تامر حسني يتصدر تريند اليوتيوب بأغنية "موحشتكبش"
تاريخ النشر: 12th, January 2024 GMT
تصدر الفنان تامر حسني موقع الفيديوهات يوتيوب وذلك بعد طرحه أغنيته الجديدة “موحشتكش” والذي طرحها منذ يومين لتحصد المركز الأول وتحقق ٥،٩٣٧ مليون مشاهدة.
و في السياق ذاته حققت أغنية “موحشتكيش” عبر مواقع التواصل الإجتماعي الفيديوهات والصور إنستجرام وفيس بوك عبر خاصية الأستوري والمنشورات نجاحًا ساحقًا وباهر وليس فقط عبر موقع الفيديوهات يوتيوب.
شكل المكان زي ما كان
متغيرتش حاجات كتير
شايف بعيني ذكريات
من قلبي حبيتها بضمير
أجمل سنين أنا عيشتها كانت هنا
كل اللي ناقص في المكان إنتي وأنا
وتفاصيل كتير مش ممكن
أحسها من غيرك
معقول أكون موحشتكيش
من يوم بعادنا مش بعيش
رغم الفُراق مفارقتنيش
عندك خلاص واقفه الحياه
من بعد حضنك حضني مات
وكلامي يشبه للسكات
فاضلي منك ذكريات ذكريات آه
واللي فاضلي مني آه آه
بيلف صوتك في المكان
لسه صورنا على الرفوف
وكلام كتبته من زمان
وضحكتك بين الحروف
إسمك حبيبتي في كل لحظة أنا بنطقه
إحساس بعادك كل يوم أنا برفضه
ولا عمر قلبي في يوم هيحس
بواحده تانيه غيرك
معقول أكون موحشتكيش
من يوم بعادنا مش بعيش
رغم الفُراق مفارقتنيش
عندك خلاص واقفه الحياه
من بعد حضنك حضني مات
وكلامي يشبه للسكات
فاضلي منك ذكريات ذكريات آه
واللي فاضلي مني آه آه
المصدر: بوابة الفجر
كلمات دلالية: تامر حسني تريند يوتيوب أغنية موحشتكيش كلمات أغنية موحشتكيش مواقع التواصل الاجتماعي
إقرأ أيضاً:
تامر حسني يرد على إشادة رامي صبري: «أنت صاحب عمر وصوت عظيم»
رد الفنان تامر حسني عبر حسابه بموقع تبادل الفيديوهات والصور «إنستجرام»، على إشادة صديقه المطرب رامي صبري بعد تعاونهما معًا في «ديو» فيديو كليب جديد بعنوان «مبيتنسيش»، سيطرح قريبًا.
وكتب تامر حسني: «حبيبي يا رامي إنت قبل ما تكون نجم كبير ومُهم إنت صاحبي من أيام الطفولة ودي حاجات الناس متعرفهاش ويمكن مكنش في فُرصة نحكي ده قبل كده.. إنت يا رامي صاحب عُمر ومشوار مشيناه من الطفولة وأنا في الصورة ماسك المايك لأخويا ولصوت مصري عظيم يستحق».
أضاف تامر: «شُكرًا يا حبيبي على كلامك الغالي اللي من القلب أنا فعلًا اشتغلت معاك من كل قلبي وبكُل حرص علينا إحنا الاتنين بكُل التفاصيل بدافع الحُب والصداقة وإن ربنا يكرمنا مع بعض، أعتقد إن التعاون ده هيحمس كُل جيلنا إنه يعمل أفكار مشاركة كدة وأنا بنادي بيها من زمان من أيام تامر وشيرين وبعدها تامر وبهاء في أغنية قوم أقف وأنا وإنت بعدها إتكلمنا من سنين عشان نجمع البعض من جيلنا وعملنا المستحيل و للأسف معرفناش فقولنا نبدأ بنفسنا عشان نحمس الكُل».
واختتم قائلا: «حقيقي جمهورنا يستاهل مننا كُل الجديد وكل المُفاجآت اللي تفرحه والمطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم انتظروا كليب فعلًا مبيتنسيش بيني وبين أخويا النجم الكبير رامي صبري باشا».
كان رامي نشر صورة تجمعه بتامر حسني، عبر حسابه الرسمي بموقع التواصل الاجتماعي «فيسبوك»، وكتب: «أنا بشوف الصورة دي بشكل تاني خالص، أولاً تامر فنان أخ غالي ومحترم وواثق في نفسه، ودي للأسف مش موجودة كتير في مغنيين كتير ناجحين، ولكن عندهم مشاكل كبيرة ومايعرفوش يبقوا زي الراجل المحترم اللي ماسك المايك ده».
أغنية «مبيتنسيش»، غناء تامر حسني ورامي صبري، كلمات عمرو تيام، وألحان شادي حسن، توزيع مكس وماستر طارق توكل، وتريات تامر غنيم، جيتار أحمد حسين.
أسعار الذهب اليوم الخميس في ختام التعاملات المسائية