إيناس النجار: تركيبة الراجل في تغيير زمني
تاريخ النشر: 16th, July 2023 GMT
ناقشت المذيعة مروة سليمان، والفنانة إيناس النجار، مقدمتي برنامج «عركة ستات» المذاع عبر شاشة قناة «هي»، خلال الحلقة أزمة مصروف المنزل، ومن الذي يجب أن يدير أمور المنزل المالية المرأة أم الرجل.
أخبار متعلقة
تصريحات إيناس النجار عن تعرضها للخيانة الزوجية يثير الجدل.. ماذا قالت؟
إيناس النجار ترجئ نشاطها الفني لحين عودتها
إيناس النجار تحسم مشاركتها في 3 أعمال سينمائية ومسلسل جديد قريبا
وقالت الفنانة إيناس النجار، خلال برنامج «عركة ستات»: «الست هي الأكثر تدبيرًا وهي اللي بتشتري كل حاجة وعارفة الأسعار وعارفة بيتها محتاج إيه، 90% من الرجالة متعرفش كيس السكر بقى بكام، وده مش علشان هما مقصرين في المسئولية ولكن علشان الست هي اللي مسئولة، وده اللي بنشوفه في كل بيت في الوطن العربي من وإحنا صغيرين».
وتابعت: «أبويا كان مربيني وأسلوب حياته غير أسلوب حياتنا إحنا دلوقتي فأكيد تركيبة الراجل نفسها فيها تغيير زمني وتغيير في الحياة، الحياة دلوقتي 24 ساعة شغل، الراجل مش هيبقى فاضي، ممكن أول سنة جواز الراجل ينزل يشتري حاجة مع مراته بس بعد كده خلاص بتبقى مسئولية البيت على الست، هي اللي تطبخ وتربي الولاد وتودي الحضانة وتروح السوبر ماركت وهي اللي تشتغل، كل حاجة دلوقتي بقت على الست».
برنامج «عركة ستات» يذاع عبر شاشة قناة هي في أيام الثلاثاء والأربعاء والخميس من كل أسبوع في تمام الساعة السابعة مساءا، ويناقش البرنامج القضايا الاجتماعية والأسرية، ويستضيف عدد من الشخصيات العامة.
إيناس النجار عركة ستات
المصدر: المصري اليوم
كلمات دلالية: شكاوى المواطنين
إقرأ أيضاً:
«صموئيل» لديه 200 أسطوانة لكوكب الشرق: «بشغلها على الجرامافون»
داخل غرفة صغيرة يجلس الرجل الخمسينى، يدير عجلة الزمن إلى عكس عقارب الساعة، يعود به التاريخ إلى القرن الماضى، وتحديداً فى الستينات والسبعينات حينما كانت الست أم كلثوم ما زالت تلهب مشاعر الجماهير بهدير حنجرتها الذهبية، يضع أسطوانات الست أم كلثوم على جهاز «جرامافون» يجلس بالكرسى أمامه، ثم يسرح بخياله إلى الزمن الجميل، زمن «كوكب الشرق»، فالمشهد كله يبدو من فيلم أبيض وأسود، واحد من دراويش الست له طقوسه الخاصة عند سماعها ويظل يردد كلماتها، ويقول: «أنا من عشاق ومجانين الست أم كلثوم، مفيش يوم يعدى عليّا إلا لما أسمعها، فى الصبح أشغلها وبالليل أشغلها وبقعد فى الأوضة اللى محتفظ فيها بالتحف والمقتنيات القديمة وأعيش بقى».
50 عاماً فى حب كوكب الشرق، ظل غارقاً فى كلماتها وألحانها وحنجرتها الذهبية التى أبهرت العالم، فعند سماعها يشعر الرجل الخمسينى بأنه فى عالم آخر غير عالمنا، السعادة تدخل قلبه، الابتسامة تظهر على ملامحه، فعندما تغنى الست يردد «عظمة على عظمة.. قولى يا ست الكل»، هكذا وصف صموئيل محارب لحظاته أثناء سماعه لأم كلثوم لـ«الوطن».
منذ أن كان صموئيل فى عمر الـ5 سنوات كان يحرص على سماع الست أم كلثوم، فعندما سمعها أول مرة استغرب صوتها الذى جعله يلتزم الصمت: «أول مرة سمعت أم كلثوم كنت قاعد جنب أبويا وسألته مين دى قال لى دى التاريخ والصوت اللى عمره ما هيتكرر تانى فى أى زمن».
ورث الخمسينى عشق أغانى كوكب الشرق من والده، حيث كان والده يحرص على حضور حفلاتها: «والدى كان زيى مجنون الست، وكان يحضر كل حفلة، وفى كل حفلة كان بيروح يخيط بدلة جديدة عشان يحضر بيها وبيحجز تذاكر من الدرجة الأولى».
«سيرة الحب.. ألف ليلة وليلة.. أمل حياتى.. القلب يعشق كل جميل.. للصبر حدود» وغيرها من الأغانى يحرص «صموئيل» على سماعها للست أم كلثوم، مشيراً إلى أنه يحتفظ بما يقرب من 200 أسطوانة لكوكب الشرق، إضافة إلى شرائط الكاسيت: «أنا محتفظ بالأسطوانات بتاعة الست أم كلثوم لغاية دلوقتى ومفكرتش أبيع أى أسطوانة ومش بحب أسمعها غير على جرامافون وكل الحاجات دى ورثتها من والدى».
هكذا يظهر بيومي فؤاد من مسلسل قهوة المحطة رمضان 2025