استدرجوه للصلح بنية القتل.. دموع أم تحكي قصة مقتل ابنها على يد 4 أشخاص بشبرا الخيمة|بث مباشر
تاريخ النشر: 2nd, January 2024 GMT
شهد شارع الصفتي بمنطقة شبرا الخيمة، واقعة قتل كانت بدايتها غيرة ونهايتها غدر، راح ضحيتها شاب في مقتبل عمره، علي يد 4 أشخاص، طلبوا منه الصلح فوافق وذهب معهم، لكنهم تربصوا له وقتلوه بسلاح ناري فوق السطوح بمنزلهم، ولمعرفة تفاصيل أكثر عن الواقعة، ذهبت محررة "الفجر" لمنزل المجني عليه "محمد الفيشاوي" للتواصل مع أهله.
ظهر علي منزل المجني عليه محمد الفيشاوي علامات الصمت والحزن، فعندما دخلت محررة "الفجر" الشقة شاهدت إضاءات ضعيفة والجميع يجلس في ركن يقرأ القرآن وعلامات الحزن على وجههم.
وبالحديث مع والدة المجني عليه قالت "ابني كان عنده أحلام كتيره عايز يعملها كان بياخد كورسات عشان يطور من نفسه، وكان متطلع للحياة ومهتم بلبسه وشكله، لكن الغيرة والحقد اللي في قلوب الناس أخدته مني".
وقالت والدة ضحية الغدر: بداية المشكلة اللي حصلت مع ابني والقتلة، كانت قبل جريمة القتل ب15 يوم، قالوله حلوة الهدوم اللي انت لبسها دي، وعشان انا مكنش بستريح للناس دي قولتله ابعد عنهم ومتكلمهش، لكن هما مكنوش سايبينه في حاله، واحد منهم طلب رنة تليفون من عنده فرفض، اتخانقوا بعديها مع بعض وقالوه انت شايف نفسك علينا ليه".
واستكملت حدثيها: "بعديها بـ15 يوم طلبوه من ابني يروحلهم البيت عشان يتصالحوا، وقالي ياماما عشان مش عايز أعمل عداءات مع حد، واخد الناس على عيوبها هنتصالح عشان يشلوني من دماغهم".
وأردفت: ابني راح معاهم البيت عشان يتصالح، لكن بعديها لقيت حد بيرن عليا وبيقولي ابنك مات، مصدقتش نفسي ولقيت الرقم بيرن تاني وبتقولي تعالي خدي ابنك في شارع عرابي، نزلت حافيه وجريت في الشوارع مش عارفه راحة فين".
وذكرت: بنتي هي اللي شفتوه فوق على السطوح وهو مقتول ومغطينه بملايه، لكن أنا شوفته في المستشفى قبل إما يموت وهو بيقولي عطشان، ملحقتش أجبله مايه وتوفي".
وأضافت" قبل إما ينزل كان حاسس إنه هيموت، قلبي اتحرق عليه ومش قادرة أقوم من مكاني من ساعة إما توفي، كان هو صاحبي وسندي اللي بشكيلوه همومي ويحلهالي، كان راجل البيت وبيساعد أبوه وأخته بفلوس".
وقالت والدة المجني عليه: أطالب بالقصاص من 4 متهمين اللي قتلوه ابني غدر في منزلهم، وهو كان رايح بنيه التصالح، لكن هما كانوا بيغيروا منه ومتعمدين قتله".
بداية الواقعة عندما تلقي قسم شرطة شبرا الخيمة ثان بمحافظة القليوبية، بلاغ بمصرع شاب يدعى محمد فيشاوي 23 عاما، إثر إصابته بطلق ناري فرد خرطوش.
علي الفور انتقلت الأجهزة الأمنية لمكان الحادث وتبين نشوب مشاجرة مع 4 أشخاص من بينهم صديقه، بسبب خلافات بينهم، فأطلق عيار ناري فرد خرطوش أودى بحياته.
جرى نقل الجثة لمستشفى، تحت تصرف النيابة العامة والتي أصدرت قرارها السابق.
محررة "الفجر" مع أهل المجني عليه جانب من الأحداث محررة "الفجر" مع أهل المجني عليهالمصدر: بوابة الفجر
كلمات دلالية: شبرا الخيمة قتل غدر القليوبية المجنی علیه
إقرأ أيضاً:
خاص | محمود سليم مؤلف جامدين جامدين يكشف لـ الفجر الفني سر تعاونه مع تامر حسني
حققت أغنية جامدين جامدين لتامر حسني نجاح كبير جدًا في 3 أيام فقط من طرحها، حيث تخطت حاجز الـمليون مشاهدة والمركز الثامن بتريند يوتيوب.
وكشف المؤلف والشاعر الغنائي محمود سليم مؤلف أغنية جامدين جامدين في تصريح خاص لـ الفجر الفني عن تعاونه مع نجم الجيل تامر حسني معلقًا: "التعاون مع تامر حسني ممتع جدًا، وكان تعاون بسعي ليه من سنين كتير والحمد لله ربنا وفقنا بأغنية جامدين جامدين "
وعن طريقة تعاونه مع تامر حسني أضاف:"والتعاون جه عن طريق صديقي الملحن تيام علي، بعتلي لحن الأغنية وطلب مني نعملها على شكل ولون تامر وبالفعل عملتها بالشكل اللي الناس سمعته وسمعهاله والحمد لله عجبته جدًا".
تفاصيل أغنية جامدين جامدين
تعد أغنية جامدين جامدين من كلمات محمود سليم وألحان تيام علي وتوزيع هشام محمد
قصة الأغنية
تشير الأغنية للسعادة والطاقة الإيجابية من خلال إسعاد الآخرين وجعلهم يشعرون بالسعادة والفرح وسط من يحبونهم، وطرح تامر حسني الأغنية من خلال فيديو على حسابه الرسمي بمنصة يوتيوب.
كلمات أغنية جامدين جامدين
لو حد زعلان قابلك، هاته من ايديه، قوله في ناس فرحانه، وجو جديد عليه، لو جالنا بس هيطلع، من كل اللي فيه، احنا لمتنا دي، بالدنيا كلها، كل دقيقه انبساط بنستغلها، والسكه اللي بتزعل نمشي عكسها، رقص اللي مكشر دلعه، وتعالى من الحزن نطلعه، يالا خلي اليوم ده نولعه، ونكتر الحلوين، جامدين جامدين وده كده كده، صحبتنا الحلوه مأكده، لأ بقى والحلو في كل ده، احنا كده من سنين، لسه الأيام الحلوه بينا مكمله، والسهره جامده معانا ولسه مبيته واكيد بكرا اللي جاي اجمل من كده، عدي وفوت وكبر، وانسى ومتقفش، فك الزعل علشان بقى، وشك ميكرمش، هنعيش الدنيا مره ياعم
فكها، رقص اللي مكشر دلعه، وتعالى من الحزن نطلعه، يالا خلي اليوم ده نولعه ونكتر الحلوين، جامدين جامدين وده كده كده صحبتنا الحلوه مأكده، لأ بقى والحلو في كل ده احنا كده من سنين.
بوركينا فاسو تحظر أنشطة QNET المثيرة للجدل حتى إشعار آخر