ياسمين عز تكشف دليل التعامل مع الزوج الزملكاوي بعد خسارة القمة: «بلاش الكلمة دي»

قدمت الإعلامية ياسمين عز، عدة نصائح لتعامل الزوجات مع الزوج الزملكاوي، خلال هذه الفترة، وعقب خسارة الزمالك الكبيرة أمام الأهلي بأربعة أهداف مقابل هدف، وخسارة الدوري أيضًا.

أخبار متعلقة

عمرو أديب: السنة الجاية هتتكلم على الزمالك زي الإسماعيلي (فيديو)

عمرو أديب يعلق على «خسارة الزمالك أمام الأهلي باستخدام السحر»

عمرو أديب عن هزيمة الزمالك برباعية: «منتظر إيه من فرقة تلتها بيفكر هيروح الأهلي إزاي»

وقالت «عز» خلال برنامجها «كلام الناس» على قناة «إم بي سي مصر»، اليوم السبت، إن الزوج الزملكاوي منذ بداية الموسم لديه أزمة ثقة في أقرب الناس له، بعيدًا عن نتيجة مباراة الأهلي.

وأضافت: «يعني الله فاكره شاريه بيبيعه، وخانته ثقته في كل أحبابه، ده ناتج عن إن لاعيبة مهمة في فرقته سابته وراحت للفرق المنافسة، عشان كده في الوقت ده بلاش توقفي له على الواحدة».

وتابعت «عز»: «يعني مثلا تقولي له نازلة مشوار يقولك لأ قوليله حاضر، إنت عارفة جوزك وأد إيه هو بيحبك، هي فترة وهتعدي، في سكاكين في ضهره من كل حتة».

وأكملت: «هو بيهرب حاليا من فتح أي مواقع للتواصل الاجتماعي بسبب التحفيل، عشان كده هتلاقي نادرًا ما هيمسك تليفونه في الوقت ده، وهتلاقيه بيقضي معاك أطول وقت ممكن، حاولي تنتهزي الفرصة».

واستطردت: «إحنا دلوقتي في فترة انتقالات وفي لاعيبة عقودها بتخلص ولاعيبة بتجدد عقودها، هو عنده مشكلة في كلمة عقود، أي حاجة فيها كلمة عقد بلاش تقوليها قدامه».

ياسمين عز الأهلي الزمالك

المصدر: المصري اليوم