أول رد من محمد رحيم على اتهامه بالسرقة

رد الملحن محمد رحيم على اتهام الفنان رامي صبري، بعدما تحدث المطرب عنه خلال إحدى المداخلات الهاتفية.

أخبار متعلقة

بعد حذف أغنية «يمكن خير» رامي صبري يعلق على عمرو مصطفى بالدليل

حذف أغنية «يمكن خير» لـ رامي صبري بسبب عمرو مصطفى.. ما القصة؟ (تفاصيل)

رامى صبري يحيى ذكرى رحيل شقيقه بكلمات مؤثرة: «قلبي مكسور على أخويا وابنى»

وقال محمد رحيم في منشورعبر حسابه الرسمي بموقع التواصل الاجتماعي «فيس بوك»، بشأن اتهام رامي صبري: «ردي على صديقي الفنان الكبير رامي صبري، بعد اتهامه ليا في وسائل الاعلام اني بهاجم النجاح مع كل الحب والتقدير، أولًا يعلم الله سبحانه وتعالى أني معنديش أدنى وقت أضيعه في أني ادخل في أي مواضيع».

وتابع: «نظرًا لانشغالي بمجموعه أعمال مهمة جدًا إن شاء الله الناس هتشوفها، قربب ولكن تعليقًا على مشكلتك أنت وعمرو مصطفى اللى الحمد لله اتحلت في مداخلة، إذاعيه وربنا مايجيبش زعل أبدًا بين الأخوات ولكن للأسف اللى حصل إن اسمي تم اقحامه من طرفك، بشكل لايليق ونظرًا لأن المداخله كانت على إذاعه مشهورة، فطبعًا اتسمعت من بعض أفراد عائلتي ومنهم بنتي وأكيد قطاع كبير من جمهوري اللى بيحبني وبيحترمني وبيحب أعمالى».

واستكمل الملحن: «وجب أني أرد عليك بكل حب واحترام علشان أوضح وأصحح المغالطات اللى حصلت في المداخلة، أنت قلت في المداخله بالنص إنك سنة 2013، هاجمتني بنفسك علشان أنا كنت بحارب نجاح، كان أخويا الفنان عمرو مصطفى حققه وقت ماقدم أغنيه بشرة خير وكأن أنا راجل معنديش حاجه أعملها، غير أني أهاجم وأحارب الناس الناجحين وأنت اللى وقفت في وشي».

واستكمل: «وده طبعًا كلام مغلوط ومُسئ ولازم أصححه وأبين للناس الحقيقة اللى سكتت عنها سنين، احترامًا للعشرة الطويلة والصداقة اللى بتجمعنا كلنا، أولًا أنا الحمد لله مش ناقص نجاح وتاريخ بفضل الله سبحانه وتعالى، علشان أهاجم أي حد ناجح ربنا يعلم أني بدعي في صلاتي بالرزق والتوفيق لكل الناس، وبتمنى الخير للجميع اللى حصل ساعتها أني علقت إن لحن بشرة خير، شبيه إلى حد التطابق لـ عملين من أعمالي وهما، أغنيه لاكده عاجبين للمطربة الصاعدة إيمان سمير، وأغنيه كل ده يطلع منك للنجمه شيرين وجدي، والأغنيتين صدروا سنه 2004».

الملحن محمد رحيم يرد على الفنان رامي صبري

وأضاف: «يعني قبل صدور لحن بشرة خير بـ9 سنين على الأقل، ونظرًا لنجاح بشرة خير وفرحتنا كلنا بيها، أنا قفلت الموضوع تمامًا ومرضيتش أبين للناس أنا بقول كده ليه، ولكن الفيديو اللى تحت ده هو الفيصل اللى هيبين للناس إذا كنت بخترع كلام من دماغي ولا كلامي فعلًا صح بناءً على عِلم ودراسة وخبرة وأنت طبعًا راجل فاهم ودارس مزيكا برضه زينا».

وأردف محمد رحيم: «كما تم إرفاق لحنين آخرين من أعمالى، وهما أنا بحب عيونك للفنان عمرو دياب، ومشاعر للفنانه شيرين عبدالوهاب، واللى حصل أني لقيت نفس اللحنين دول تم استعمالهم في أغاني خاصه بيك، وحققوا نجاح كبير معاك، من غير ما تضع اسمي عليهم على الاقل جنب اسمك وطبعا الفيديو، هيوضح المسألة دي جدًا حتى لغير المتخصصين وواثق أن الجمهور هيتفاجئ وفي ناس كتير هتستغرب أنا إزاي سكتت طول السنين دي».

وتابع محمد رحيم: «والإجابة لأني انسان مُسالم ومحترم، وعمري ما أسمح لنفسي أرفع قضية على زميل وأخ ومؤمن بتوارد الخواطر، وحُسن النيه دائمًا وطبعًا دي مش مني دعوه للتخلى عن الحقوق، ولكن العشرة الطيبة والمحبة والصداقة ليها علينا حق».

محمد رحيم رامي صبري سرقة محمد رحيم سرقة رامي صبري الفنان محمد رحيم أعمال محمد رحيم أعمال رامي صبري

المصدر: المصري اليوم