لو كلناها بالملح هو رئيسنا..رسالة قوية من أم شهيد للرئيس عبد الفتاح السيسي..فيديو
تاريخ النشر: 12th, December 2023 GMT
من أمام لجنتها الإنتخابية بحي العمرانية، محافظة الجيزة، وجهت أم الشهيد مصطفي حلمي، فاطمة عبد العليم، رسالة مؤثرة إلى الرئيس عبد الفتاح السيسي.
قالت فاطمة عبد العليم، الشهيرة أيضًا بـ «أم أنس» في مقطع فيديو لموقع «صدى البلد»: « من غير السيسي البلد مش هاتبقي بلد، الـ 10 سنين اللي فاتوا السيسي عمل فيهم عمايل ما اتعملتش من 30 سنة».
وأضافت أم الشهيد: «السيسي راجل واحنا طول عمرنا معاه، وعاوزه البلد تعلي ضد أعداء الوطن، هو والجيش في ضهره أمن وأمان الوطن، هو اللي محافظ على كل جزء في أرض مصر».
تابعت أم الشهيد: «المصريين صاحيين وفاهمين المخططات اللي بتتعمل ضد الشعب والأرض سواء اللي كانت من الإخوان أو من بره دلوقت وتهديد حدودنا اللي بيزيد، لكن احنا كمصريين رجالة وستات عمر ما حد هيقدر يقرب من أرضنا».
واصلت أم الشهيد: «عمرهم ما يأخدوا أرضينا الاندال، احنا معاك يا سيسي ساندنا وسندينك، ولو كلناها بالملح انت رئيسنا، ومن غير جيشنا ما نسويش وبقول لناس انزلوا وشاركوا، ربنا يطول في عمرك يا سيسي».
المصدر: صدى البلد
كلمات دلالية: الرئيس عبد الفتاح السيسي الرئيس السيسي العمرانية الجيزة صدى البلد سيسي أم الشهید
إقرأ أيضاً:
«محدش عاش اللي عشناه».. ملك زاهر توجه رسالة بعد زفاف شقيقتها
ملك زاهر.. وجهت الفنانة ملك أحمد زاهر رسالة لشقيقتها ليلي بعد حفل زفافها من هشام جمال، الذي أقيم يوم الأربعاء، مما جعلها في صدارة التريند خلال الساعات الماضية.
ونشرت الفنانة ملك أحمد زاهر فيديو موثق به جميع ذكرياتها مع شقيقتها ليلي عبر حسابها الرسمي على موقع تبادل الصور والفيديوهات إنستجرام، وعلقت قائلة:« محدش فيهم عاش اللي أنا وانتي عشناه، من أول ضحكة وإحنا أطفال لحد لحظة كتب كتابك.. كل لحظة في الفيديو ده هو عمر كامل بينا، هو حب، وأمان، وضحك، ومشاركة، علاقتي أنا وأنتي مش شبه أي حد».
View this post on InstagramA post shared by Malak Zaher ملك زاهر (@malak.ahmed.zaherr)
وأضافت: «مش مصدقة إن الوقت جري كده، كنّا لسه صغيرين، وبنتخانق على اللبس، وبنستخبى من ماما، وفجأة… لقيتك لابسة فستانك الأبيض، أحلى عروسة شافتها عيني.. أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة بس طول عمري حاسة إنك بنتي مش أختي».
وتابعت: «امبارح… بنتي اللي كانت بتتجوز مش أختي، وأنا الفرحة مش سيعاني، بس في نفس الوقت، وحشتيني أوي من دلوقتي، انتي مش بس أختي حبيبتي، انتي أحلى حاجة حصلتلي في حياتي. و هفضل دايمًا أقرب واحدة ليكي، أحنّ حضن، وسند من غير كلام».
وأضافت: «ربنا يسعدك يا روحي ويخليكي دايمًا قلبك مرتاح مع عريسك إلي ربنا يحفظهولك و يفضل يسعدك العمر كله، وأنا دايمًا جنبك في كل خطوة، بحبك يا عروستي الحلوة، اللهم احفظ أختي وزوجها من كل سوء، وبارك لهما في حياتهما، وأصرف عنهما الحسد والشر، وأدم عليهما السكينة والمودة».
وشهد حفل الزفاف حضور عدد كبير من نجوم الوسط الفني، بينهم: يسرا، محمد سامي، مصطفى شعبان، أحمد صفوت، محمد فراج، بسنت شوقي، لقاء سويدان، مروة عبد المنعم، محمد حماقي، روجينا، أحمد جمال، أشرف زكي، حمادة هلال، ريهام عبد الغفور، سيد رجب، مجدي كامل، تامر عاشور، مها أحمد، دياب، سلوى عثمان، أحمد السعدني، درة، باسم سمرة، مي نور الشريف، دنيا عبد العزيز.
اقرأ أيضاً«فستانك الأبيض» كان مفاجأة.. أول تعليق لـ هشام جمال بعد زفافه على ليلي زاهر
بعد ارتباطهما.. هشام جمال يتعاون مع خطيبته ليلي زاهر في «أمور بسيطة» | صورة
رمضان 2023.. نجلاء بدر وليلي أحمد زاهر ضمن فريق عمل «تلت التلاتة»
بتوجيهات محمد بن راشد.. «دبي الإنسانية» تغيث غزة بـ 56.8 طن إمدادات طبية