البرهان لـ«تقدم».. تعالوا لينا هنا في بورتسودان دي

جبيت – نبض السودان

اعلن رئيس مجلس السيادة القائد العام للجيش السوداني الفريق أول ركن عبدالفتاح البرهان، رفضه الاتفاق الذي تم بين تنسيقية القوى الديمُقراطيَّة المدنية “تقدم” بقيادة حمدوك وقائد قوات الدعم السريع محمد حمدان دقلو “حميدتي”.

وقال خلال مخاطبته الضباط والجنود في جبيت اليوم، إن القوى السياسية التي وقعت اتفاق مع التمرد ارتبكت خطأ، واضاف “انا بقول ليهم انتم غلطتم لانكم اتفقتوا مع جهة متمردة وخارج القانون” وتابع “الاتفاق بالنسبة لنا غير مقبول ولا عندنا بيه شغلة؛ لكن كقوى سياسية نحن نرحب بأن نتحاور معاكم مثلكم و القوى السياسية الاخرى؛ لكن تعالوا لينا هنا في بورتسودان دي”.

وابدى البرهان اسفه ان بعض السياسيين يصفقونةلحميدتي؛ واضاف “الى متى يضحكون على الناس، لمن فضوا الإعتصام قالوا ديل ما ناسنا ديل مندسين ولمن سرقوا ممتلكات المواطنيين قالوا ديل مندسين”.

وتابع “والله كنا قايلين انتم فيكم خير لكن اتضح انكم تريدون تدمير الشعب السوداني”

وحذر البرهان السياسيين، واضاف “اذا انتم سياسيين تريدون ممارسة العمل احسن تبعدوا من هذا الارجوز”.

وقال البرهان: بكل أسف بعض دول الاقليم يصفقون لهذا الارجوز، وهذه المسألة فيها اهانة للشعب السوداني، ولن نرضاها، لان هذه القوات ارتكبت جرائم ضد الإنسانية ويجب ان تعامل كقوات إرهابية”.

وتابع “كان قتلونا جميعا ومسكوا السودان، بخيت وسعيد عليهم، لكن نحن موجودين لن تقوم لهم قائمة، وكلامنا واضح اذا لم يوقفوا الحرب ويطلعوا من بيوت الناس ويرجعوا الأشياء التي نهبوها مافي مفاوضات معاهم ولا سلام”.

ورحب البرهان بالمقاومة الشعبية، واضاف “واي زول قادر يشيل السلاح يجي يقاتل مع الجيش واي سلاح عندنا حنسلحهم بيه، لكن يجب ان يقنن عند القوات النظامية عشان ما يعمل مشكلة”.

المصدر: نبض السودان