منى الشاذلي تروي تفاصيل قصة زواجها: «لا كنت بطيقه ولا هو كان طايقني»
تاريخ النشر: 3rd, January 2024 GMT
تصدر اسم الإعلامية منى الشاذلي محركات بحث جوجل خلال الساعات القليلة الماضية، وذلك بعدما كشفت عن تفاصيل قصة زواجها وحياتها المهنية.
تفاصيل قصة زواج منى الشاذليوروت منى الشاذلي خلال لقائها مع الإعلامي أنس بوخش في برنامج «ABtalks»، تفاصيل قصة زواجها، قائلة:«لما قررت أسافر إيطاليا علشان أشتغل قررت إني مقعش في الحب وأركز في شغلي ومستقبلي، لكن وقعت في الحب، وفي الأول لا كنت بطيقه ولا هو كان طايقني، كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان، ومعظم العلاقات اللي بتبدأ بخناق بتعيش لمدة طويلة».
وأضافت منى الشاذلي:«أنا وجوزي متناقضين في كل حاجة وهو مش رومانسي، وأنا وهو دلوقتي تمينا 25 سنة مع بعض و هو حنون ورجل عائلة عظيم، لكنه راجل عملي، ومش بنزعل من الاختلاف بينا».
وتابعت:«لو أكتافك متتحملش المسئولية متتجوزش، الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير».
منى الشاذلي عن نشأتهاقالت منى الشاذلي:«أنا بنت الطبقة المتوسطة المصرية، والداي كانوا من جيل الستينات العظيم، وعلمني والدي إن الجوهر أهم من المظهر».
وتابعت: «لم أتربى منذ صغري على الدلال، عشان لما تيجي النعمة أفرح بها ولما تزول أقدر أتخطاها، وأحب أن أكون منتجة وليس مدللة، أنا محبة لكل محيطي، وغير كارهة لأي شيء سواء أكل أو شخص، ممكن أزعل من شخص وأحذفه من حياتي، وكلمة كراهية صعبة عليا».
أما عن علاقتها بوالدتها قالت منى الشاذلي«أنا كنت طفلة وديعة.. وفي العموم أنا إنسانة وديعة وقوية.. ولكن قوتي داخلية، بشوف أقوى الناس هم الناس الهادية اللي قوتها داخلها، ومش بحب القوة اللي فيها صوت عالي وفرد عضلات، وحياتي كانت مع أسرة محبة وأم عطوفة جدًا».
اقرأ أيضاًأسرة فيلم «الحريفة» ضيوف معكم منى الشاذلي الخميس.. حلقة كلها ضحك ولعب (صور)
منى الشاذلي مفاجأة أولى حلقات برنامج ABtalks في 2024
المصدر: الأسبوع
كلمات دلالية: منى الشاذلي منى الشاذلى معكم منى الشاذلى برنامج منى الشاذلي برنامج معكم منى الشاذلي منى الشاذلى معكم حلقة منى الشاذلي حلقة معكم منى الشاذلي حوار منى الشاذلي abtalks منى الشاذلي منى الشاذلی تفاصیل قصة
إقرأ أيضاً:
محسن جابر: أدخلت السرور في كل بيت مصري وعربي وربنا يحسن خاتمتي
أكد المنتج الكبير محسن جابر، أنه لم يفوته شيء في حياته العملية وقدم كل شيء جيد وادخل السرور على قلوب الجميع، قائلا: "عملت كل حاجة كويسة وكل بصمة جميلة ودخلت السرور في كل بيت في المنطقة العربية والجاليات المصرية والعربية في العالم كله".
ووجه محسن جابر، رسالة خلال حواره ببرنامج "حبر سري"، مع الاعلامية اسما ابراهيم، المذاع على قناة القاهرة والناس، "مبقاش في حاجة غير إن ربنا يتقبلني قبول حسن ويحسن خاتمتي وفخور بمشواري من بدايته لنهايته وأي اغنية انتجتها ومشواري كان مشرف وعملت كل ما يسعد الجماهير العربية والمصرية".
وعبر محسن جابر عن اشتياقه الشديد للموسيقار الراحل عمار الشريعي: "وحشتني يا عمار ووحشني تليفونك كل يوم الصبح عشان تعرف أخبار البلد ايه وكنت سند وفي ضهري ووحشتني ضحكت ومهارتك وأنت بتعمل مكساج لأصعب الأغاني وقعدتك وشلتك وريحة بيتك لو كان موجود كنت هحس بسند كبير في ضهري"