بسبب رسالة أوكا.. مي كساب تبكي متأثرة على الهواء (فيديو)

بكت الفنانة مي كساب، على الهواء، بعد تأثرها بحديث زوجها مطرب المهرجانات أوكا، وذلك بعد رسالته لها والتي عبر فيها عن حبه وتقديره لدورها في حياته.

وخلال مداخلة هاتفية لـ أوكا، ببرنامج «واحد من الناس»، الذي يقدمه الإعلامي عمرو الليثي، عبر قناة الحياة قال: «مي كل حاجة في حياتي وواقفة جنبي من قبل ما نتجوز وشالت حاجات كتير أوي وأنا عايز أعوضها عن كل اللي فات وكفاية طيبة قلبها على أهلي وأصحابي والناس اللي متعرفهمش وأنا بتعلم منها».

وتابع أوكا: «في الأول كنت دايما بنتخانق أنا ومي كساب بسبب طبخها، لإني كنت واخد على أكل ستي الله يرحمها، فجأة لقيت أكل شيك وبقيت أقولها أنتي فاشلة في الأكل، دلوقتي بقت رقم 1 في الأكل خاصة الفراخ البانيه والمكرونة الباشميل وطاجن العكاوي».

وعن مشاركة مي كساب لـ أوكا في اختياراتها الفنية قال: «مي كساب بتسألني في الأول عن أي عمل فني بيتعرض عليها بس أنا بقولها ده شغل وانتي عندك فكر وطموح وإحساس واعملي الصح، وساعات كتير بقولها متعمليش العمل ده وبتسمع كلامي».

مي كساب وأوكا

من جانبها قالت مي كساب: «لما باكون تعبانة أوكا بياخد باله مني طول الوقت في الأكل وكل حاجة وبيبقى متعاون، فيه ناس كان هو عرافهم قبلي فكان شايف إني لو اشتغلت معاهم هيقلوا من صورتي ومش هيرضوا طموحي، ورجعت عربون الشغل ومشتغلتش معاهم».

اقرأ أيضاًتعيش وتعملنا.. مي كساب توجه رسالة خاصة لزوجها أوكا | صورة

مي كساب تُدلي بصوتها في الانتخابات الرئاسية بالتجمع الخامس

المصدر: الأسبوع