رامي صبري يحيى حفل رأس السنة بالقاهرة.. تفاصيل
تاريخ النشر: 25th, December 2023 GMT
يستعد المطرب رامي صبري لإحياء حفل غنائي ضخم ليلة رأس السنة الجديدة داخل أحد الفنادق الكبرى بالقاهرة.
وجاء تعاقد رامي صبري على إحياء حفل ليلة رأس السنة، بعد استئناف عمله مرة أخرى، حيث أنه أوقف رامي صبري جميع انشطته الفنية بسبب الحرب على غزة.
علق الفنان رامي صبري على الانتقادات التى توجه من بعض الجمهور للفنانين الذين يواصلون تصوير وتسجيل أعمالهم الفنية في ظل تفاقم القضية الفلسطينية وما يتعرض لشعبها من عنف وقصف على يد الاحتلال.
وقال رامي صبري خلال بث مباشر له عبر حسابه الرسمي بموقع إنستجرام، معلقًا: الكومنتات اللي بتقول أنت بتغني إزاي وفلسطين بتتضرب، يعني إحنا مش هنفضل قاعدين بناكل وبنشرب وبننام، فهي بس الناس اللي بتكتب الكومنتات دي مش فاهم بتكتبها على أساس إيه؟، ده شغلنا ودي عقود كاتبنها، ومنقدرش إننا منشتغلهاش.
وأضاف رامي صبري: مش ببقى فاهم أوي الناس اللي مش عايزانا نغني ونشتغل، وبزعل لما بلاقي الناس بتفكر كدة لكن معنديش حاجة أعملها، فلسطين على فكرة بتتضرب من قبل ما إحنا نيجي الدنيا، وإحنا هنعمل إيه، بنعمل اللي علينا وممكن مثلا نغني لفلسطين وندفع فلوس وكل حاجة عشان نتضامن، لكن نوقف شغلنا.
واستكمل رامي صبري، قائلاً: بكبر دماغي، والناس اللي بتقول بتشتغل ليه يا فنان وفلسطين بتموت، ما فلسطين طول عمرها بتموت، مش فلسطين بس لا كل البلاد زي البوسنة، فنموت إحنا كمان عشان نبقى كويسين من وجهة نظركوا؟ مش هو ده التضامن، ما أنا ممكن أعمل حفلة وأتبرع بيها لفلسطين.
المصدر: صدى البلد
كلمات دلالية: رامي صبري المطرب رامي صبري ليلة رأس السنة ليلة رأس السنة الجديدة حفل ليلة رأس السنة رامی صبری
إقرأ أيضاً:
محمود الليثى يحيى حفلا غنائيا فى إيطاليا.. اليوم
يحيى الفنان محمود الليثى حفلا غنائيا فى إيطاليا اليوم، السبت، وذلك وسط حضور جماهيري كبير.
وأعلن الفنان محمد رمضان عن طرح أغنيته الجديدة بعنوان “قدّها من يومي” بالتعاون مع المطرب محمود الليثي، وذلك وفقًا لما أعلنه عبر حسابه الشخصي على موقع التواصل الاجتماعي “فيسبوك”.
وكتب محمد رمضان: "قدها من يومي أنا قدها، مع محمود الليثي،.اسمعها وقولي رأيك في كومنت".
من ناحية أخرى، كان الفنان محمد رمضان، قد خرج عن صمته للرد على أزمة، إطلالته الأخيرة في أحد المهرجانات الفنية بأمريكا، والتى تعرّض بسببها لانتقادات حادة من الجمهور.
في هذا السياق، نشر “رمضان”، عبر حسابه على موقع التواصل الاجتماعي “فيس بوك”، فيديو ليوضح من خلاله سر إطلالته الأخيرة.
وقال رمضان، خلال الفيديو: "أنا كنت مأجل الرد لحد الحفلة الثانية، الحفلة اللى شايل فيها اسم بلدي وجمهوري من أول يوم، جمهوري اللي حافظني وكبرت قدام عينه، عارف إني عمري ما لبست واحدة ست في فيلم ولا مسلسل"
وتابع “رمضان”: “جمهوري اللى حافظني عارف إني لبست حلق في فيلم وكليب، لكن في الحقيقة عمره ما لبس ولا هيلبس حلق، وعارف إن أكيد إن الأوت فيت ميقصدش الشكل اللي طلب بيها في السوشيال ميديا”.
واختتم “المقصود من الإطلالة هو الشكل الفرعوني، مش الشكل اللى الناس فهمته”.