صديق أحمد البدري يكشف تطورات حالته الصحية ويطلب دعم الوسط الفني
تاريخ النشر: 14th, December 2023 GMT
كشف هاني الشيخ، صديق المخرج أحمد البدري والذي خضع منذ أيام لعمليه جراحية أدت إلى بتر قدمه، تطورات حالته الصحية بعد تدهور حالته الصحية، مطالبا الوسط الفني بدعمه.
وكتب الشيخ قائلا: «ليه الناس بقت قاسية كده ووحشة مع بعضها، صديقي الغالي المخرج أحمد البدري كان كويس مع كل الناس وياما خرج نجوم وطول عمره صاحب واجب مع الكل، ليه لما يبقى في أصعب أيام حياته ومحتاج الدعم حتى لو بكلمة مايلاقيش، ده زيارة المريض صدقة إحنا بنتصل بالناس عشان يجوا يزوروه بس ويعملوا له دعم نفسي بعد بتر رجله وإن الحالة عمالة تتدهور، وكله قال مش فاضي ولا واحد من زمايله وأصدقائه زاره.
وأضاف قائلا: «لكن طبعا لو توفاه الله كله هايروح عامل بوست على الفيسبوك ويقول صاحبي وحبيبي، مش كده؟، الراجل رجله اتشالت.. وفيروس في الدم ومشكلة في الرئة وسكر مرتفع وتنفس صناعي.. ومحدش من زمايله زاره، زوروا المرضى عشان لما تمرضوا تلاقو اللي يسأل عليكم ادعو لبعض بالشفاء عشان لما تتعبو تلاقوا اللي يدعلكم».
واختتم قائلا: «الناس اللي بتقعد تسأل عن العنوان، هو في معهد ناصر اللي على الكورنيش، الرعاية المركزة من 4 إلى 5 روحوا زوره واخلصوا النية لله ربنا يشفيك ويعافيك يا بدري ويشفي ويعافي كل مريض».
المصدر: الوطن
كلمات دلالية: أحمد البدري المخرج أحمد البدري مرض أحمد البدري الوسط الفني
إقرأ أيضاً:
أميرة فتحي: «أنا مش قريبة حد في الوسط الفني ومدخلتش بالواسطة».. فيديو
أكدت الفنانة أميرة فتحي، على أنها لا تجمعها صلة قرابة مع أحد في الوسط الفني، وما يتردد في ذلك الشأن ما هي إلا شائعات ليس لها أساس من الصحة.
وأوضحت أميرة فتحي، في لقاء خاص مع الإعلامية شيرين سليمان ببرنامج سبوت لايت، المذاع على قناة صدى البلد، أن قريبتها الوحيدة في الوسط الفني هي شقيقتها نهى فتحي، ستايليت ملابس، ودخلت بعدها بسنوات في المجال الفني.
وأضافت أميرة فتحي، قائلة: "أنا معنديش ولا حد ولا أعرف حد ولا دخلت بالواسطة، وهي كانت صدفة من عند ربنا، ومعرفش ليه طلعت شائعات إني قريبة الفنانة سوسن بدر، ولغاية النهاردة لسة في ناس بتقول إني قريبتها، وأنا نفيت ده، وأدخل اشتري حاجة من محل يقولولي انتي بنت سوسن بدر، اقولهم: نفسي والله بس مش حقيقة".
اقرأ أيضاًأميرة فتحي تكشف سبب اختفائها عن الساحة الفنية بعد غياب سنوات.. فيديو
المخرجة هالة جلال: 50 دولة شاركت في مهرجان الإسماعيلية الدولى للأفلام التسجيلية
واشنطن: "اتفاق المعادن" مع أوكرانيا لا يشمل ضمانات أمنية