العسيلي: موضة المهرجانات اتغيرت ونجاح حمو بيكا وشاكوش وعمر كمال انخفض
تاريخ النشر: 22nd, December 2023 GMT
أكد الفنان محمود العسيلي، أن تراجع مطربي المهرجانات سببه تغير الموضة أو الترند ناحية "التراب"، قائلا: "الدنيا بتتغير المهرجانات كانت موضة والترند بيتغير مع الوقت وجت لهم فترة كانوا الحاجة المناسبة للذوق العام ودلوقتي اختفوا شوية عشان مش بيجددوا وبقى التراب هو الترند ومكسر الدنيا".
.العسيلي في حلقة خاصة من حبر سري مع أسما إبراهيم
وأشار محمود العسيلي، خلال حواره ببرنامج "حبر سري"، مع الإعلامية اسما إبراهيم، على قناة القاهرة والناس، إلى أن عصام صاصا واحد من أكثر المطربين استماعا على جميع المنصات وهو الأكثر استماعا في كل المنصات واليوتيوب من الجميع في الوطن العربي، موضحا أن الأكثر استماعا مع الجيل الصغير الان هو التراب وسيأتي وقت عليه وسيختفي لأنه مبني على موضة غير ناس قليلة عندهم شكل ثابت ويطوروا.
وتابع: حمو بيكا وعمر كمال وشاكوش موجودين ونجاحهم كان كبير ودلوقتي بينجحوا في حاجات وحاجات لا ومش بقوا زي الأول وبيبقى ظواهر، والشاطر هو اللي يتحول ميبقاش ظاهرة ويكون له شكل خاص به ويكون فنان له لون وشكل بس معظم مطربي المهرجانات مش بيعملوا كده".
المصدر: صدى البلد
إقرأ أيضاً:
حسن عسيري لـ عمر كمال: وشك قريب من اليابانيين.. ورد مفاجئ من الأخير
حل مطرب المهرجانات عمر كمال، ضيفا على الإعلامي حسن عسيري، ببرنامج "بروود كاست مع حسن عسيري"، المُذاع عبر فضائية "إم بي سي مصر".
ورحب عسيري بالمطرب عمر كمال، في بداية الحلقة، قائلا: "عايز أنجمك بعد الحلقة هتحرق اليابان، وعلى فكرة وشك قريب من اليابانيين مش بعيد"،، ليرد عمر كمال، قائلا: "عيني ضيقة".
ووجه الإعلامي حسن عسيري، سؤالا للمطرب عمر كمال، قائلا: "أنت ليه زعلان وبتتخانق مع كل زمايلك، ليه ضرب ومشاكل وزعل"، ليرد عمر كمال قائلا: "مفيش الكلام ده خالص.. ممكن فترة من الفترات ده حصل لكن مش دايما".