العسيلي عن دعوات إلغاء الحفلات: أكل عيشنا وفي ناس مسئولة مننا
تاريخ النشر: 22nd, December 2023 GMT
الفنان محمود العسيلي، على الدعوات التي تطالب بإلغاء الحفلات تضامنا مع أحداث غزة، قائلا إنه "مع سخونة الأحداث في البداية كان ممكن تلغي حفلات لمدة شهر واثنين.
وأضاف محمود العسيلي: "بعد كده مش هينفع تلغي وده أكل عيشنا وفي ناس مسئولة مننا".
وأوضح محمود العسيلي، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن الغناء والحفلات جزء من شغلنا وفيه بهجة واحتفال ولكن هو مثل أي شغل آخر، مضيفا: "الحياة لازم تستمر وممكن تفكر تتبرع بجزء من حفلاتك لغزة أو الهلال الأحمر وده اللي هنعمله في حفلات شهر فبراير هنتبرع بجزء كبير لمواطني غزة".
واستكمل: "في الأول الوضع كان صعب وهو لسه صعب لكن الحياة لازم تستمر ولازم نشتغل والإنسان لازم يساعد بشكل ايجابي مش شعارات ولازم يكون في حاجة مفيدة على الأرض لان الناس اللي بتهاجم بتروح شغلها وفي ناس مسئولين معهم عائلات، والمساعدة تكون بحاجة ايجابية"، مؤكدا أن السوشيال ميديا كارثة من كوارث الزمن وممكن تذبح أي شخصية.
المصدر: صدى البلد
كلمات دلالية: محمود العسیلی
إقرأ أيضاً:
لازم نشكر ربنا.. الفنانة شهيرة تروي ماذا حدث لها بسبب فص ثوم
كشفت الفنانة شهيرة عن تعرضها لحالة من القيء والاختناق بعد تناول "فص ثوم" لتقوية المناعة، مشيرة إلى أن هناك نعمًا كثيرة أنعم الله بها على الإنسان، ومنها نعمة البلع.
وقالت الفنانة شهيرة عبر صفحتها على "فيسبوك": الحمد لله، شكرًا يا رب... نص تومة يقدر يلغبط كيان الإنسان بالشكل ده! وإحنا عايشين بنبلع عادي كأن الدنيا ماشية لوحدها. يعني أجهزة شغالة عادي، لأ... دي شغالة بأمر ورحمة ربنا فينا.
وتابعت شهيرة: “يا رب، لازم نشكرك على نعمك اللي ما لهاش عدد. أنا لسه حاسة بألم في المكان بسبب محاولات البلع الفاشلة، بس شكرًا ليك يا رب”.
وأضافت: "اللي حصل لي النهارده يمكن بسيط، وممكن ما يكونش بسيط لما نفتكر الحاجات الكبيرة اللي بتحصل في الدنيا، زي الطيارات اللي بتطير من غير طيار (الدرونز) أو فكرة إن فيه أكوان وعوالم تانية حوالينا. بس حكايتي النهارده بتقول لنا حاجة واحدة: "بين طرفة عين يغير الله من حال إلى حال".
وأوضحت: من أيام.. الست اللي بتساعدني في البيت قالت لي: “يا مدام، خدي كل يوم واحدة تومة على الريق علشان تقوي المناعة”، وسمعت كلامها بقالي يومين بعمل كده، النهارده كانت التومة كبيرة، فقلت أقسمها نصين وبلعت نص، ومن هنا بدأت المشكلة... فجأة حسيت إن النص ده وقف بين الحلق والبلعوم.
واستطردت: شربت إزازة ميَّه عشان أنزلها، ما فيش فايدة!، فضلت رايحة جاية مش عارفة أعمل إيه، وشربت حاجة سخنة مرة واتنين، وحاولت أبلعها، بس هي مصممة تفضل مكانها، شعور بالخنقة، بس مش خنقة كاملة، فضلت كده أكتر من نص ساعة وأنا لوحدي، كنت خايفة ومش عارفة أعمل إيه".
وواصلت الفنانة شهيرة: المهم، فجأة حسيت إني عايزه أرجّع اللي في بطني، مع إن التومة كانت فوق وما نزلتش المعدة، حاولت أرجّع، وبرضه ما فيش حاجة بتحصل، وأثناء المحاولات دي، حسيت إنها اتحركت من مكانها ونزلت على معدتي أخيرًا، قلت: "ياااه، الحمد لله، شكرًا يا رب".
واختتمت شهيرة كلامها قائلة: “نص تومه تقدر يلخبط كيان الإنسان كده! إحنا عايشين بنبلع عادي ولا بنفكر إنها نعمة عظيمة جدًا من نعم ربنا، الحمد لله دايمًا وأبدًا”.
السديس: اللغة العربية محفوظة بالقرآن ويجب تعزيز تعليمها للأجيال