متابعة بتجــرد: روت الفنانة غادة عبد الرازق، تفاصيل تعرضها للخيانة من أعز صديقاتها، مؤكدة أن عاطفتها تقودها كما أنها لا تمتلك أصدقاء بالوقت الحالي.

وقالت غادة خلال لقائها مع الإعلامية فاطمة مصطفى في برنامج “الراديو بيضحك” المذاع عبر الراديو 9090: “أنا عاطفية جدًا ودمعتي قريبة، وقوتي إني لما أتهزم أقف تاني، ولكن قوتي مش في إني مؤذية أو شريرة، أنا مش عارفة أبقى لئيمة.

وتابعت: “عارفة يعني إيه يبقى عندي 53 سنة ومعنديش أصحاب؟ كان عندي صاحبتي خسرتها من 25 سنة وقاطعتها ست سنين علشان اتكلمت عليا، ومن سنة عملت نفس العملة تاني وسمعتها ومتسجل ليها، ليه أنا عملت فيها إيه؟ ولا خربت بيتها ولا خدت جوزها دي لو كانت طلبت عنيا كنت اديتهالها، قعدت أقول أستغفر الله العظيم ربنا مبيديش كل حاجة، خلاص أنتي مالكيش رزق ولا في أصدقاء ولا في حياة عاطفية، أنا خلاص أُنهكت”.

كما كشفت غادة عبد الرازق، كواليس مشهد البصق في مسلسل حدث بالفعل، قائلة: سلمى أبو ضيف مكنتش راضية تتف عليا في مسلسل حدث بالفعل، قولتلها أنتي بتفي على الشخصية مش غادة عبد الرازق، وإوعي تفتكري إني من النجوم اللي بيقولوا أنا متضربش، خليني أعلى معاكي علشان يبقى ليا رد فعل، وشديت شعرها وده مكنش مكتوب، وده التمثيل الحقيقي”.

وتابعت: سلمى أبو ضيف ذكية جدًا وبتحب التمثيل وبتعمل مجهود رهيب وبتسمعني كويس أوي، وأنا بصراحة مسبتهمش لأن أنا معنديش عوامل في المسلسل ده غير هي وابني، فكان لازم ميكونش في هفوة، ونعيد مرة واتنين وتلاتة وتقول أحسن من كده، والولاد كانوا بيقطعوا نفسهم في الدور، ولكن الكواليس كانت ضحك”.

وأكدت غادة حرصها خلال الفترة الحالية على انتقاء إجاباتها على أسئلة مقدمي البرامج التلفزيونية، موضحة أنهم استغلوا صراحتها بسبب رغبتهم في تصدر الترند”.

وقالت: أغلب البرامج استغلت صراحتي وأنا للأسف ماكنتش واخدة بالي، لأن هو في مصلحته يجيب غادة عبد الرازق ويطلع بيها ترند، وأنا متسرعة في الرد وصريحة جدًا وأتأذيت من ده، ودلوقتي بقيت باخد بالي جدًا لو روحت برنامج أي سؤال ميعجبنيش على الهواء بوقفه عند حده وبقول ده عدم احترافية”.

وتابعت: الفانز بتوعي دمهم شربات ومعايا بقالهم سنين، أنا عندي ناس من 22 سنة وحافظين غادة عبد الرازق، وأنا اللي في قلبي على لساني، بس الحمد لله بقيت ماسكة لساني دلوقتي”.

كما تحدثت غادة عبد الرازق، عن فترة غيابها عن الساحة الفنية، قائلة: “شغلانتنا من زمان جدًا لما تلاقي حد ناجح أوي ومش عايز نجاحه يكمل، هو بينجح بالعناصر اللي حواليه مش لوحده، أنا مع مخرج وكاتب وكاست وحدوتة أنجح، فكانوا بيطلعوا عليا سمعة علشان يخوفوا مني المنتجين والمخرجين، وبيعملوا نفس الحكاية مع الممثلين إني بتدخل، الأعمال اللي اشتغلتها أثبتت إن اللي بيقولوه مش حقيقة، لغاية ما مصر كلها عرفت إن ده مش حقيقة، لكنه خد وقت وتعبني نفسيًا”.

