خلونا نقول إنو البرهان خائن و جبان و عميل .. فاذا ده حقيقي يبقى العطا و كباشي برضو خونة و جبناء و عملاء لانهم شايفين الخائن و ما ربطوهو بالحبل و اذا قلنا انهم شركاء للبرهان يبقى بقية هيئة القيادة برضو خونة و عملاء و جبناء لانو مافي راجل فيهم بيقدر يحسم الفوضى و الخيانة .. فبالتالي يا كائن لامن تطلع تقول لينا البرهان خائن و عميل و جبان فانت كده ما بتتهم البرهان بس .
كل واحد عاطل ماسك ليهو تلفون عايز يكلمنا عن خيانة البرهان .. جداد فاخر و غبي .. كل شوية طالع لايفاتي يكلمنا عن خيانة البرهان البيعرفها هو و جماعته لكن العطا و كباشي و قادة الاستخبارات و هيئة القيادة ما عندهم علم .. المعلومات دي موجودة بس عند الناشط و خالو الشغال في الجيش .
ديل معظمهم بتدورهم غرف إلكترونية بيطلعوا في وقت واحد يكلمونا عن إنو البرهان خائن .. دي غرف شغالة بي فن و هندسة .. بيهندسوا الشعب السوداني بي ذكاء .. ديل اخطر من الجداد البيكتب و يقول ( في حاويات دخلت الشمالية مفروض تتفتش ) او تلقاهو كاتب ( الحقوا قائد فرقة خشم القربة قبل ما يبيع ) .. ديل كلهم بيخدموا في أهداف و مخططات ادارة الحرب النفسية في جهاز استخبارات المليشيا بي علم او بدون علم .. عايزين يدمروا نفسيات الجنود و الضباط و بقية الشعب السوداني .
لو انت مؤمن بالله مفترض نفسيتك ما تتأثر و لو انت عسكري راضع لوحك و سافي تراب ميدانك بالجد ما مفترض تتأثر نفسيتك ابدا” .. الحرب النفسية اخطر سلاح في العالم بعد النووي .. انت كمواطن مؤمن بالله و واقف خلف قواتك المسلحة يبقى تدعمها لحدي آخر نفس لآخر عسكري فيها .. المساندة الحقيقية بتكون وقت الشدة و وقت الهزائم .. مش في اوقات الرخاء و الانتصارات .. مفترض الحرب دي تكون علمت اي سوداني دروس عظيمة و اهم درس فيها هو ( الرجال مواقف ) .. انت كمواطن مفترض تكون الحرب دي علمتك إنو معادن الرجال ما بتظهر إلا في النار .. حاليا” إحنا في نار و جيشنا في نار و كل معدن اصبح مكشوف نوعه شنو .
حنظل ندعم و نساند قواتنا المسلحة حتى آخر نفس لآخر عسكري فيها مهما حدث او سيحدث .. البرهان ممكن يخون على كرتي و يخون القحاطة و يخون الدعامة لكن ما بخون الوطن و الجيش .. شوفو ليكم طلس غير كده .
نزار العقيلي
المصدر: موقع النيلين
إقرأ أيضاً:
إسلام فوزي: مضطرين نسحب منها لقب كلاون رمضان السنادي أخيرا استوعبت خيانة زوجها
في إطار أسلوبه الساخر، علّق الإعلامي إسلام فوزي على شخصية ياسمين عبد العزيز في مسلسل "وتقابل حبيب"، مازحًا: "تحية للفنانة ياسمين عبد العزيز، لكن للأسف، مضطرين نسحب منها لقب "كلاون رمضان" السنادي، لأنها أخيرًا استوعبت خيانة زوجها!".
وخلال تقديمه برنامج "استلام فوري"، المذاع عبر قناة CBC، أضاف فوزي: "بعد 7 أو 8 مرات من الخيانة، أخيرًا وصلتها المعلومة! يعني عادي يا جماعة.. مش بنتنا اللي حد يضحك عليها بسهولة!"، مستكملًا سخريته من تأخر اكتشاف الشخصية للحقيقة.
وعرض البرنامج مشهدًا من المسلسل يُظهر لحظة مواجهة ياسمين عبد العزيز لزوجها، حيث يتحدث معها عبر الهاتف وينكر خيانته رغم الأدلة الواضحة.
ويستمر إسلام فوزي في تقديم برنامجه "استلام فوري"، الذي يُعرض يوميًا خلال رمضان 2025 على قناة CBC، حيث يستعرض أبرز مشاهد المسلسلات الرمضانية بأسلوب كوميدي مميز، مسلطًا الضوء على الشخصيات والأحداث بطريقة فكاهية جعلته من أبرز مقدمي المحتوى الترفيهي في الشهر الكريم.
لجنة حماية المعطيات: هجومات سيبرانية تستهدف مواقع حكومية مغربية