كانت لأول فتاة أحببتها.. رامي صبري يروي قصة أغنية "حبيبي الأولاني"
تاريخ النشر: 26th, December 2023 GMT
حل الفنان رامي صبري ضيفًا على برنامج "صاحبة السعادة" مع الإعلامية والفنانة "إسعاد يونس" المذاع عبر قناة "DMC" وكشف الفنان رامي صبري عن العديد من كواليس حياته ومشواره الفني.
وكشف لأول مرة عن قصة أغنية "حبيبي الأولاني" حيث روي القصة قائلًا: "دى قصة طويلة، ولكن من البداية أنا متخرج من المعهد العالى للموسيقى العربية قسم تأليف موسيقى، وفى وقت ما كنت طالب في المعهد حبيت بنت في معهد الباليه، وكان عندى وقتها 20 سنة، وهى عندها 16 سنة، وكنا وقتها بسطاء وأنا مكنش عندى عربية وبنركب الأتوبيس، وكانت أول واحدة قلبى دق ناحيتها".
وتابع رامي صبري: أنا كنت غاوي شغل جدا وعندى طاقة كبيرة، وهى دعمتنى وقالت لى لازم تنجح وتبقى أهم واحدة، والبنت دى فاجأة توفيت ومكنتش لسه لا غنيت ولا معروف، ولما توفيت قعدت 3 أو 4 شهور عندى مشكلة نفسية، وما بقتش عارف أنام وأعيط وأسمع مزيكا أعيط لأنى كنت بحبها جدا، وكنت فاكر إن دى اللى هاتجوزها، ولما توفيت قلت لازم أعمل اللى كان نفسها إنى أعمله وإنى أنجح، وسميت ألبومى اللى عملته، وقلت أول أغنية هسميها "حبيبى الأولاني".
ما هي آخر أعمال الفنان رامي صبري ؟
الجدير بالذكر أن آخر أعمال الفنان رامي صبري هي أغنية «كعبك علي»، وقد طرحها عبر قناته الرسمية على موقع الفيديوهات الشهير «يوتيوب»، وحققت نسبة مشاهدات عالية، والأغنية من كلمات تامر حسين، ألحان رامي صبري، توزيع موسيقي جلال حمداوي.
كلمات أغنية "كعبك علي"
سألونى حبيبى ياما سألونى
فى أحلى مِنك ف عيونى
سألونى حبيبى ياما سألونى
فى أحلى مِنك ف عيونى؟
أنا قُلت لا لا لا لا طبعا ً مفيش أحلى
مالقتش ف الدنيا حد ف جمالك ده
انت كعبك علي جامِد وأكدتلي
حظى جه من السما يوم ما قربتلي
انت كعبك علي جامِد وأكدتلي
حظى جه من السما يوم ما قربتلي
من يومى ب أحِبك من يومى
وأنت اللى بِتحليلى يومى
من يومى ب أحِبك من يومى
وأنت اللى بِتحليلى يومى
فى حد وإنت معاه تنسىّ الحياه وياه
قصدي عليك إنت مالقتشي زيك لا
إنت كعبك علي جامد وأكدتلي
حظي جه من السما يوم قربتلى
إنت كعبك علي جامد وأكدتلي
حظي جه من السما يوم قربتلى
المصدر: بوابة الفجر
كلمات دلالية: رامي صبري اسعاد يونس برنامج صاحبة السعادة الفنان رامی صبری کعبک علی
إقرأ أيضاً:
الأفضل في الغناء| رامي صبري: ترتيب تامر حسني وحماقي قبلي مش بيضايقني
قال النجم رامي صبري، إن ترتيب الأفضل في الغناء يتغير بشكل مستمر، متابعًا: “مش بتضايق من ترتيب تامر حسني وحماقي قبلي.. أنا ضد الأرقام، هما زملائي، وبحبهم وبحترم مسيرتهم، ومن ساعة ما بدأت الغناء واحنا مع بعض دائمًا في الأفراح”.
وتابع “صبري”، خلال حواره مع الإعلامية أسما إبراهيم ببرنامج “حبر سري”، على شاشة “القاهرة والناس”، : “أنا يهمني إني أكون من الـ5 الأفضل في الغناء، وهو ده أمر يبسطني، ومش بحلم بغير كده، أنا جاي من شغل وتحمل حاجات كتير”.
وأوضح أنه ليس مهما أن يكون في أي ترتيب بين المطربين والمغنيين، لأن الترتيب يختلف حسب أذواق الجمهور.
ونوه بأن الجمهور هو من يقيم أي عمل غنائي وليس الفنان نفسه، موضحًا أن المهم بالنسبة له أنه من أفضل المغنيين في مصر.
الشلف.. وفاة شخص اختناقا بالغاز ببوقادير