حمو بيكا يرد علي منتقدي سبوع ابنته تاج: ندر ونفذته
تاريخ النشر: 17th, December 2023 GMT
رد الفنان حمو بيكا، على منتقدي سبوع ابنته تاج الذى كان فى إحدى قاعات الأفراح، وظهرت فيه زوجته وهي مرتدية الكثير من الذهب.
حمو بيكا يرد علي انتقاد سبوع ابنته تاج:
وقال حمو بيكا، في بث مباشر من خلال حسابه الشخصي على موقع التواصل الاجتماعي “فيسبوك”: "سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده واعذروني كنت قاعد في أوضة وصالة والحمام في المطبخ، وأبويا على باب الله بيسافر ويتغرب ويشقى علشان اللقمة اللي بناكلها بالحلال".
وأضاف حمو بيكا:" أنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، وأنا ما اتولدتش في بقي معلقة دهب وكنت بحب الخير لكل الناس ولحد الوقت ده".
وكشف حمو بيكا عن صور له قبل الشهرة، قائلًا: "صوري دي تاج هشليها على راسي لحد ما أموت، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف".
وأضاف حمو بيكا: "حوار الدهب اللي مراتي لابساه مش جديد، وفي واحدة معرفهاش اتكلمت وهسمعكوا كمية الحقد والغيرة والنفسنة ومش هي لوحدها اللي بتتكلم بصفار وغل ولو دي حفيدتها أو بنتها وهي قادرة هتعمل أكتر من اللي أنا عملته وأنا معرفهاش وشفت من ده كتير وشفت غل من ده كتير مش فاهم ليه وبتقول مراتي لابسة خمسة ستة كيلو دهب".
وعن سبوع ابنته تاج، فعلق حمو بيكا، قائلًا: "أنا فرحت ببنتي وعملت عقيقة ودبحت لها وعملت السنة اللي المفروض تتعمل، وطلعت لحمة وأكلت وعلى طول مش في العقيقة بس، ولكن أنا كنت نادر أعملها الليلة دي".
"هي الكحكة في إيد اليتيم عجبة".. حمو بيكا يرد على منتقدي سبوع ابنته
واختتم حمو بيكا حديثه، قائلًا: "عاوز أقول لكل واحد قريب ما تتصلش بيا تطلب مني شيء علشان أنت معاك اللي يديلك وبتطلب ببجاحة أنا مش هديك حاجة، هي الحاجة غصب ما تطلبش ببجاحة وقلة أدب، وخفوا شوية أنا عملت سبوع بنتي إيه المشكلة في ناس بتعمل وبتجيب وبتتهادى بعربيات وألماظ هي الكحكة في إيد اليتيم عجبة".
المصدر: بوابة الفجر
كلمات دلالية: الفنان حمو بيكا منطقة شعبية قاعات الأفراح فيسبوك حمو بيكا تاج حمو بيكا حمو بیکا
إقرأ أيضاً:
إيهاب الخطيب يفجر مفاجأة عن واقعة عمر كمال عبد الواحد بالأهلي
تحدث الناقد الرياضي إيهاب الخطيب، عن ماذا يحدث داخل غرفة ملابس النادي الأهلي في الفترة الأخيرة.
وقال إيهاب الخطيب خلال لقائه مع الإعلامي مهيب عبد الهادي في برنامج اللعيب: «أولا الفترة اللى فاتت يتفتح عن النادي الأهلي بيزيد ويخش في السوشيال ميديا وفيه بعض الناس تبدأ تخش في حاجات وهقولهالك خطوة خطوة، النادي الأهلي بيحافظ على غرف اللاعبين وغرف الملابس بشكل معين، خاصة عندنا واقعتين وقعة كهربا وواقعة إمام عاشور ومحدش من الجمهور كان يعرف حاجة عنهم لولا النادي أعلن وقال عندي كذا وكان فيه جراءة وشجاعة كالعادة إنك تاخد قرارات الكلام ده مظبوط، فمفيش حاجة هتحصل في غرف اللبس والأهلي مش هيعلنها».
واضاف الخطيب: «قصة عمر كمال عبد الواحد بالنص زي ما هقولهالك الراجل مخلص التمرين وعمر مشدود شوية من ماتش باتشوكا ومن الناس اللى بتلوم نفسها يعني وكان نفسه يعمل حاجة لكن هو ماتش وهو دايس على نفسه في التمرين بزيادة أووي، فقبل ما يطلع علطول من الملعب كان المساعد بتاع كولر قاعد معاه وبيقوله هدي نفسك انت لعيب كويس وعايزه يعني هادي شوية، وهو كمان كان عنده ميعاد كشف لوالدته ومستعجل جدا بعد التمرين طلع على الأوضة جري وهقولك بالظبط كل الأحداث، طلع جري راح على غرفة الملابس قبل غرفة الملابس كان فيه إمام عاشور وكهربا قالوله يبني بتجري على أيه بالراحة، هو دخل بيشد الباب جامد فخد سنة زحلقة والباب بلاستيك حط إيده على الشرخ في الباب كف إيده اتجرح بالكامل، وهو لحددلوقتي ميعرفش خد كام غرزة، وكهربا وإمام خدوه في عربية إمام للمستشفى، ودخل المستشفى وخيط والموضوع مأخدش 25 دقيقة، ومتسائلا كف الأيد يشيل كام غرزة، والموضوع في الأخر هو جرح في أيده والراجل نزل التمرين».
عبد الواسع المطري.. قائد المنتخب الوطني يطارد فوزا تاريخيا في خليجي 26