بعد حصوله على جائزة أفضل مطرب شعبي.. رضا البحراوي يطرح "أنا الحدوتة"
تاريخ النشر: 17th, December 2023 GMT
طرح المطرب الشعبي رضا البحراوي، أحدث أعماله الغنائية جديدة والتي تحمل اسم "أنا الحدوتة"، على طريقة Lyrics Video على موقع الفيديوهات اليوتيوب، وجميع المنصات الرقمية، ومحطات الراديو.
استعداده لطرح الأغنية
وكان رضا قد استعد لطرح الأغنية الجديدة، عقب انتهائه من تسجيلها الأيام الماضية بأحد استديوهات الصوت، ويذكر أن الفنان رضا البحراوى، حصل الأسبوع الماضي على جائزة أفضل مطرب شعبى لعام 2023 فى مهرجان وشوشة، وقام بإهداء الجائزة إلى جمهوره.
كلمات أغنية أنا الحدوتة
وتقول كلماتها: أنا الحدوتة اللى شغلاكم وتعباكم بقالها سنين
مسلك نيتى ليكم وانتوا مش سالكين
بتناموا تقوموا على سيرتى، كلام يتقال وانا فى غيبتى
ده ميقللش من هيبتى
ولا يعملكوا بنى آدمين
عمال تقول انا ورق حطيت عليك كام سنة
ابو غل من غله اونطه فى الجدعنة
فاهم الرجولة غلط
معووج عايز يتظبط
فاضى وآخرك هوا
زى اللى كبر اتعبط
رايح وجاى تترسم ماشية معاك بالعشم
اكمنى حارقك اوى قلبت معاك بالغشم
ياعم فووق واصطبح
ده الغل منك طفح
اصفر وسماووى
تايه وعامل شبح
النجم فوق فى السماء
معروف صحيح انما
من فترة مش باين
زى الفاضى واترمى
اعمل حساب واقعتك
هو انت فين شغلتك
كرهوك عشان كداب
و فى حتة مش حتتك
حراق عليك بالقوى
منى كمان مستوى
احنا اللى مشغلناش ولا ضعيف ولا قوى
البابا ودى شغلتى
حبة عيال تتلغى
بشوط اللى بييجى
بييجى على سكتى
سمعت عندك انا
بقالى شوف كام سنة
راحت عليك يا زميلى
فبلاش تقول انا وانا
المصدر: بوابة الفجر
كلمات دلالية: رضا البحراوي المطرب رضا البحراوي
إقرأ أيضاً:
الفنانة سماح أنور: تعرضت لحادث موت وعملت 24 عملية في 11 سنة
تابع أحدث الأخبار عبر تطبيق
أكدت الفنانة القديرة سماح أنور أنها تعرضت لحادث مروع كاد أن يفقدها كيانها.
وقالت «سماح»، فى حوار لبرنامج «كلم ربنا»، تقديم الكاتب الصحفي أحمد الخطيب، على الراديو «9090»: «لما عملت حادثة قالولى إنى مش همشي تانى ولا همثل، وخضعت لـ24 عملية جراحية، لمدة 11 سنة، كنت قاعدة على كرسي متحرك، لكن ربنا أراد إنى أرجع أمشي تانى، وماكنتش لا بعيط ولا بلطم ولا حاجة، فهى تجربة كان عليا فيها اختار، أعيش أو أموت، والاختيار ده ربنا اللى ألهمنى بيه إنى أعيش، لأنه حط ده فى قلبي، وبعدها روح ربنا فينا عايزة تعيش وعايزة تكمل، وقتها لما كانت كل الناس بتيجي تزورني سواء هنا فى مصر أو فى أمريكا ولا جنيف لأنى لفيت العالم، وكأن كله فى ضهري، لدرجة إن لما حد بيدخل عليا بيعيط كنا بضحكه وأقوله نكت عشان كنت بحس نفسي كويسة، لكن فى المقابل كنت قاعدة متربطة».
وقالت الفنانة سماح أنور: «أنا شفت ربنا فى أزمتى، شفته فى الناس اللى بتزورني، كأني على الحافة وشالنى ورجع تانى، لكن فى خلال الـ11 سنة عملت لنفسي وحياتى حاجات كتيرة، لأن ربنا عظيم ومش هيخلق حاجة فاشلة، بل حاجات عظيمة، وكأنى قالى هديكى قدرة مش موجودة مع حد غيري، وهى كن فيكون، لأنى ضد الفكرة اللى اتقالت فى فيلم جرى الوحوش، لما قاله: (كل إنسان له 24 قيراط)، جملة مغلوطة وده كلام غير صحيح، لأن كل إنسان له حاجات خاصة، كلنا يومنا 24 ساعة ومحدش معاه 25، والإنسان مش بيتعرض لحاجة غير لما يكون هو عايزها تحصله، فمثلا هو اللى بيضايق نفسه، يعنى معنى كدة إنه اقتناع شخصى وقدرات ربنا فينا».
البريد الأردني يعلن عن توزيع ١٢٠جائزة نقدية بمناسبة شهر رمضان المبارك على منتفعي المعونة الوطنية / أسماء