محمد عدوية لـ يارا أحمد: محمد رمضان موهوب ومجتهد.. وبحضر لعمل مع والدي
تاريخ النشر: 26th, December 2023 GMT
تحدث الفنان محمد عدوية عن ردود أفعال آخر أعماله الغنائية "قبطان سفينتي" وعن أعماله المقبلة مع الإعلامية يارا أحمد والذي يعرض على قناة هي.
ردود الأفعال على أغنية قبطان سفينتي
وقال محمد عدوية لـ "يارا أحمد" عن ردود الأفعال: الحمد لله الواحد بيجتهد ويعمل اللي عليه وبيعمل حاجة جديدة وفي الآخر بيستنى رد فعل الناس، والحمد لله في ردود فعل حلوة بس أنا مبحبش أتكلم على الكلام ده وأخلي الناس هي اللي تحكم.
وبسؤاله عن تعليق أحد المتابعين له إنه بعيد عن التريند، قال: “أنا بحب دايمًا أعمل مختلف ومبيهمنيش اللي هو هيعمل ايه وبحب أعمل حاجة تعيش”.
وعن تحضيره اغنية جديدة مع والده الفنان أحمد عدوية، قال: ده الأستاذ الكبير بتاعنا ده الأسطورة،بنعمل حاجة بس لسه بنشوف الكلام بتاعها اللي هيليق وبنشوف اللحن لسه تحت ورشة عمل.
وعن أكثر شيء تعلمه من والده، أوضح قائلًا: إبقى نفسك وخليك نفسك أهم حاجة تبقى أنت ليك الهدف والحلم بتاعك اللي إنت مقتنع بيه مش مهم هيعمل إيه ومش مهم هينجح بإنهي طريقة مش مهم هيوصل لغاية فين إنت تصدق حلمك أهم حاجة، متابعًا: ده التارجيت بتاع الأستاذ طول عمره كان هو لما طلع في وسط السبعينات والستينات كان في العمالقة طبعًا الأستاذ عبد الحليم والسيدة أم كلثوم طلع هو بلون مختلف وفضل وراه لغاية مابقى أحمد عدوية.
تجربته مع والده ومحمد رمضان
وعن تجربته برفقة والده أحمد عدوية ومحمد رمضان، قال: "محمد ممثل موهوب جدًا وهو موهوب ومجتهد بصراحة الشخصية دي مجتهدة جدًا وربنا يوفقه، وطبعًا كانت حاجة حلوة جدًا وكانت خطوة جميلة إن إحنا التلاتة نجتمع في عمل واحد لإن من حسن حظي إني أبقى مع أبويا الاسطورة بتاع الغناء الشعبي ومعايا محمد رمضان طبعًا رمضان ربنا يحفظه بني آدم بردو مجتهد جدًا فكانت حلوة طبعًا وربنا وفقنا فيها.
وعن أعماله المقبلة: "بحضر لأغنية تانية بس نخلي دي بس تاخد وقتها شوية أنا بحب أدي كل حاجة حقها في السمع مش مستعجل على إنها تتسمع بسرعة أهم حاجة تاخد وقتها في سمعها.
مواعيد برنامج free time
برنامج "free time" تقدمه الاعلامية يارا أحمد والاعلاميةنسمهار الصغير على شاشة قناة هي يوم الجمعة في الساعة الخامسة مساءً وتستضيف من خلاله عددًا من نجوم الفن وتناقش أهم القضايا المطروحة بين الجمهور.
المصدر: بوابة الفجر
كلمات دلالية: محمد عدوية الفنان محمد عدوية برنامج free time محمد رمضان یارا أحمد
إقرأ أيضاً:
«بعد 15 عام».. المخرج محمد سامى يعلن اعتزاله الدراما التليفزيونية
أعلن المخرج محمد ساميّ، اعتزاله إخراج الدراما التليفزيونية، وفاجىء جمهوره بقرار الاعتزال فجر اليوم الخميس، عبر حساباته الشخصية على مواقع التواصل الاجتماعي.
وكتب محمد سامي: "وداعا الدراما التلفزيونية السنة دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير و مع شركات وقنوات كلها مهم".
واستكمل: "دايما الجمهور بيشجعني، سواء بردود الأفعال أو بتصويته ليا في الجوائز، وأي نجاح حققته كان بفضل ربنا والجمهور، يمكن المقربين ليا عارفين إني واخد القرار ده من فترة وهو اعتزال الإخراج التلفزيوني، لكن كنت بنتهي من التزامات موقعة مع شركات ونجوم، والحمد لله انتهيت منها وكان آخرها ٢٠٢٥، معنديش حاجة أكتر أقدر أقدمها في التلفزيون".
وتابع: "خايف من تشبع الجمهور من أسلوبي ومن الوقوع في فخ التكرار ودائرة المتوقع والملل، والوحيد القادر على الدوام هو الله وحده، الحمد لله أخر عملين ليا "إش إش" و"سيد الناس" حققوا نجاح أنا سعيد بيه".وأضاف: "كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا".واختتم: "إدعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان وأجلتها كتير لحد مالقيت نفسي بكبر وخايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي اتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة".
يذكر أن المخرج قدم في الموسم الرمضاني هذا العام مسلسل إش إش للفنانة مي عمر عمر ومسلسل سيد الناس للنجم عمرو سعد.
مسلسل شباب امرأة الحلقة 4.. شفاعات تتقرب من إمام