وعن واقع سنة 2023 عليها، علقت قائلة: “سنة 2023 كانت حلوة أخدت فيها خطوات كويسة على الصعيد المهني والشخصي، وكنت سعيدة بـ(تلت التلاتة) و(حدث بالفعل)، وإني عملت فيلم هو لسة منزلش ولكن رجعت من خلاله للكوميدي، وعلى المستوى الشخصي عنيا فتحت على حاجات كتير أوي إن أحفادي كبروا، فبقيت حاسة إن في أشخاص كبار موجودين معايا وبياخدوا ويدوا معايا في الكلام مكنتش واخدة بالي، إدتهم وقت من حياتي هما وبنتي روتانا وعملت حاجات عمري ما كنت أتخيل إني أعملها في الفاشون”.

main 2024-01-12 Bitajarod

المصدر: بتجرد

كلمات دلالية: غادة عبد الرازق

إقرأ أيضاً:

طه دسوقي: دا الوقت اللي لازم كل شباب الفنانين يشتغلوا ويستفيدوا من بعض

قال الفنان طه دسوقى بطل مسلسل ولاد الشمس، أنه كان يكن كل الاحترام لصديقه الفنان أحمد مالك قبل أن يجمعهما عمل فنى سويا.

الفنان طه دسوقي مع مني الشاذلي

وتابع طه دسوقى خلال حواره مع برنامج “معكم” المذاع عبر قناة “أون" تقديم الإعلامية منى الشاذلى، أنه كان يتحدث مع أحمد مالك قبل كثيرا للتمثيل سويا، معقبا:" احنا كمجموعة من شباب الفنانين دا الوقت دا اللى لازم نستفيد فيه من بعض ونشتغل مع بعض".

وعن التعاون مع احمد مالك قال:" أحمد احسن واحد اتعاملت معاه فى ورش التمثيل".

سلوى خطاب: ولاد الشمس عمل مميز خلق حالة درامية رائعة تستحق التحيةخُفت منه بجد.. معتز هشام يكشف كواليس العمل مع محمود حميدة في «ولاد الشمس»بعد تناوله في ولاد الشمس.. الحبس وغرامة 200 ألف جنيه عقوبة استغلال الأطـ.ـفال بدور الرعايةوزيرة التضامن تكرم فريق عمل مسلسل "ولاد الشمس" بحضور أبناء مؤسسات الرعاية| صوروزارة التضامن تشيد بمسلسل "ولاد الشمس" وتؤكد دعمه لقضايا اجتماعية هامةكان لازم مفتاح يموت.. إسلام فوزي يسخر من مسلسل ولاد الشمسوزارة التضامن 

ووجهت وزارة التضامن الاجتماعي التهنئة للشركة المتحدة وصناع مسلسل ولاد الشمس الذي يعد نموذجا للتعاون بين وزارة التضامن الاجتماعي والشركة المتحدة في التنسيق والتعاون في الأمور الفنية والمهنية.

وأشادت الوزارة بالدعم المجتمعي للمسلسل والإشادة بصناعه حيث إنه يعبر عن صوت أبنائنا في دور الرعاية، وقدم في قالب درامي مشاكل حقيقية للأبناء ومواقف واقعية ربما سيظل تأثيرها ممتد لسنوات.

ونظمت وزارة التضامن الاجتماعي تحت رعاية وحضور الدكتورة مايا مرسي وزيرة التضامن الاجتماعي احتفالية تكريم لفريق عمل مسلسل "ولاد الشمس" الذي أنتجته الشركة المتحدة وأذيع خلال شهر رمضان المعظم.

مقالات مشابهة

  • برفقة ابنتها وأحفادها.. غادة عبد الرازق تشارك جمهورها صورا جديدة
  • طه دسوقي: دا الوقت اللي لازم كل شباب الفنانين يشتغلوا ويستفيدوا من بعض
  • الجزائر تطلب اجتماعا طارئا لمجلس الأمن بعد تصاعد المجازر في غزة
  • هل يجوز للزوج أخذ مال الزوجة؟ وماذا لو طلبت رده؟
  • رانيا منصور تكشف كواليس شخصيتها المميزة في مسلسل «شباب امرأة» |فيديو
  • إسرائيل طلبت سحب الجيش المصري من سيناء .. وخبير عسكري يرد
  • «مصطفى بكري» يفند أكاذيب إسرائيل ضد مصر: الجيش اللي عملها في 73 يقدر يعملها تاني
  • بعد تعاونهم في «شباب امرأة».. داليا شوقي توجه رسالة لـ غادة عبد الرازق
  • ياسين السقا يرد على منتقديه: هتشوفوا اللي خلف مماتش
  • ما حقيقة زواج غادة عبد الرازق من لاعب كرة قدم سعودي؟