أول غمسة صابع في الحبر الفسفوري.. بنات ثانوي يخترن الرئيس القادم بـ«المريلة»
تاريخ النشر: 12th, December 2023 GMT
بالزي المدرسي المميز وعلم مصر، اصطفت فتيات إحدى المدارس الثانوية التجارية في طابورين أمام اللجنة الانتخابية للإدلاء بأصواتهن، وحملن في أياديهن علم مصر وارتدين الوشاح للتعبير عن حبهن للوطن، في سنة أولى انتخابات بالنسبة لهن، بعد بلوغهن 18 عاما.
استيقظت آمال محمود، مبكرا رغم إجازتها للمشاركة في الانتخابات داخل مدرستها، وارتدت زيها المدرسي وفق اتفاقها مع زميلاتها، وذهبت إلى اللجنة الانتخابية للإدلاء بصوتها، وفق حديثها لـ«الوطن»: «اتفقنا كلنا مع بعض ومع المدرسين إننا نلبس الزي المدرسي ونصطف في طوابير أمام اللجنة من بدري، علشان نحط صوتنا لأول مرة في حياتنا، وكان مشهد حلو جدا وإحساس رائع إنك تنزل تشارك في رسم مستقبلك ومستقبل ولادك».
«أحلى حاجة أنك تشارك لأول مرة في الانتخابات كناخب، وتحط إيدك في الحبر توثيقا للحظة الحلوة»، قالتها يسرا علي، إحدى الطالبات المشالركات في انتخابات الرئاسة 2024، مؤكدة أنها صممت على المشاركة للمرة الأولى من منطلق الواجب الوطني ولأجل رسم مستقبلها: «لازم الكل يشارك ويختار صح، علشان ميرجعش يقول أنا مختارتش، الانتخاب واجب وطني ومسؤولية كل فرد في المجتمع».
رغم إجرائها جراحة في إحدى عينيها منذ أيام قليلة، إلا أن رضوى تميم، صممت على المشاركة في الانتخابات والإدلاء بصوتها تلبية للواجب الوطني: «عملت علمية لكن جيت أشارك علشان مستقبل بلدي، ولأن ده واجب وطني عليا، ودي أول مرة أنتخب فيها كمان فسعادتي كبيرة بالمشاركة، وقبل ما أكون ناخب فأنا تطوعت لتنظيم صفوف واستقبال الناخبين في الانتخابات الماضية، رغم سني الصغير».
لم تكن تعلم ماذا تعني الانتخابات أو الاستحقاقات الدستورية، لذلك انتابها شعورا غريبا أثناء الإدلاء بصوتها لأول مرة، هي الطالبة منة الله محمود: «مكنتش أعرف يعني إيه انتخابات، كنت ممكن أعدي من قدام لجان انتخابية قبل كده من غير ما أكون عارفة يعني إيه انتخابات، لكن النهاردة عرفت يعني إيه أختار رئيسي بدون توجيه من حد، قرأت وشوفت المشروعات اللي بتتعمل واللي شجعتنا على المشاركة».
روان رجب، واحدة من اللاتي شاركن في انتخابات الرئاسة، عبرت عن فرحتها قائلة: «دي فرحة أول غمسة صابع في الحبر الفسفوري، ومبسوطة إنها في انتخابات الرئاسة، ومش هفوت ولا انتخابات جاية علشان مستقبلي وعلشان أقول رأيي وأحس إني قد المسؤولية».
المصدر: الوطن
كلمات دلالية: الانتخابات الرئاسية عبدالفتاح السيسي عبدالسند يمامة حازم عمر فريد زهران فی الانتخابات
إقرأ أيضاً:
سرطان داخل أي فريق .. ميدو يفتح النار على كهربا
علق أحمد حسام ميدو، لاعب نادي الزمالك السابق، علي ما تشهده العلاقة بين النادي الأهلي والجماهير خاصة بعد مباراة شباب بلوزداد الجزائري في دوري أبطال أفريقيا.
وكتب ميدو من خلال حسابه الشخصي على موقع التواصل الاجتماعي فيس بوك :" من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة انه يعبر عن غضبه طالما الغضب ده مافيهوش أي سب لأي شخص ولكن غضب عن طريق إيصال رسائل إلى الادارة والجهاز واللاعيبه وده اللي عملوا فعلا جمهور #الاهلي قبل الماتش ورد فعل اللاعيبة كان عظيم بالفوز الكبير".
وتابع: "طبيعي ان الجمهور لما يلاقوا لاعيبتهم موتوا نفسهم في الملعب انهم يحيوهم بعد الماتش علشان يقفلوا الصفحة ويوصلوا للاعيبة رسالة ان بفوزك النهارده الكبير الصفحة اتقفلت ومش هنقبل إلا بالأداء والنتائج دي وهي دي عقلية مشجع الاندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي اساس نجاح اي نادي كبير.
واضاف : "كان لازم اللاعيبة تروح تحيي الجمهور ويفهموا ان جمهورهم معاهم مش ضدهم انما ايه اللي حصل مين المستفيد الأكبر ان يكون في خلاف ما بين الجمهور والمجموعة علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟
واختتم : "الحقيقة هو لاعب واحد فقط وجوده سرطان داخل أي فريق هو #كهربا وهو فعلا كما قلت من قبل وبعض من اصدقائي الاهلاوية زعلوا مني قرار التوقيع معاه اكبر غلطة في تاريخ الأهلي!!'.
«BMI» التابعة لـ فيتش تتوقع نموا إيجابيا في قطاع السياحة بمصر خلال 2025