سامح الصريطي والمطربة حنان.. قصة حب بدأت بـ «حزمة بقدونس»

كشف الفنان سامح الصريطي والمطربة حنان، عن كواليس ارتباطهما وتفاصيل ما قبل زواجهما، مؤكدين أن القصة بدأت بحزمة بقدونس.

سامح الصريطي

وقال سامح الصريطي، في لقائه مع الإعلامية إسعاد يونس في برنامج صاحبة السعادة الذي يذاع قناة dmc: «الحقيقة أنا حسيت في الفترة الأخيرة بدرجة قرب شديد منها، فالإحساس اللي جوايا هو جواها، بنتعامل كأصدقاء وأخوات لكن في شيء تاني بدأ يتسحب ويتسلل كدة، فقلت لها أظن مش فاضل غير أننا نتجوز».

الفنان سامح الصريطي والمطربة حنان

وأضاف: «لما زرتها لأول مرة، حسيت أنها فرصة مناسبة لأتقدم ليها، وقلت ليها كنت عارف إنك بتحبي البقدونيس، فجبتلك حزمة بقدونس، وخبيته ورا ضهري، وتقمصت دور روميو».

وتابع الصريطي: «لم أطلب منها رد في نفس اليوم الذي طلبت فيه إيدها، على الرغم من إني كنت عارف إنها هتوافق، فقلت لها مترديش خالص دلوقتي، وقعدنا عادي جدًا بعدها، وبعدين سافرت ألمانيا وتعاملنا عادي كأن مفيش حاجة ثم حسيت من خلال مفرداتها وكلامها أنها موافقة».

ووضعت شرط وحيد وهو موافقة بناتي ابتهال وآية، وهشام وأميرة أبنائها، وحصلت على موافقة بناتي، وبمجرد ما أخبرت أبنتي ابتهال، فرحت فرحا شديدا وظلت تسألني عن التفاصيل».

الفنان سامح الصريطي والمطربة حنانالمطربة حنان تفاصل ارتباطها بسامح الصريطي

ومن جانبها روت المطربة حنان تفاصل ارتباطها بالفنان سامح الصريطي، قائلة:«عجبتني دماغه، والتقينا في حاجات كتير مع بعض، ومع الوقت بدأنا نتكلم أسرع، لحد ما جه مرة وقالي تعرفي إنك وحشتيني، فقلت له متشوفش وحش».

وتابعت:« وفي مرة عزمته على الغداء فقالي أنا جاي النهاردة، وهو جاي جاب لي حزمتين بقدونس، وقالي هو ده اللي إنتي بتحبيه، أنا جبتهولك.. وبعد ما اتغدينا واتكلمنا قال لي مش فاضل غير إننا نتجوز، فافتكرته بيهزر، فقال لي أنا بتكلم بجد، اتخضيت بعدها لكن مكنتش زعلانة».

اقرأ أيضاًتفاصيل زواج سامح الصريطي من المطربة حنان

سامح الصريطي والمطربة حنان في ضيافة «صاحبة السعادة».. الثلاثاء

المصدر: الأسبوع