"اتخانقنا عشان ضربت ولادي".. ننشر أقوال المتهم بقتل والده في بولاق الدكرور (خاص)

انفرد موقع "الفجر" بالحصول علي نص التحقيقات في قضية قتل متهم لوالده بسبب اعتراضه علي ضربه لأحفاده ببولاق الدكرور.

وفي السطور سنعرض أقوال المتهم أمام النيابة العامة:

س: ما صلتك بالمجني عليه المتوفي "حسن.س.ح"؟

أبويا

س: ما صلتك بالمجني عليه "أيمن.ح.س"؟

أخويا

س: ما هي حالتك الإجتماعية؟

انا متجوز ومعايا 6 عيال

س: ما هو محل اقامتك؟

انا قاعد مع أبويا واخويا في نفس البيت

س: ما هو الحالة المادية وما مصدر دخلك تحديدا؟

انا شغلتی أساسية خلاق بس انا نزل شغل سباكة علشان الفلوس

س: ما تفصيلات الواقعة محل التحقيق؟

اللي حصل ان يوم الثلاثاء، ضربت عيالي الصغرين علشان يذكروا، لاقيت ابويا طالع يشتمني علشان انا بضرب العيال، وجاب المساورة بتاعته علشان يضربي، وانا جريت في الشارع وهو جرى ورايا، ورجعتلو قولتله انت عايز ايه عايز تضربني خلاص اضربني انا اهو، ومسك الماسورة فعلا وضربني في ايدى ورجلی بماسورة.

وطلعت علی البيت اقعدت ازعق واشتم في البيت، وروحت حاطيت قفل على باب شقة ابويا، وطلعت نمت وبعد كدا تاني يوم وأنا نازل الصبح، وبشيل القفل لاقيته متشال، خبطت على باب جامد راح الباب اتفتح على طول في ثانية علشان كانوا واقفين ورا باب الشقه، قالولى تعال فقمت جريت على طول ومن اللهفة وقت على السلام، لاقيت أخويا ركب عليا وعضنى في جسمي ومسكنا في بعض، وقال لأبويا هات الحبل، لاقيت ابويا طالع من باب الشقه اتكعبل من العتبة العليا اللى على باب شقته واخويا بعد كدا قام من عليا وجرى على ابويا ونادا  على الناس اللي في العمارة وانا قمت ضربت أخويا بمساورة على دماغه.

س: متي وأين حدث ذلك ؟

المشكلة الأولى حصلت يوم الثلاثاء، والمشكلة الثانية اللى مات فيها ابويا وضربت فيها اخويا حصلت يوم الأربع الساعة ٢:٠٠ الظهر في البيت.

س: هل يوجد خلافات سابقه بينك وبين المجني عليه أيمن حسن.س؟

مفيش خلافات.

س: هل يوجد خلافات سابقه بينك وبين المجني عليه المتوفى حسن سالم حسن؟

مفيش خلافات سابقة وهو بس علشان انا بضرب ولادى وهو مش بيحب حد يضرب العيال.

كانت النيابة العامة قد أحالت المتهم "محمد.ح.س" 42 سنة حلاق، لمحكمة الجنايات المختصة بدائرة محكمة استئناف القاهرة، بعد أن وجهت إليه تهمه ضرب والده بأداة "ماسورة"، وذلك على خلفية التحقيقات في القضية رقم 13168 لسنة 2023 جنايات بولاق الدكرور.

جاء في أمر الإحالة، أنه في يوم 2023/7/19، ورد بلاغ بدائرة قسم شرطة بولاق الدكرور بمحافظة الجيزة، يفيد وصول جثة رجل مسن ومصاب بجروح في القدم ويديه اليسري.

وبالفحص وتقنين الإجراءات، تبين أن الوفاة حدثت بسبب مشادة كلامية بين المتهم ووالده، علي إثرها تطورت إلى مشاجرة استخدم بها المتهم أداة "ماسورة" وتعدي على والده، مما أحدث إصابته الموصوفة بتقرير الصفة التشريحية.

وبمواجهة المتهم بما أسفر عنه الضبط أقر بارتكابه للواقعة، وتم اتخاذ كافة الإجراءات القانونية اللازمة حيال الواقعة وأخطرت النيابة العامة بالواقعة وتولت التحقيقات.

المصدر: بوابة الفجر