مصطفى ميرغني: ضربة مدني دي بقت لخير والله
تاريخ النشر: 7th, January 2024 GMT
ناس الولايات إلا من رحم الله كانوا شايفين الحرب دي كذب كذب كده و ما مصدقين ناس الخرطوم و مرات بحسسونا اننا جبانين ساي و انو نحن معظمين الموضوع ده ساي
مرة في مسجد من مساجد مدني اتكلم شيخ انو دي حرب سلطة و فتنة و عبثية والكلام ده قمت عقبت على كلامو و انو الحرب دي حرب كرامة و انو الدعامه ديل بسفكو الدماء و بنهبو الأموال و بغتصبوا الحرائر و الجيش بدافع عننا قاموا و هاجو علينا و كانوا دايرين يدقوني أنا و أخوي الكاشف عصام السيمت بس ربنا مرقنا منهم
حتى لمن أتكلم عن الدعامه و جرمهم و تكييفهم الفقهي ما بلقى تفاعل و لا إقبال
و ما في مساجد بتدعو للخرطوم إلا قليلا جدا جدا
في النهاية بقيت شغال أحكام صلاة ساي ????
و واحد أخونا في ولاية أخرى قالي قاعد أدعو في القنوت طوالي للخرطوم ناس المسجد قالوا ليهو يا زول ما تشغلها لينا طوالي
سبحان الله بعد حادثة مدني دي الناس وعت وعرفت الخطر حقيقي و كبير قدر شنو
و ما زلنا محتاجين توعية كتيرة بهذا الخصوص
والله المستعان
رأينا التدرج في إجرام الدعامه في الخرطوم حتى وصلوا لما وصلوا إليه في مدني
هذه القوات تقوم على النهب لا نظام وظيفي لها يصرف لها مرتبات إنما الأمر قائم على ما نالته يدك فهو حلالك
لذلك لو كانت الحرب استمرت شهرا آخر في الخرطوم قبل حادثة مدني لانتهت الحرب تلقائيا لنفاد الخرطوم مما يمكن نهبه
لكن كان لابد من التخطيط لشيء يتزودون به
و في رأي لا شيء يجعلهم يغزون مدني غير النهب و هذا ما فعلوه تماما فلم يحققوا نصرا سياسيا من ذلك إلا الغنائم على حد زعمهم
خلص الله العباد و البلاد منهم
المصدر: موقع النيلين
إقرأ أيضاً:
مدني الدمام يباشر وميضًا لحظيًا في شقة بحي النخيل
الدمام
باشرت فرق الدفاع المدني بالدمام يباشر وميضًا لحظيًا في شقة بمبنى بحي النخيل،
وأشار الحساب الرسمي للدفاع المدني على منصة “إكس” أنه جارٍ استكمال الإجراءات اللازمة .