يدخل من شباك المطبخ.. ننشر اعترافات المتهم بقتل عشيق زوجته فى حدائق المعادي
تاريخ النشر: 1st, January 2024 GMT
تحقيقات موسعة فتحتها الجهات المختصة في واقعة مقتل شاب في حدائق المعادي، حيث كشفت التحقيقات أن المجني عليه كانت تربطه علاقة آثمة مع زوجة المتهم الأول والذي أجبر زوجته على استدراجه بعد اكتشافه خيانتها له لتخلص منه.
وقال المتهم خلال التحقيقات "أنا سواق توك توك ومتجوز "أسماء " مراتي من سنتين ومخلف منها بنت بنزل الشغل الصبح بدري وبرجع بليل متأخر بقفل عليها باب الشقة بالمفتاح دايما وأنا نازل رايح شغلي علشان بتعمل مشاكل مع الجيران وأختي عائشة تعدي عليهم وتشوف طلبتها"
سمعت مراتي بتقولوا لعشيقها تعال البيتوأضاف المتهم في يوم بعد ما خلصت الشغل بتاعي روحت على بيت أختي عائشة علشان أنا متعود بعد ما أخلص شغلي أعدي عليها علشان أديها يومية التوك توك علشان التوك توك ده بتاعي أنا وهي ولما روحتلها البيت قالتلي شوف مراتك بتعمل ايه وفتحت الموبايل بتاعها وكان متسجل عليه مكالمة فيها مراتي بتكلم واحد اسمه أشرف وكانت بتقوله إنها قاعده في البيت لوحدها وإن أخت جوزي نزلت من البيت علشان تجيب طلبات ليا وانها شوية وهترجع وتجيبلي الطلبات وبعدين تمشي ياريت تيجي علشان تعمل معايا علاقة وهو رد عليها وقالها انه هيبقي يجلها وانا لما سمعت كده فضلت مش مصدق ومقولتش لمراتي حاجة.
وأوضح المتهم بعدها بيومين أختي جت عندي البيت نديت علي مراتي وقولتلها انتي بتكلمي رجالة وبتخليهم ييجوا البيت عندي وهي في الأول قالتلي الكلام ده مش صح فجبت موبايل اختي وسمعتها المكالمة وهي قالتلي أنا مش هعمل كدة تاني فأنا مسكتها وضربتها وقتها قالتلي إنه أشرف ابن الست اللي ساكنة معانا في البيت وأنا سألتها بييجي عندك إزاي قالتلي من الشباك بتاع المطبخ لما انا بنزل وأنا بعد ما عرفت كده نزلت أنا واختي وقفلت باب الشقة عليها وقولت لأختى أنا عاوز أمسك الواد ده وهو قاعد مع مراتي في البيت.
وأشار المتهم بعد تفكير وصلنا لإنها تكلمه على الموبايل وتجيبه البيت ولما ييجي تكون احنا عارفين وتمسكهم وأختي قالتلي نخلى مراتك تروح تقعد مع صاحبتها بدار السلام وفعلًا خليت مراتي تسيب البيت وتروح شقه صاحبتها علشان تكون تحت عنينا ومتعدش في البيت لوحدها واختي بعد كده خلت مراتي تكلم أشرف ده وتتفق معاه انه يجي البيت وهو اتفق معاها انه يجيلها يوم الإثنين علشان عنده شغل وانه هيجلها بعد العصر ولما جه أشرف دخلت البيت لقيته هو ومراتي على السرير وقالع البنطلون فضربته وربطته بحبل بعدها كلمت الشرطة تيجي تاخده عرفت بعدها أنه مات.
المصدر: بوابة الوفد
كلمات دلالية: حدائق المعادي تحقيقات علاقة آثمة خيانة زوجية المعادي فی البیت
إقرأ أيضاً:
خيط الجريمة.. الخلافات المالية تقود النيابة لكشف المتهم بقتل نقاش بالقاهرة
"اليوم السابع" يقدم فى سلسلة حلقات على مدار شهر رمضان، "خيط الجريمة" والتي تقدم قصصا تكشف الخيط الذى يساعد رجال الأمن والقضاء على فك طلاسم الجريمة والوصول الى حل اللغز والتعرف على مرتكب الجريمة، تلك القصص التي تعد ليست دربا من الخيال، وإنما هى قصص حقيقة على أرض الواقع، ظل رجال الأمن فترات حتى وصلوا الى "خيط الجريمة" .
حالة من الصدمة أصابت أهالى منطقة دار السلام ، بعد عثور الأهالي على جثة شاب يعمل فى مجال النقاشة، داخل توك توك بدائرة القسم بها طعن نافذ بمنطقة الرقبة، الأمر الذى أثار الرعب فى نفوس الأهالى بالمنطقة.
بدأت الواقعة بإخطار الأهالى رجال المباحث بقسم شرطة دار السلام بالعثور على جثة شاب داخل توك توك، على الفور انتقلوا لمكان الواقعة، وتم فرض كردون أمنى لبدء التحريات حول الواقعة، كما أنتقل فريق من النيابة العامة لمكان الحادث لمعاينة الجثة، حيث تبين أن الضحية بكامل ملابسه ويوجد طعن فى منطقة الرقبة.
اتخذت النيابة إجراءاتها وأمرت بجمع جميع كاميرات المراقبة بمحيط الواقعة، والتحريات حول المجنى عليه والبحث فى محاضر التغيب لتحديد هويته ومن ثم تتبع وسؤال اهله وأصدقائه حول الواقعة.
تمكنت النيابة من تحديد هوية المجنى عليه، وبفحص سجل المكالمات ظهر خيط يوصل لمرتكب الجريمة ، حيث تبين وجود مكالمات بينه وبين احد زملائه بها نقاشات حادة حول خلافات مالية ، أمكن تحديد هوية زميله يعمل سايس، وبالضغط عليه أعترف انه وراء ارتكاب الجريمة ، بسبب وجود خلافات مالية بينهما تطورت لمشاجرة تعدى خلالها المتهم على المجني عليه باستخدام سلاح أبيض، نتج عن ذلك إصابته التى أودت بحياته.
مشاركة
نصائح مفيدة لتجنب الشعور بالعطش أثناء الصيام