متناقضان في كل الأمور.. منى الشاذلي: زوجي مش رومانسي
تاريخ النشر: 4th, January 2024 GMT
كتب- محمد عبدالناصر:
كشفت الإعلامية منى الشاذلي، أنها تنتمي للطبقة المتوسطة، ووالديها من جيل الستينات.
وقالت: "عندي أمل وثقة في الله ومهما كان عندي شخابيط جوايا بس انا هشوف الحياة ملونة وبيضاء وفاتحة وليست سوداء، أنا إنسانة إيجابية مش سلبية".
وأكدت خلال لقائها مع الإعلامي أنس بوخش على قناته بيوتيوب: "الدنيا جزء منها المشاكل والصراعات، أكون بلهاء لو حلمت بحياة ما فيهاش مشاكل، وأنا مش هخترع دنيا على مزاجي عشان اكون مرتاحة".
وتابعت: "أنا ابنة الطبقة المتوسطة المصرية والدي ووالدتي من جيل الستينيات العظيم، وأبويا كان مهتم بتكويني وإن الجوهر أهم من المظهر، وأنا محبة لمحيطي وغير كارهة لأي شيء أو أي شخص"
ولفتت: "أبويا تطوع في المقاومة الشعبية وراح مدن القناة خلال حرب 56 لما حصل عدوان ثلاثي على مصر، واتعلمت منه الأخلاق وكان قمة الثقافة والمعرفة والأخلاق والبساطة".
وعن زواجها، قالت: "تعرفت على زوجي في إيطاليا، ورغم أننا متناقضان في كل الأمور خاصة أنه ليس شخص رومانسي إلا أن زواجنا استمر 25 عامًا".
وقالت الشاذلي:"من لم يعش قصة حب خسر الشغف الذي يكفي العالم، ولكن الحب شيء والحياة الزوجية أمر آخر حيث تحتاج إلى مجهود عاطفي وفكري".
المصدر: مصراوي
كلمات دلالية: كأس الأمم الإفريقية حصاد 2023 أسعار الذهب الطقس مخالفات البناء سعر الدولار انقطاع الكهرباء فانتازي الحرب في السودان طوفان الأقصى سعر الفائدة رمضان 2024 مسلسلات رمضان 2024 الإعلامية منى الشاذلي الإعلامي أنس بوخش طوفان الأقصى المزيد
إقرأ أيضاً:
هبة مجدي: زوجي الضهر والسند ومسلسل قصة الأمس كان الأطول في تصويره
تابع أحدث الأخبار عبر تطبيق
حلت الفنانة هبة مجدي ضيفة برنامج أرقام مع إيناس سلامة الشواف على راديو إنرجي وكشفت عن كواليس حياتها وأعمالها الفنية.
وأكدت مجدي أن العمر مهم جدا مينفعش يبقى مجرد رقم لأن كل فترة لها طبيعتها.
وقالت مجدي: "عن نفسي رقم العمر بربطه بالزواج والإنجاب وبفضله في أواخر العشرينات لأن صعب مجهود الحمل والولادة في عمر متأخر أو بدري و النضج مرتبط بالسن والخبرات مش عامل واحد انت الشغل الناجح مالهومش سن هما مرتبطين بالاجتهاد والحظ والمكتوب ياما ناس بتلمع وهي كبيرة
وتابعت: جملة كامل العدد في القاعة ده نجاح ومسؤولية كبيرة لأنه إقبال على شغلك وده حاجة تبسط جدا و رقم الترند مش بيهمني لأنه بالنسبة لي بيطلع عادة للأسوأ و المهم في الإيرادات وأرقام المشاهدة تبقى حقيقية
وأضافت: "معرفش أجور زملائي إيه ولو ركزت على النقطة دي وقتها القيمة هتقل والأجر العالي هيتحققلك لو اشتغلت كويس وبقيت مطلوب.
اما ترتيب الأفيش بيضايق فبرضه مبقيتش أركز فيه لأن كتير اتفاقات مش بتتم اللي يهمني هو الدور وتأثيره على الجمهور.
وعن ارقام المتابعين سارت قائلة:"مكانتش مهمة في بدايات ظهور السوشيال ميديا.. بعد فترة بقت مهمة ولقيت ناس كتير بتعلق على الأرقام اللي عندي و عن نفسي حلو إحساس إن فيه متابعين حقيقيين و ده بيبان في تفاصيل كثير وفي الشارع.
وأضافت: "بحب توقيت نزول العمل في رمضان ميتنسيش وبيهون تعب شهور التصوير اللي قبلها.
وأكدت :"جوزي بعتبره الضهر والسند وأمي وحماتي الواحدة منهم بعشرة.
وتابعت قائلة: أول عمل ليا في التمثيل كان مسلسل في صوت القاهرة كان عندي ٨ سنين و كنا أطفال بنشتغل بدون أجر و خدت سنين كتير عشان أوصل لأول خطوة ترضيني ويعني من عمر ٨ سنين لحد ما قدمت "قصة الأمس" سنة ٢٠٠٨، ومركزتش كام عمل ليا بعتبره علامات مهمة ليا و مسلسل "موسى" كان صعيدي وظروف تصويره في أماكن صعبة والمشاهد كان أغلبها ماستر سين فأوقات تصويره كانت بتوصل لـ ٦ ساعات في المشهد الواحد و أطول عمل صورته كان "قصة الأمس" مع أستاذة إنعام.. استمر لمدة سنتين وأقصر عمل ليا وبعتبره من أهم ما قدمت حلقات مسلسل "عيشها بفرحة" من قصص مسلسل "٥٥ مشكلة حب" وصورناه في ١٦ يوم وهو كان ١٠ حلقات وكنا بنصور قبل الإذاعة بيوم.
ورشة تعريفية حول أعمال فريق دمج المكاتب المعنية بالحديدة