سودانيون يتبارون لشراء فيلا لـ الفنانة «ندى القلعة» بعد حرق الدعم السريع منزلها
تاريخ النشر: 13th, December 2023 GMT
رصد : محرر نبض السودان
رصد محرر موقع نبض السودان تفاعل مئات السودانيين مع منشور الفنانة ندى محمد عثمان الشهيرة بندى القلعة الذي نشرته ظهر امس الثلاثاء برفقة صورة افادت فيه بقيام مليشيا الدعم السريع بحرق منزلها بضاحية جبرة جنوب الخرطوم.
وابدى عدد كبير من السودانيين العاملين بالخارج في تعليقاتهم علي المنشور استعدادهم لتبرعهم بشراء فيلا للفنانة التي اضحت ايقونة معركة الكرامة التي تقودها القوات المسلحة والشعب ضد مليشيا الدعم السريع المتمردة ومرتزقتها منذ ابريل الماضي.
وقامت ندي القلعة علي صفحتها بتطبيق التراسل الاجتماعي فيس بوك الثلاثاء بنشر صورة لمنزلها بضاحية جبرة بعد قيام قوة من مليشا الدعم السريع المتمردة باشعال النيران فيه بسبب مواقف الفنانة الاشهر في السودان الداعمة للقوات المسلحة في حربها ضد المليشا المتمردة.
وكتبت الفنانة الملقبة بسيدة الغناء السوداني تعليقا علي الحادثة : “حسبي الله ونعم الوكيل” وكله فداء للسودان..
واردفت ذلك لاحقا بتسجيل صوتي اكدت خلاله ان منزلها لن يكون اكثر قيمة من الارواح البريئة التي زهقتها المليشيا المتمردة وليست اغلي من شرف الحرائر الذي انتهك ، مضيفة ان هذه قد زادتها يقينا باقتراب انتصار الشعب وقواته المسلحة علي مليشيا الشتات والارتزاق.
وقدمت الفنانة ندى القلعة التي تشتهر باداءها لاغاني الحماسة لاكثر من اغنية خماسية دعما وسندا للحيش السوداني خلال معركة الكرامة ابرزها اغنيتي “الجيش كرب” و “مطر الحصو” واللتان وجدتا نجاحا منقطع النظير.
المصدر: نبض السودان
كلمات دلالية: سودانيون فيلا لشراء الدعم السریع
إقرأ أيضاً:
الفاشر أكبر شرك دخل فيه الدعم السريع ولو ما لحقوا أنفسهم سيفنوا على أسوارها!
يشق على نفسي أن يتقاتل أبناء الوطن الواحد ولكن بخصوص الفاشر الصورة قدامي بكل وضوح عبارة عن:
أهالي ومواطني المدينة موجودين داخلها سواء مدنيين مسلحين للدفاع عن مدينتهم أو حركات مسلحة وحلفائها
ومعاهم الجيش الشرعي المعترف بيهو دولياً واللي ‘يحق’ ليهو دستورياً التواجد علي أي ملميتر من تراب السودان و’يجب’ عليه دستورياً كذلك الدفاع عن أي مليمتر من تراب السودان
هنا المذكورين أعلاه كلهم في وضعية الدفاع من الداخل
وبالمقابل:
قوات الدعم السريع مدججة بالأسلحة الخفيفة والثقيلة تحكم حصارها على الفاشر لقرابة العام بهدف اسقاطها ومن ثم تشريد أهلها ونهبهم وسلب ممتلكاتهم وتدمير بنيتها التحتية ثم الإنسحاب لاحقاً أسوة بما فعلوه في الخرطوم ومدني والجزيرة وسنجة وسنار والأبيض وغيرهم
هنا المذكور أعلاه في وضعية الهجوم/العدوان من الخارج
بدون فلسفة واجتهاد، العقل والمنطق والفطرة السليمة ستذهب للمجموعة الأولى ضد المجموعة التانية
لو عندك أخوان أشقاء في بيت واحد وشفت واحد فيهم مفتري ومتعدي وداير يعتدي علي واحد من أخوانك مع وجود سابقة اعتداؤه على كذا واحد منكم قبل كدا وهسي مكسرين راقدين مستشفيات هل حتسكت وتعاين وتقول الإتنين أخواني ما بتدخل؟ وتزيد الراقدين في المستشفى واحد تاني؟
هل لما تقيف مع أخوك المعتدى عليه ضد أخوك المعتدي معناها عايزهم يتشاكلوا؟ لا
هل دا بيعني إنك بتحب واحد فيهم أكتر من التاني؟ لا
هل بتتمنى العدوان والدم والإصابات دي تقيف؟ قطعاً نعم
لكن لغاية ما دا يحصل حتلقى نفسك من جواك كدا واقف مع الطرف المحاصر المعتدى عليه مش مع الداير يعتدي وقاعد يصيح زي الطفل كيييف وليييه ما يخلوهو يعمل الدايرو ومنعو من العدوان معناها رغبة في استمرار الحرب!!
نصر الله عيال فاشر واتمنى يوم أمس دا يكون درس ومراجعة ذات للدعم السريع بأن يثوبوا لرشدهم ويوقفوا عدوان على أخوانهم
قلتها قبل عام ولا زالت سارية حتى اليوم:
الفاشر أكبر شرك دخل فيه الدعم السريع ولو ما لحقوا أنفسهم سيفنوا على أسوارها!
الفاشر فوق
السودان فوق الفوق
شنب الأسد وأدب العاصي
والمعتدي دايماً عاصي!
تييسير عووضة
إنضم لقناة النيلين على واتساب