أمراض نادرة: ضرورة اقتراح خطة عمل لتسهيل تسجيل الأدوية المبتكرة
تاريخ النشر: 14th, December 2023 GMT
إستقبل اليوم وزير الصناعة والإنتاج الصيدلاني علي عون رئيس الجمعية الجزائرية بيوتكنولوجي والبحث الطبي صلاح الدين صحراوي.
وحسب بيان الوزارة، فقد استمع الوزير خلال اللقاء إلى رئيس الجمعية بخصوص الطرق الإقتصادية والبحثية الجديدة التي من شأنها تحسين التكفل بالأمراض النادرة من حيث التشخيص والأدوية المبتكرة لمرافقة المرضى.
وفي هذا الإطار شدد الوزير على ضرورة التنسيق بين الجمعيات الفاعلة في هذا الميدان ومصالح الوزارة من أجل اقتراح خطة عمل من شأنها تسهيل تسجيل الأدوية المبتكرة ومرافقة المخابر في إطار التشخيص الدقيق لهذه الفئة وكذا دراسة امكانية تفعيل عقود النجاعة مع القطاعات المعنية لضمان إتاحتها بأحسن التكاليف، وهذا تجسيدا لتعليمات رئيس الجمهورية عبد المجيد تبون القاضية بالتكفل بالأمراض النادرة والتنسيق مع الجمعيات المتخصصة .
المصدر: النهار أونلاين
إقرأ أيضاً:
(سعادة الوزير الفنان)
جهز كباية قهوتك بمزاج و تعال ، و عليك الله القهوة ازبطها كويس ، خليك زول فنان و اعملها بي فن ، دائما بقول للناس انو اي زول ناجح في شغلو معناها زول فنان ، و الفنان ما شرط يكون مغني او تشكيلي او نحات او اياً من وسائط الابداع المعروفة ، الفنان الحقيقي هو الزول المبدع في مجالو ، الزول الخلاق و المبتكر البكون دائما عندو رؤي و تصورات فريدة .
المعلمين كتاااار لكن في معلم قادر يوصل ليك المعلومة بسهولة و يخليك تعشق مادته الصعبة و ده بنقول عليهو زول فنان ، كذلك عندنا دكاترة عاملين ذي السحرة ، تدخل عيادتهم و انت ما قادر تمشي و تطلع منو و انت بتنطط بدون اي ما تاخد اي علاج لانو دكتور فنان قدر يشتغل على نفسياتك ، كمان في السواق الفنان و ست الشاي الفنانة و الطباخ الفنان ، و عندنا ناس فنانين بتصرفاتهم و سلوكياتهم و اجتماعياتهم ، الزول الإجتماعي زول فنان بدون شك ، و العسكري الشاطر زول فنان ، هسه في زول عندو شك إنو البرهان ده ما زول فنان ؟ إحنا المفروض نربط وصف الفنان بالوصف الوظيفي لاي زول مبدع في مجالو ، يعني نقول اللواء فنان الفلاني او الدكتور فنان العلاني .
الموضوع ده تمهيد لحاجة مهمة عايزين نرسلها للحكومة و للاخ وزير الإعلام المحترم .
اخونا خالد الاعيسر وزير الإعلام كتب ليهو مقال طويل و عريض على صفحته الرسمية في شكل رسائل اتكلم فيها عن انو بعد معركة الكرامة مافي زول تاني يفكر يتمرد على الدولة لانو الشعب اصبح في حالة مواجهة للمفاهيم الغلط دي و إنو لازم نتجاوز الماضي و نفتح صفحات جديدة و نقبل الاخر بدل ما نقعد نشغل نغمة المظالم التاريخية ، المهم اختصرت ليكم مقال الاعيسر و رسالته ، اها قمت انا جيت كتبت نصيحة محترمة للسيد الوزير و قلت ليهو فيما معناه انو انت الوزير الوحيد القادر إنو يترجم رسائله لارض الواقع ، و بعد عشرة دقائق لقيت نفسي من المحظورين رغم انو كلامي كان في صفحتي الشخصية و كان باسلوب محترم .
يا جماعة لامن وزير المالية يكون عندو نصائح للشعب بتتعلق باهمية اورنيك ١٥ مثلا بيقوم يحول الموضوع لوزير الاعلام عشان يتعمل في قالب توعوي ، و لامن وزارة الداخلية تكون عايزة تعمل توعية من مخاطر المخدرات او السرعة الزائدة بتلجاء لوزارة الإعلام و هكذا ، كل مجلس الوزراء و كل الحكومة بترسل رسائلها للشعب من خلال الإعلام ، حتى الاستخبارات العسكرية لامن يكون عندها حاجة مهمة بتمررها من خلال الإعلام الرسمي ، و بدل ما يقعد الاعيسر يكتب لينا مقالات عن ضرورة تقبل الآخر و مخاطر التمرد على الدولة و اهمية تغيير المفاهيم المغلوطة يفترض انو دي اساسا هي اهداف و سياسات وزارته المفترض تتحول لبرامج تلفزيونية و حملات توعوية و تتشكل في قوالب مختلفة و متنوعة عشان توصل لكل الشعب السوداني ، زمان امهاتنا بختو لينا كبسولات الدواء في لب العيش عشان نبلعها ، و الإعلام دورو إنو يخت لينا كبسولات التوعية في قوالب جميلة عشان تصل لكل الناس ، لكن اخونا الإعيسر فاهم الموضوع غلط و مفتكر انو قادر يغير المفاهيم و يصحهها من خلال مقالات على صفحته الشخصية .
المرحلة الجاية مرحلة إعمار و بناء للمعاني قبل المباني و امثال الإعيسر وطنيين مخلصين مااافي شك لكن ما عندهم اي نوع من الابداع و الإبتكار ، محتاجين وزراء فنانين يااااااخ
نزار العقيلي
ارتفاع درجات الحرارة على جميع الأنحاء اليوم مع رياح مثيرة للأتربة