحماس ميقلش عن أي حد فينا كريم سعد”.
وتابع: "شكرا لكل كرو التصوير على رأسهم استاذ / محمد عبد الرؤوف شكرا الأستاذة الكبيرة -مقاما مش سنا- غادة عادل على حبها واحترامها لشغلها ودعمها ليا في مسلسل زي ده شكرا ومبروك لزمايلي على مجهودهم هاجر السراج - وئام مجدي - احمد أزعر - حسن ابو الروس - على السبع - لينا إيهاب شكرا للعبقري هاني شنودة اللي ربط التجربة دي بالموسيقى بتاعته وبأغانيه وشرفنا كلنا إنه يحط عليها إسمه، شكرا تاني لكل حد كتب عن المسلسل أو بعتلي أو باركلي وأتمنى باقي المسلسل يعجبكوا.. من قلبي شكرا".
المصدر: بوابة الفجر
كلمات دلالية: أبطال حالة خاصة
إقرأ أيضاً:
حسين الشحات يوجه رسالة لإمام عاشور على إنستجرام| ماذا قال؟
وجه حسين الشحات، لاعب النادي الأهلي، رسالة لزميله بالفريق اللاعب إمام عاشور، ذلك عبر حسابه الشخصي على موقع التواصل الاجتماعي انستجرام.
وشارك الشحات صورة تجمعه بإمام عاشور، وهنأه في عيد ميلاده وكتب: “كل سنة وأنت طيب يا أخويا”.
تنطلق مباراة الأهلي والزمالك في تمام الساعة السابعة مساءً بتوقيت القاهرة، وسيتم بث اللقاء عبر قناة أون سبورتس 1.
تُعد الغيابات العديدة في صفوف الفريقين مؤثرة بشكل كبير على المباراة، حيث يفقد كل فريق لاعبين أساسيين ومؤثرين في مختلف الخطوط. ويُضطر المدربان، مارسيل كولر وجوزيه بيسيرو، إلى إيجاد حلول بديلة لتعويض هذه الغيابات، ما قد يؤثر على الأداء العام للفريقين.
واشنطن وبكين تؤكدان مخاوفهما بشأن قضايا التجارة الثنائية