«خسرنا بسبب السحر».. أول تعليق من مرتضى منصور على رباعية الأهلي في الزمالك

علق مرتضى منصور، رئيس نادي الزمالك السابق، على خسارة الفريق الأول لكرة القدم بنادي الزمالك أمام الأهلي في بطولة الدوري الممتاز.

أخبار متعلقة

نشرة توك شو «المصري اليوم».. عمرو أديب عن مرتضى منصور: «مسكوه الاشتراكات أو بوابات الأطفال».. ومقرر المحور المجتمعي بالحوار الوطني: كان في معركة وجود أثناء حكم الإخوان

بعد عزله.

. عمرو أديب يتحدى مرتضى منصور على الهواء (فيديو)

«الزملكاوي الحقيقي وهدية الخطيب ودموع إمام».. تصريحات جديدة من مرتضى منصور

وتعرض الزمالك للخسارة أمام الأهلي بأربعة أهداف مقابل هدف، في المباراة التي اقيمت بينهما مساء أمس الأول الخميس، ضمن مؤجلات الجولة الحادية والثلاثين من بطولة الدوري الممتاز.

وقال مرتضى منصور في تصريحات عبر قناة «الزمالك»: اللي بيحصل فينا الموسم ده مش طبيعي، أنا عاوز أسأل سؤال، الأهلي الموسم اللي فات خسر كل البطولات، حسين الشحات، اللي جابوه برقم كبير كانوا هيبعوه، كان هيبعوه، بيرسي تاو، كان هيبعوه، فجأة دلوقتي بقوا عملاقة!«.

وأضاف: «أنا مش هقول منشطات، بس في حاجة مش طبيعية، الأهلي منذ مباراة صن داونز مخسرش ولا مباراة ومخسرش ولا بطولة في كل الألعاب، في واحد بعتلي رسالة لصورة الساحر اسمه رجب بحة، وطلع من الفيوم، بلد سيد عبدالحفيظ، ياريت حد من الفيوم يطلع يقولي مفيش حد بالاسم ده».

وتابع: «الزمالك ميخسرش من الأهلي امبارح، وبعدين الأهلي كان بيلعب في السلام راح استاد القاهره ليه؟ عشان يتحكم في السحر، امبارح الاهلي يشوط تيجي جول والزمالك يشوطها في العارضة، الشغل امبارح كله كان على العارضة اليمين”.

وواصل: «أنا كنت بلاعب الجن الأزرق، لكن الجن الأحمر مقدرش، الشناوي مصدش حاجة في حد بديل بيصد، برافو عليك ياسيد عبدالحفيظ، عمرو السيسي أتصاب بعد ما نزل ومسكنا الماتش، عشان الجن اشتغل».

الاهلي الزمالك مرتضى منصور مباراة القمة

المصدر: المصري اليوم