أسلوب جديد "الخلع"| اعترافات تشكيل عصابي لسرقة مداخل العقارات بالنزهة
تاريخ النشر: 21st, December 2023 GMT
أحالت جهات تحقيق شرق القاهرة، عاملين لاتهامهما بتكوين تشكيل عصابي تخصص في سرقة الأغراض من مداخل العقارات بمنطقة النزهة لمحكمة الجنح.
كشفت التحقيقات أن المتهمين عمال جمع القمامة بمنطقة النزهة وضبطا وبحوزتهما (غطاء بالوعة صرف صحى– باب حديدى لأحد العقارات).
واعترفا أمام جهات التحقيق المختصة بتكوين تشكيل عصابى تخصص فى السرقة من مدخل العقارات بأسلوب"الخلع"، وارتكابهما واقعتين سرقة بذات الأسلوب وبيعها لعملائهما "مالك مخزن وتاجر خردة "سيئي النية" تمضبطهما وبحوزتهما "ميزان - باب حديد"، وتم اتخاذ الإجراءات القانونية اللازمة تجاه الواقعة وتولت النيابةالتحقيق.
المصدر: صدى البلد
إقرأ أيضاً:
سعاد تطلب الخلع: فقير في المشاعر ومابيعرفش يقول كلام حلو
وقفت سعاد أمام محكمة الأسرة في الكيت كات طالبة الخلع من زوجها بعد زواج استمر عام ونصف، ولم تكن تعلم حينها أن نهايتها ستكون أمام محكمة الأسرة.
وسردت سعاد قصتها مع زوجها قائلة «لما كان عمري 25 سنة كنت شغالة في شركة ومكنتش بفكر في الجواز ساعتها، ومع مرور الوقت ولما بقى عمري 27 سنة كان في واحد زميلي في الشركة كنا زي الأخوات وبنتكلم مع بعض في الشغل وساعات يتصل بيا ويحكيلي مشاكله ونحلها مع بعض، ومع الوقت بقينا قريبين لبعض جدا، حتى أن كل حاجة كنا بنحكيها لبعض وياخد رأي، وبعد سنة من معرفتي بيه طلب أنه يتقدم لي في البيت».
وقالت سعاد عن قصتها مع زوجها «جه البيت وقعد مع بابا واتفق معاه على كل حاجة وقال أنه عنده شقته في الجيزة وهيتجوز فيها وأنه عايز يتجوز في فترة صغيرة، لأن محمود مكنش عايز فترة خطوبة طويلة، وفعلا بابا وافق واتفقنا على الخطوبة ونزلت أنا وهو واشترينا الدهب، وعملت خطوبة في البيت، وبعد 5 شهور كان ميعاد الفرح، وعملنا فرح كويس واتجوزته ومكنش في بالي أنه مش بيقول كلام حلو ولا بيقولي وحشتيني ولا أي حاجة، وكنت بقول لنفسي يمكن بيتكسف أو عشان مكلمش ولا واحدة».
وتابعت سعاد عن قصتها «بعد الجواز محمود كان بيعمل كل حاجة كويسة عشان يخليني مبسوطة بس للأسف الحلو ما بيكلمش مكنش بيقول كلمة حب واحدة، حتى أني عمري ما سمعت منه بحبك، وده كان بالنسبة لي حاجة مش طبيعية بس كنت بقول لنفسي معلش ما هو بيجيب لي كل حاجة عايزاها ومش بيحرمني من حاجة، والدنيا ماشية، بس كان عندي مشكلة تاني أن حتى العلاقة الزوجية لما يتحصل بيني وبينه، بتكون كأنها حاجة بيعملها في البيت وخلاص، يعني من غير إحساس ولا مشاعر، ودي مش حاجة عادية يعني بين الأزواج».
واختتمت سعاد قائلة «بعد حوالي سنة وكام شهر من الجواز، قعدت مع محمود في يوم وطلبت منه أنه يحاول يقول كلمة حلوة أو أنه يكون رومانسي لكن بردو معرفش، ولا عبرني، ولا حتى قالي هحاول عشانك وده عمل مشكلة بيني وبينه، وحاولت معاه وكنت بحاول أغير من طريقته معايا بس معرفتش وفي الأخر بعد سنين جواز طلبت منه الإنفصال لكن هو رفض وروحت محكمة الأسرة في الكيت كات ورفعت قضية خلع».
طظˆظ„ ط§ظ„ظ…ظˆظ‚ط¹