تامر حسني يطرح «موحشتكيش».. وثراء جبيل مفاجأة الفيديو كليب
تاريخ النشر: 9th, January 2024 GMT
طرح النجم تامر حسني كليب أغنيته الجديدة «موحشتكيش»، والتي تأتي ضمن ألبومه الأخير «هرمون السعادة»، وهي الأغنية الثانية في الألبوم الذي بدأ طرحه في شهر 7 الماضي.
وظهرت في الأغنية الفنانة الشابة ثراء جبيل مع تامر حسني، هي أغنية من كلمات أمير طعيمة وألحان وتوزيع أحمد إبراهيم ماستر علي فتح الله وتقول كلمات الأغنية:
شكل المكان زي ما كان
متغيرتش حاجات كتير
شايف بعيني ذكريات
من قلبي حبيتها بضمير
أجمل سنين أنا عيشتها كانت هنا
كل اللي ناقص في المكان إنتي وأنا
وتفاصيل كتير مش ممكن
أحسها من غيرك .
معقول أكون موحشتكيش !!؟
من يوم بعادنا مش بعيش
رغم الفُراق مفارقتنيش
بعدك خالص واقفه الحياه
من بعد حضنك حضني مات ..
وكلامي يشبه للسكات
فاضلي منك ذكريات .. ذكريات .. آه
واللي فاضلي مني آه
بيلف صوتك في المكان
لسه صورنا على الرفوف
وكلام كتبته من زمان
وضحكتك بين الحروف
إسمك حبيبتي في كل لحظة أنا بنطقه
إحساس بعادك كل يوم أنا برفضه
ولا عمر قلبي في يوم هيحس
بواحده تانيه غيرك ..
معقول أكون موحشتكيش !!؟
من يوم بعادنا مش بعيش
رغم الفُراق مفارقتنيش
بعدك خالص واقفه الحياه
من بعد حضنك حضني مات ..
وكلامي يشبه للسكات
فاضلي منك ذكريات .. ذكريات .. آه
واللي فاضلي مني آه
المصدر: الوطن
كلمات دلالية: تامر حسني ثراء جبيل فيديو كليب موحشتكيش امير طعيمة أحمد إبراهيم
إقرأ أيضاً:
سر غياب تامر حسني عن حفل زفاف ليلى زاهر وهشام جمال
أثار غياب الفنان تامر حسني، عن حفل زفاف زفاف الفنانة ليلى زاهر والمنتج هشام جمال حالة من الجدل عبر منصات التواصل الاجتماعي خلال الساعات القليلة الماضية، الأمر الذي من تساؤلات الجمهور حول سر غيابه عن الحضور.
ومع ارتفاع مؤشرات بحث الجمهور حول سر غياب تامر حسني عن حفل زفاف ليلى زاهر وهشام جمال الذي أقيم أمس الأربعاء بإحدى القاعات بمنطقة سقارة، لذا تستعرض «الأسبوع» للقراء والمتابعين كل ما يحتاجون معرفته عن سبب غياب تامر حسني عن حفل زفافهما.
وبعد تزايد حالة الجدل، خرج تامر حسني عن صمته عبر حسابه الرسمي بموقع تداول الصور والفيديوهات «إنستجرام»، قائلا: «مليون مبروك حبايبي الغالين ليلي زاهر وهشام جمال، محاشنيش إلا شغلي برا مصر، فعلا كان نفسي أكون معاكم، وعقبال باقي البنات يا زاهر، ربنا يحفظكم وينور مستقبلكم».
تفاصيل مفاجأة حفل ليلى زاهر
وعلى الجانب الأخر، نشر الفنان هشام جمال، فيديو من حفل الزفاف، عبر حسابه الرسمي على موقع تبادل الصور والفيديوهات إنستجرام، وعلق قائلا: «أولا أحنا بجد مش لاقين كلام يوصف إحساسنا بـ فرحتكم معانا وبأهلنا وأصحابنا اللي كانوا معانا في أحلى يوم في حياتنا، وفيه ناس كتير لازم نشكرهم بالاسم.. لكن أنا عايز أبدأ بأغنية «فستانك الأبيض» اللي بدأنا بيها الفرح».
وأضاف: «الحقيقة اني كنت ملحن الأغنية دي مفاجأة لـ ليلى فعلا وكان المفروض الأول أني أنا اللي هغنيها وأفاجئ ليلى بيها في الفرح.. لكن اخويا الكبير وصديقي وقبلهم الفنان العظيم حسين الجسمي عملي أنا كمان مفاجأة وكلم مادي صاحبي واخويا وموزع الأغنية من ورايا وعملولي هما مفاجأة في يوم تسجيل الأغنية ولقيت الأغنية متسجلة بصوت حسين الجسمي اللي ملوش زي واللي خلى الموضوع راح في حته تأنيه عندي وعند عروستي ليلى اللي بتحبة جدا».
وأضاف هشام جمال: »شكرا ليك بجد على احلى هديه لليلى وليا، شكرا للشاعر المحترف واخويا الكبير أمير طعيمة، الموزع العبقري مادي.. اخويا اللي تعبته معايا جدا مهندس الصوت الشاطر وحبيبي بشوي مجدي، وأخيرا شكرا لحمايا اللذيذ والفاهم أحمد زاهر اللي اشترك معايا في الجريمة دي».
اقرأ أيضاًتامر حسني ينعى الإعلامي صبحي عطري: «كان إنسان طيب»
عصام السقا: تامر حسني أيقوني.. وأكتر من تعرض لمكائد في الوسط الفني
«بطمن عليه كل يوم».. تامر حسني يساند عمرو مصطفى بعد أزمته الصحية
ثمانية وكلاء للنائب العام يتلقون تدريبًا متقدمًا ضمن اتفاق تعاون دولي مع فرنسا