منى الشاذلي توجه نصيحة للشباب:" لو اكتافك متتحملش المسئولية متتجوزش"
تاريخ النشر: 3rd, January 2024 GMT
كشفت الإعلامية منى الشاذلى، عن تفاصيل حياتها الشخصية والتي نادرًا ما تتحدث فيها، وذلك خلال لقائها في برنامج ABtalks مع الاعلامي أنس بوخش.
تصريحات منى الشاذلي
وقالت منى الشاذلي أنها من الطبقة المتوسطة المصرية، وأن والديها كانوا من جيل الستينات، مُضيفة: علمني والدي إن الجوهر أهم من المظهر، وإن محبة لكل محيطي، غير كارهة لأي شيء سواء أكل أو شخص، ممكن أزعل من شخص وأحذفه من حياتي، وكلمة كراهية صعبة عليا، وأحب أن أكون منتجة وليس مدللة، ولم أتربى منذ صغري على الدلال، عشان لما تيجي النعمة أفرح بها ولما تزول أقدر أتخطاها".
وأكدت منى الشاذلى على أنها كانت طفلة وديعة، مُضيفة:" وفي العموم أنا إنسانة وديعة وقوية.. ولكن قوتي داخلية، مش بحب القوة اللي فيها صوت عالي وفرد عضلات.. وبشوف أقوى الناس هم الناس الهادية اللي قوتها داخلها، وحياتي كانت مع أسرة محبة وأم عطوفة جدًا".
مني الشاذلي تكشف عن سر زواجها
كما تحدثت منى الشاذلى لأول مرة عن زواجها والذى استمر 25 عاما قائلة: "لما قررت اسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لا كنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظم العلاقات اللي بتبدأ بخناق بتعيش لمدة طويلة وأنا وهو دلوقتي تمينا 25 سنة مع بعض وأنا وجوزي متناقضين في كل حاجه وهو مش رومانسي.. هو حنون ورجل عائلة عظيم، لكنه راجل عملي، ومش بنزعل من الاختلاف بينا".
نصيحة مني الشاذلي للشباب
ووجهت منى الشاذلي نصيحة للشباب، قائلة:" الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولو اكتافك متتحملش المسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير".
المصدر: بوابة الفجر
كلمات دلالية: منى الشاذلي برنامج ABtalks أنس بوخش الإعلامية منى الشاذلي الحياة الزوجية الإعلامي أنس بوخش منى الشاذلی
إقرأ أيضاً:
باسم يوسف يجري عملية جراحية دقيقة فى العمود الفقري
خضع الإعلامى باسم يوسف الى عملية جراحية فى العمود الفقري وذلك بعد تعرضه الى ألام شديدة اسفر عن دخوله المستشفي فى دبي.
ونشر طبيب باسم يوسف صورة من داخل المستشفي يكشف فيها تفاصيل إجراء عملية جراحية دقيقة فى العمود الفقي للاعلامي الشهير قائلا : لقد سعدنا باستقبال الدكتور باسم في عيادتنا بدبي حيث خضع لعملية على أيدي استشاري جراحة العظام والعمود الفقري المرموق.
من ناحية اخرى وجه الإعلامي شريف مدكور رسالة الي باسم يوسف عبر حسابه الشخصي فيسبوك .
وكتب شريف مدكور :" مع كامل احترامي لدكتور باسم مرة كان عندي في البرنامج بنات أطفال عندهم ١٢ سنة بيرقصوا باليه الكلام ده من أكثر من ١٠ سنين و ساعتها السلفيين كانوا عاوزين يمنعوا البالية من مصر ساعتها جبت البنات يعملوا عرض وقولتلهم أنتوا بتقدموا فن راقي و عملت حركة معاهم علشان أشجعهم وطبعاً دكتور باسم أخد اللقطة واتريق ساعتها مهمنيش وقولت يعني هي جت عليه ما ناس كثير بتتريق عليا بس المشكلة إن البنات اللي كانوا معايا زعلوا علشان افتكروا إن هو بيتريق عليهم لأنهم ساعتها كانوا أطفال أديك بترقص أهو يا دكتور ".
قررالإعلامي شريف مدكور فجأة أن يعتزل الناس والمجتمع، وخرج عبر حسابه الخاص على موقع التواصل الاجتماعي فيسبوك ليصدم الجمهور بأخذ القرارات الجديدة، وهي اعتزال النشاط المجتمعي وزيادة الفجوة مع غير المقربين