«قلة أدب.. ودا كان ندر عليا»| حمو بيكا يرد على منتقدي سبوع ابنته
تاريخ النشر: 17th, December 2023 GMT
رد مؤدي المهرجانات حمو بيكا على منتقدي سبوع ابنته تاج الذى كان فى إحدى قاعات الأفراح ، وظهرت فيه زوجته وهى مرتدية الكثير من الذهب.
وقال حمو بيكا، في بث مباشر من خلال حسابه الشخصي على موقع فيسبوك: سيبوا الملك للمالك، والكلمتين دول للقريب قبل الغريب، أنا طالع من منطقة شعبية اسمها الدخيلة من أسرة متكونة من أربع إخوات والأب والأم وكنا قاعدين في أوضة وصالة والحمام جوه المطبخ، وأول مرة أقول الكلام ده واعذروني كنت قاعد في أوضة وصالة والحمام في المطبخ، وأبويا على باب الله بيسافر ويتغرب ويشقى علشان اللقمة اللي بناكلها بالحلال.
وأضاف حمو بيكا ، قائلاً: أنا ما دخلتش مدرسة وما اتعلمتش لكن اشتغلت وشقيت واتغربت كتير وأنا صغير، وعمري ما مديت إيدي على حاجة مش بتاعتي وكنت بقول يا رب أكرمني وأبقى حاجة لأهلي، وأنا ما اتولدتش في بقي معلقة دهب وكنت بحب الخير لكل الناس ولحد الوقت ده.
مراته لابسة كيلو دهب| احتفال لافت من حمو بيكا بـ سبوع بنته ..شاهد الحاجة دي تتعب نفسية أي راجل.. ناقد يكشف سبب طلاق شيرين وحسام حبيب جات لي أمراض.. تعليق مثير من شقيق شيرين على طلاقها من حسام حبيب كاملة أبو ذكري تحسم الجدل بشأن تصريح باسم سمرة عن نيللي كريم
وكشف حمو بيكا عن صور له قبل الشهرة، قائلًا: صوري دي تاج هشليها على راسي لحد ما أموت، وكنت راجل شقيان وتعبان وبدأت رحلتي وقلت أجرب اشتغلت وغنيت وجت معايا والناس حبتني لأن دمي خفيف.
وأضاف حمو بيكا: حوار الدهب اللي مراتي لابساه مش جديد، وفي واحدة معرفهاش اتكلمت وهسمعكوا كمية الحقد والغيرة والنفسنة ومش هي لوحدها اللي بتتكلم بصفار وغل ولو دي حفيدتها أو بنتها وهي قادرة هتعمل أكتر من اللي أنا عملته وأنا معرفهاش وشفت من ده كتير وشفت غل من ده كتير مش فاهم ليه وبتقول مراتي لابسة خمسة ستة كيلو دهب.
وعن سبوع ابنته تاج، فعلق حمو بيكا، قائلًا: أنا فرحت ببنتي وعملت عقيقة ودبحت لها وعملت السنة اللي المفروض تتعمل، وطلعت لحمة وأكلت وعلى طول مش في العقيقة بس، ولكن أنا كنت نادر أعملها الليلة دي.
واختتم حمو بيكا حديثه ، قائلاً: عاوز أقول لكل واحد قريب ما تتصلش بيا تطلب مني شيء علشان أنت معاك اللي يديلك وبتطلب ببجاحة أنا مش هديك حاجة، هي الحاجة غصب ما تطلبش ببجاحة وقلة أدب، وخفوا شوية أنا عملت سبوع بنتي إيه المشكلة في ناس بتعمل وبتجيب وبتتهادى بعربيات وألماظ هي الكحكة في إيد اليتيم عجبة.
المصدر: صدى البلد
كلمات دلالية: حمو بيكا حمو بیکا
إقرأ أيضاً:
بعد طرح البوستر الرسمي.. «اللي هتشوفه ما يخطرش على البال» في مسلسل المداح 5
روجت منصة «شاهد» لـ مسلسل «المداح 5»، الذي يخوض من خلاله الفنان حمادة هلال سباق مسلسلات رمضان 2025 وسط منافسة قوية بين عدد من نجوم الدراما الرمضانية.
ونشرت منصة «شاهد» عبر حسابها بموقع الصور والفيديوهات «إنستجرام»، البوستر الرسمي لـ مسلسل المداح 5 وعلقت قائلة: «كل اللي شفناه مع صابر كان بس فتح شهية واللي هنشوفه في الموسم اللي جاي ما يخطرش على البال، انتظروا الموسم الخامس من مسلسل المداح أسطورة العهد يعرض في رمضان».
طرحت منصة «شاهد» البوستر الرسمي للجزء الخامس من مسلسل «المداح» بطولة الفنان حمادة هلال، الذي من المقرر عرضه ضمن مسلسلات رمضان 2025.
ونشرت شاهد البوستر عبر صفحتها الرسمية بموقع الصور والفيديو «إنستجرام»، وعلقت:«كل اللي شفناه مع صابر كان بس فتح شهية واللي هنشوفه في الموسم اللي جاي ما يخطرش على البال، انتظروا الموسم الخامس من مسلسل المداح أسطورة العهد يعرض في رمضان».
مسلسل المداح 5 من بطولة: حمادة هلال، هبة مجدي، دنيا عبد العزيز، خالد سرحان، يسرا اللوزي، سهر الصايغ، محسن محي الدين، فتحي عبد الوهاب، أحمد بدير، حنان سليمان، محمد على رزق، تامر شلتوت، غادة عادل، جوري بكر، خالد الصاوي.
View this post on InstagramA post shared by Shahid (@shahid.vod)
أبطال مسلسل المداح 5يضم مسلسل «المداح 5» في بطولته بجانب حمادة هلال، كوكبة من نجوم الفن أبرزهم: هبة مجدي، دنيا عبد العزيز، خالد سرحان، يسرا اللوزي، سهر الصايغ، محسن محي الدين، فتحي عبد الوهاب، أحمد بدير، حنان سليمان، محمد على رزق، تامر شلتوت، جوري بكر، خالد الصاوي، والعمل من تأليف أمين جمال، شريف يسري، وليد أبو المجد، وإخراج أحمد سمير فرج، ومن إنتاج شركة صادق الصباح.
أحداث مسلسل المداح 5تدور أحداث مسلسل المداح 5، حول البحث في الإعجاز العلمي للقرآن الكريم، ويستكمل صابر المداح حروبه التي يخوضها ضد الجن، ويسعى بكل عزمه إلى التغلب عليهم والتخلص من شرورهم كما اعتاد مسبقًا، كما تشهد حياته الشخصية العديد من التطورات المختلفة.
اقرأ أيضاًمسلسلات رمضان 2025.. WATCH IT تشارك بوستر دينا فؤاد في «حكيم باشا» |صورة
مسلسلات رمضان 2025.. ياسمين رئيس تكشف عن البوستر الرسمي لـ «منتهي الصلاحية» |صورة