عمرو سلامة: لم أحذف مشاهد مصطفى درويش في "شماريخ"
تاريخ النشر: 8th, December 2023 GMT
تحدث المخرج عمرو سلامة عن علاقته بالفنان الراحل مصطفى درويش، خاصة أنه رحل قبل أن ينتهي من تصوير جميع مشاهده في فيلم "شماريخ".
أوضح سلامة، في حواره مع الإعلامية منى الشاذلي ببرنامج "معكم" على قناة ON، أن درويش كتب له تعليقًا على أحد منشوراته على فيس بوك قبل رحيله بساعتين، لذلك حين علم بنبأ الوفاة لم يستوعب الأمر في البداية، قائلا: "الموضوع كان مربك جدا".
أضاف: "أول مرة نتعرف على بعض كان في فيلم شماريخ، وهو جه الفيلم بترشيح من آسر ياسين.. لما دخلنا التصوير كان عاجبني أوي كيميا آسر مع مصطفى، ولما توفى قعدت حوالي أسبوعين على ما سمحت لنفسي أفكر هعمل ايه في الفيلم لأنه مات قبل ما يخلص تصوير دوره".
تابع: "عشان أحل مشكلة غيابه في الفيلم غيّرت في مشاهد ككتابة، وكان في مشاهد متصورتش وعاملة أزمة كبير في الفيلم فحليناها بحيل مونتاجية.. عشان أحل المشكلة بسهولة كان ممكن أحذف بعض مشاهده، بس أنا مرضتش أشيل أي لقطة ليه، عشان يفضل أكتر وقت على الشاشة تكريمًا ليه".
واصل عمرو سلامة: "وفاته كانت مرعبة تهزك جامد جدا، خاصة إن مصطفى صغير في السن، قدي أنا وآسر تقريبا.. وكمية المفاجات اللي عرفناها بعد وفاته كانت رهيبة مفيش حد اتفاجئنا بكمية الخير اللي عمله قد مصطفى.. كان محافظ على الجانب ده ومبيتكلمش عليه".
من جانبه، قال آسر ياسين إنه تعرّف على الفنان الراحل في مسلسل "بـ 100 وش"، مضيفًا: "على ما خلصنا تصوير المسلسل كنا بقينا أصحاب وبقينا نسأل على بعض وتوطدت علاقتنا جدا.. وفعلا قعداتنا كانت بتبقى قعدات أخوية جدا، هو ابن بلد وجدع جدا الله يرحمه.
المصدر: البوابة نيوز
كلمات دلالية: المخرج عمرو سلامة شماريخ
إقرأ أيضاً:
أصابته بـ شلل في المعدة.. إدوارد يكشف تفاصيل تجربته مع حقن التخسيس
كشف الفنان إدوارد، عن تعرضه خلال الفترة الماضية، لـ شلل مؤقت بالمعدة، وذلك بعد خضوعه لتجربة حقن التخسيس.
وقال إدوارد، في منشور عبر صفحته الرسمية على موقع التواصل الاجتماعي «إنستجرام»: ««كلام مهم جدا أنا كنت باخد حقن التخسيس تحت إشراف دكتور تغذية ونزلت حوالي 15 كيلو، كنت باخد حقن الساكسندة ودي الدكتورة نصحتني بيها بس مشكلتها بتتاخد كل يوم في المعدة بس ميزتها أننا نقدر نتحكم في الجرعات عشان منتعبش ووصلت الوزن اللي أنا عاوزه ودخلنا في مرحلة التثبيت».
وأضاف: «الدكتورة طلبت مني أروح لدكتور جهاز هضمي أعمل تحاليل ونطمن بس أنا طنشت وقولتلها أنا هاخد حقن أسبوعية بدل اليومية عشان تعبت من كل يوم حقنة وفي ناس نصحوني بالتروليستك لأنها أسبوعية ومش قوية زي المونجارو، فضلت أخد التروليستك لمده 5 أسابيع، كل أسبوع حقنة، وكانت تمام معايا وكانت برده دكتورة التغذية بتسألني على التحاليل كل فترة وكنت بطنش لأني تمام مش حاسس بحاجة، وكمان لا كنت بتخن ولا بخس وباكل عادي طبعا برده».
وتابع: «مواظب على دايت مع الدكتورة لحد الأسبوع اللي فات فجأة موش جعان خالص وقعدت حوالي 4 أيام مش بدخل حمام ولا قادر أكل ووجع في معدتي جامد، دكتورة التغذية قالتلي وقف الحقن وروح لدكتور جهاز هضمي فورا وعملت كده روحت لدكتور قالي حصلي شلل مؤقت من الحقن في المعدة وكان مفروض تتابع معايا مع دكتورة التغذية قولتله أنا اللي كنت بطنش عشان كنت تمام، قالي الحقن مش وحشة ومفعولها كويس، بس أنا بنصح أقصاها 3 شهور بس تاخدها وتوقف فترة وترجع تاني، بس لازم طبعا برده متابعة مع دكتور تغذية».
واختتم: «من غير ماطول عليكم أنا بقالي أسبوع بتعالج وعملت كل التحاليل حتى صبغة على الكلى، والحمد لله معنديش غير شوية زيادة في الأملاح زي كل المصريين بطني بتتحسن واحدة واحدة، ولسة المعدة وجعاني، والدكتور قالي من 8 لـ9 أيام ترجع عادي، وإن شاء الله هبقى كويس، أنا حكيت لكم تجربتي عشان بقول لكم إن الحقن مش وحشة وجابت نتيجة هايلة معايا بس لازم مع دكتور التغذية دكتور جهاز هضمي وكمان دكتور قلب لو أمكن عشان سرعة ضربات القلب، أتمنى أكون قدمت لكم معلومات كويسة عن تجربتي وربنا يشفي أي حد تعبان وأشوفكم دايما كويسين».
اقرأ أيضاًإدوارد يروج لـ«خيال علمي» ضمن حكايات «حد فاصل» (صور)
إدوارد يكشف تفاصيل أعراض كورونا بعد إصابته: «أصعب يوم في حياتي»( فيديو )
برلماني: مش معقول كل ما الحكومة تتنزنق تلجأ للاقتراض