حسين حجاج: مش هشتغل تاني مع السبكي لو هاخد دور بطولة

كشف الفنان حسين حجاج حقيقه خلافه مع الفنان محمد هنيدي قائلا : «مش زعلان من هنيدي كل الحكاية أن كان في لقاء تليفزيون وقالو لي مبيسألش عليك قولتلهم مبيسألش أنا اشتغلت معاه فيلم صعيدي في الجامعه الامريكيه وكان فيلم ناجح جدا».

أخبار متعلقة

محمد هنيدي في تصريحات مثيرة للجدل .. رفض التعاون مع الزعيم ونفى تناول المخدرات (فيديو)

محمد هنيدي مدافعا عن رحمة أحمد: «نفترض إنها أفورت.

. نقطع رقبتها؟» (فيديو)

محمد هنيدي: «هنتج فيلم جديد لحماده هلال.. ومش همثل فيه»

محمد هنيدي: شخصية «الخالة نوسة» عاشت مع الناس.. وأفكر في عودتها على المسرح

وتابع خلال حواره مع الإعلامية انجي هشام في برنامج «المنسي» عبر قناة «هي»: «مرة قابلته بعدها بسنه أو اتنين قولتله ايه انت نسيتني ليه؟ قالي مينفعش نشتغل مع بعض تاني قولتله طب ليه قالي اصل المشهد بتاعك كان حلو والناس لسه منسيتش لؤي لما الناس تنساه نرجع نشتغل تاني مع بعض»

واستكمل حديثه: «لقيت كلامه مش منطقي الناس لما بتلاقي حد ناجح في مشهد بتجيبه لكن ده بيقول العكس لكن أنا مش زعلان منه ولا حاجه هو حر، أنا معرفش هوا جواه ايه أنا قابلته ساعتها في هيلتون رمسيس وكان معاه ساعتها الاستاذ هاني رمزي وانا كنت رايح اسلم على هاني رمزي».

يذكر أن برنامج «المنسي» هو برنامج على قناة «هي» تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا، ويستضيف عددا من نجوم الفن والإعلامين الذي غابت عنهم أضواء الشهرة والنجومية.

و كشف الفنان حسين حجاج عن سبب رفضه للعمل مع المنتج أحمد السبكي قائلا: «رفضت الشغل مع منتج بسبب سلوكياته لأنها مش كويسة مع الممثلين عشان كده قررت مش هشتغل معاه تاني حتى لو هيديني بطولة».

وأضاف: «مبيدفعش أجور كويسة وفي مرة كنت شغال معاه فيلم واتعودنا في شركات الإنتاج إننا ناخد ١٠ في المئه والباقي في اللوكيشن إنما دا ممكن تروحيله الشركة وانتي مش عارفة هيدفعلك كام، عنده فهلوة ومبيحبش يدفعلك اللي انتي تستاهليه لازم أقل».

تابع: «اشتغلت معاه مسلسل وبعد سنتين اتصلوا بيا من فترة واحد قالي على فيلم قلتلوا مع مين قالي السبكي قلتلو لا مش هشتغل معاه تاني».

https://fb.watch/lOX25KURy2/?mibextid=Nif5oz

https://fb.watch/lOW9SgJUlL/?mibextid=Nif5oz

حسين حجاج خلاف حسين حجاج وهنيدي

المصدر: المصري اليوم