نجوى إبراهيم تعلن تعافيها من السرطان: "جت كده من عند ربنا"

أعلنت الإعلامية نجوى إبراهيم عن تعافيها من مرض السرطان، مؤكدة حبها لجمهورها وتقديرها له.

وقالت نجوى إبراهيم،  عبر برنامجها الإذاعي "بيت العز"، المذاع عبر قناة وراديو نجوم إف إم،: "فرحانة ومبسوطة الحمد لله بعد أربع أو خمس شهور قلق حابة أفرحكم وهي جت كده من عند ربنا، أنا بحبكم من قلبي وبعزكم، إنتوا الجمهور اللي بدأت معاه من أيام ما كنت شبر ونص لغاية ما بقيت مترين، هبتدي النهاردة حياتي معاكم، كوجه جديد معاكم النهاردة ماما نجوى".

واختتمت حديثها قائلة: "حسيت إني غلطت جدًا لما اتكلمت وكلامي مكنش شكوى ولما روحت قعدت يومين أعيط من الدعوات اللي وصلتني، ده أنا لو هيقطعوا إيدي متهيالي مش هتقطع من كتر الدعوات فعلًا رب ضارة نافعة".

كانت إبراهيم أعلنت من قبل عن إصابتها بمرض السرطان، قائلة “قعدت أقول ليه أنكد عليكم؟ ما كل واحد فيه اللي مكفيه، وليه أطلع أقول كده؟، ما أنا بقالي شهرين بجري في موضوع مرضي مع ولادي وعيلتي”.

المصدر: البوابة نيوز