رضا البحراوي يحتل المركز الثاني في تريند يوتيوب بـ "أنا الحدوتة"
تاريخ النشر: 18th, December 2023 GMT
تصدر المطرب الشعبي رضا البحراوي، خلال الساعات الأخيرة تريند تطبيق الفيديوهات الشهير يوتيوب، وذلك بعد طرحه لأحدث أعمالهالغنائية والتي تحمل اسم "أنا الحدوتة"، على طريقة Lyrics Video على موقع الفيديوهات اليوتيوب، وجميع المنصات الرقمية، ومحطات الراديو.
وحصد البحراوي 88 ألف مشاهدة على يوتيوب ليحتل المركز الثاني ضمن قائمة الأعلى مشاهدة على التطبيق.
وكان رضا قد استعد لطرح الأغنية الجديدة، عقب انتهائه من تسجيلها الأيام الماضية بأحد استديوهات الصوت، ويذكر أن الفنان رضاالبحراوى، حصل الأسبوع الماضي على جائزة أفضل مطرب شعبى لعام 2023 فى مهرجان وشوشة، وقام بإهداء الجائزة إلى جمهوره.. أغنية "أنا الحدوتة" من كلمات محمد عنتر، وألحان رضا البحراوى ومصطفى حجاج، وتوزيع موسيقى محمد حريقة، ومن إنتاج "هايميوزيك" طارق عبد الستار، وتوزيع شركة "ديجيتال ساوند".
وتقول كلماتها: أنا الحدوتة اللى شغلاكم وتعباكم بقالها سنين
مسلك نيتى ليكم وانتوا مش سالكين
بتناموا تقوموا على سيرتى، كلام يتقال وانا فى غيبتى
ده ميقللش من هيبتى
ولا يعملكوا بنى آدمين
عمال تقول انا ورق حطيت عليك كام سنة
ابو غل من غله اونطه فى الجدعنة
فاهم الرجولة غلط
معووج عايز يتظبط
فاضى وآخرك هوا
زى اللى كبر اتعبط
رايح وجاى تترسم ماشية معاك بالعشم
اكمنى حارقك اوى قلبت معاك بالغشم
ياعم فووق واصطبح
ده الغل منك طفح
اصفر وسماووى
تايه وعامل شبح
النجم فوق فى السماء
معروف صحيح انما
من فترة مش باين
زى الفاضى واترمى
اعمل حساب واقعتك
هو انت فين شغلتك
كرهوك عشان كداب
و فى حتة مش حتتك
حراق عليك بالقوى
منى كمان مستوى
احنا اللى مشغلناش ولا ضعيف ولا قوى
البابا ودى شغلتى
حبة عيال تتلغى
بشوط اللى بييجى
بييجى على سكتى
سمعت عندك انا
بقالى شوف كام سنة
راحت عليك يا زميلى
فبلاش تقول انا وانا
المصدر: بوابة الفجر
كلمات دلالية: أغنية أنا الحدوتة المطرب رضا البحراوي أنا الحدوتة
إقرأ أيضاً:
السباق لمن يملك حكاية أسخن.. تعليق مثير من عمرو أديب على أزمة الطبية
علق الإعلامي عمرو اديب علي ازمة الطيبية في افشاء أسرار مرضاها عبر لايف.
وكتب أديب من خلال حسابه الشخصي إكس:" فجأة صحي مصريين جوه وبره على حقيقة جديدة عندهم ليها إحصائيات غير رقمية قايمة كلها على إني مرة شفت عيال مشردة في الشارع أو شفت فيديو لواحدة بترمي عيل قدام جامع وهؤلاء كلهم بينصحونا إننا لازم نواجه حالة الانحلال والحرام اللى عايش فيها المجتمع المصري السافل.
وتابع :" حتى عيالك فيهم شك ومراتك احتمال تكون رقاصة بليل وإنت ما تعرفش .
وأضاف: "كلهم كانوا عارفين بس محدش عايز يجرح مشاعرنا وفجأة فيه متخصصين يا ما فى علم الاجناس شافوا أهوال و قاذورات المجتمع المصري . هو فيه حد يعمل فى بلده كده ده لو موساد يا أخي وعايز يولع فى البلد مش حيعمل كده.
وأشار: “لا أتحدث عن حالة أو حالتين بص عالميديا وحتلقى حالة غريبة. للأسف هى مش مؤامرة هى أسوأ من كده بكتير هى حالة توحش وجهل وربنا ياخد الترند وأم الترند . وتخيل حاسس انه من قبيل العته انى ااكدلك ان دي بلد نضيفه فيها الطيب والردي زي أي بلد فى العالم بس فيها كمان اللى عايز يكرهك فى عيشتك ومش بيرحم حياتك الصعبة”.
وتابع : "نحن نعيش حاله الاستربتيز الاجتماعى البقاء للاقذر على الميديا السباق الآن لمن يملك حكاية أسخن وأبشع. ولعوا فيها بس محدش يزعل بقى لما حد يعايرك ويقلل من وجودك احنا اللى بنرخص بلدنا".
اعتصام لأهالي طلاب في القبة.. وقطع الطريق احتجاجا