حسن شاكوش يرد على محمود العسيلي: (أنا مش حافظ أغانيه و لا أعرفها!)

البوابة-رد الفنان الشعبي حسن شاكوش على الفنان محمود العسيلي بعد تصريحات الأخير التى هاجم فيها مطربي المهرجانات بسبب اعتلاء صدارة الأعلى استماعا بالوطن العربي.

اقرأ ايضاًالمحكمة تغرم حسن شاكوش 80 ألفا بتهمة إتلاف (جيت سكي)

وقال حسن شاكوش عبر حسابه على موقع التواصل الاجتماعى (إنستغرام): (مينفعش نبقى في وش بعض نتكلم بأسلوب، وفي الضهر نتكلم بشكل تاني وبطريقة تانية، أنا مبحبش البني آدم اللى كده، محمود العسيلي جالي كذا حفلة وبنزل الاستيدج وأروح أسلم عليه ده ذوقيًا، وده اللى اتربينا عليه).

وأضاف:(أقسم بالله مش عشان حاجة أنا مش حافظ أغاني لمحمود العسيلي ولا أعرفها، إحنا الحمدلله والشكر لله مسمعين وموجودين في الوطن العربي، اللى هيحترمنا هنشيله فوق دماغنا، واللى مش هيتحترمنا مش هنحترمه، مينفعش يطلع من بوقي لفظ يضايق أي حد وأنا بيسمعني عائلات وأطفال وبتقول الراب كمان هينتهي، طب لما الشعبي والراب هينام مين هيبقى موجود؟ أمال مين هيرقص الناس، إحنا لازم نحترم بعضينا ونقدر بعضينا ونخاف على مشاعر بعض، أنا راجل بغني وفي سوق ووسط النجوم فلازم أكون عارف ده بيغني ايه وبيعمل إيه، عيب إنك تقول عصام صاصا ومش عارف بيغني إيه عصام صاصا؟ بيغني هيندي؟ ربنا يهدي الجميع).

اقرأ ايضاًمحمود العسيلي يطرح (أموت أنا) من فيلم (تحت تهديدي السلاح)

يذكر أن محمود العسيلي ظهر فى أحد البرامج الفنية وقال: (أنا فيه واحد معرفوش خالص وعمري في حياتي ماسمعته هو الأكثر استماعا على جميع المنصات معرفش هو بيغني إيه فعلا بس هو الأكثر استماعا على كل المنصات أكتر من كل الناس في الوطن العربي).

وتابع العسيلي قائلا:(الراب هيجيله وقت ويختفى لأنه مبنى على موضة غير ناس قليلة جدا اللى عندهم حاجة ثابتة وبيبنوا، أنا بالنسبة لى مطربي المهرجانات موجودين هما كان نجاحهم كبير بس مبقوش زى الأول ودا اللي بتكلم فيه بتبقى ظواهر، فيه حاجات بتطلع ظاهرة زي شعبان عبدالرحيم و بتختفي).

المصدر: البوابة