ياسمين عز ترد على سخرية متابعة لها: «بصي يا طنط» (فيديو)
تاريخ النشر: 14th, July 2023 GMT
ردت الإعلامية ياسمين عز، على سخرية متابعة لفقرة سابقة قدمتها في برنامجه عن «لفات الطرح»، إذ قالت المتابعة في تعليق على وسائل التواصل الاجتماعي «إنتي جاية تعلمينا لفات طرح من 2005».
أخبار متعلقة
محمد الباز يكشف مفاجأة عن صورة إيمان البحر درويش: «مش جديدة»
في أول ظهور.. ابنة إيمان البحر درويش تكشف تفاصيل حالته الصحية وصورته الصادمة (فيديو)
محامي إيمان البحر درويش يكشف تفاصيل تواصله معه منذ أسبوعين.
وقالت «عز» خلال برنامجها «كلام الناس» على قناة «إم بي سي مصر»، اليوم الجمعة، ردًا على المتابعة: «بصي يا طنط، أنا في 2005 كنت في المدرسة قاعدة لابسة شرابي أبوكور اللي كنتي بتلبسيهم لبنتك، علشان أنا أد بنتك».
وأضافت: «كنت ساعتها في الفصل وباكل سندوتش الفينو بالجبنة الرومي أو جبنة بالخيار والزيتون، وماسكة زمزمية أونو، ومكنتش أعرف إني هطلع مذيعة أعملك لفة حجاب في 2023، وتيجي تتريقي، 2005 كنت بلبس مريلة، 2005 إيه يا مدام، 2005 كانت أمي لسه بتتعلم تلف الحجاب».
وتابعت «عز»: «بمناسبة فقرة لفات الطرح، أنا هعملكوا النهارده الجيبات الجينز، علشان البنات اللي بيلبسوها واللي حطينها في الرف بقالهم 15 سنة تطلعها وتلبسها وتعمل لها إعادة تدوير، للتوفير، وكمان لأنها رجعت موضة تاني، كنت لسه مسافرة خارج مصر لقيت محل كبير منزل جيب جينز».
ياسمين عز لفات الطرح
المصدر: المصري اليوم
كلمات دلالية: شكاوى المواطنين ياسمين عز
إقرأ أيضاً:
كريم فهمي يكشف أسراراً عن حياته الشخصية والمهنية
متابعة بتجــرد: أكد الفنان كريم فهمي خلال لقائه مع الإعلامية لميس الحديدي في برنامج “كلمة أخيرة” على قناة ONE، أن اختياراته الفنية لا تقوم على حجم الدور أو حسابات البطولة، بل على مدى قناعته بالدور وحبه الحقيقي للمهنة، مشيراً إلى أن الشغف هو المحرّك الأساسي له في العمل الفني.
وقال كريم: “أنا ممكن أكون بطل في مسلسل، وفي نفس الوقت أظهر كضيف شرف في عمل تاني، لو الدور الصغير ده عجبني. المهم أحافظ على قيمتي الفنية والأدبية”.
وتحدث عن ظهوره في مسلسل “إش إش” كضيف شرف رغم بطولته في “وتقابل حبيب”، موضحاً أن الأمر بدأ باتصال من المخرج محمد سامي، وقال: “قال لي عايزك ضيف شرف، قلت له فوراً: حاضر يا سمسم. أنا مش بحسبها بطولة أو نجم أول، أنا بشتغل علشان بحب الشغلانة”.
وفي تعليقه على ارتباط الجمهور بشخصية “فارس أبو العزم”، قال كريم إن النجاح “رزق وتوفيق من عند ربنا”، مضيفاً: “ممكن تتعب وتقدم أفضل ما عندك، لكن ربنا مش يكتب النجاح، علشان كده دايمًا بقول الحمد لله”.
وعن فكرة البطولة المطلقة، علّق قائلاً: “مش لازم أبقى الاسم الأول، مش بقول كده علشان مش مهم، بس النجاح بالنسبة لي مش مربوط بالتصنيف، هو مربوط بالراحة الداخلية والشغف”.
واختتم كريم فهمي حديثه قائلاً: “أنا مش بكتب فيلم غير وأنا مبسوط، ولا بعمل حاجة غير لما أكون حاببها. دي مش بس شغلانة، دي حاجة بحبها فعلاً”.
main 2025-04-22Bitajarod
تصادم 3 سيارات ودراجة نارية على الطريق الدائري بالرماية