مصطفى ميرغني: تزوجوا في الحرب وفي النزوح وفي الفقر والغنى

حكى لي انو في عرس تم لناس نازحين من مدني في اليومين ديل
بعد المشهد ده بساعة سمعت أذني بنت بتقول أنا داير عريس بين صويحباتها
المهم يا أخوانا العرس ده شي ضروري للحياة زيو زي الأكل
من ناحية قضاء الوطر و من ناحية العطف و الحنان و السكينة والسكن و الإنجاب
عشان كده ما تصعبو
عرسو في الحرب وفي النزوح وفي الفقر والغنى ووو
الحياة دي ماشى ما بتقيف و لا بتمهلكم و العرس كلما اتأخر فقد لذته و متعته و بهجته
باركوها ببلح و كيزان مويه و فاتحه كاربة
و انت يا الراجل شد حيلك و ادقش السوق ده اشتغل أي شي
و انتي يا امرأة خليك قنوعة و عيشي واقعك
و الباقي كلو ربنا بسهلو
بفضل الله في اتنين في أيام الحرب دي اتزوجو بسبب منشورين كتبتهما في هذا السياق
فاللهم يسر الزواج للشباب والشابات

مصطفى ميرغني

.

المصدر: موقع النيلين