«بعتذرلك اتعودتك».. رانيا فريد شوقي ترثي شقيقتها بهذه الطريقة | صورة

حرصت الفنانة رانيا فريد شوقي على رثاء شقيقتها المنتجة ناهد فريد شوقي عبر حسابها الرسمي بموقع تداول الصور والفيديوهات «إنستجرام» خلال الساعات القليلة الماضية، وذلك بعد رحيلها عن عالمنا بعد صراع طويل مع المرض.

وشاركت رانيا فريد شوقي صورة عبر حسابها بموقع «إنستجرام»، وعلقت عليها قائلة: «للأسف بنعتاد الأحباب في حياتنا كأنهم خالدين في الدنيا زي ما نعتاد النعم كأنها مستمرة الي الأبد و ده من عيوب البشر أختي الحبيبة الغالية ناهد انا بعتذر لك لأني اعتدك في حياتي يمكن خيالي كان اضعف من إني اتصور فراقك

View this post on Instagram

A post shared by Rania Farid Shawky (@rania_farid_shawky)

وأضافت: «يمكن خدتنا مشحانات الدنيا و ربنا نور بصيرتنا و رجعنا لحضن بعض و الحب اللي اتربينا عليه و حبنا لبابا كان دايما بيجمعنا يمكن لاني تنسيت اننا بنكبر كلنا يمكن لأني جيت الدنيا لقيتك اختي الكبيرة القوية العنيدة اللي ماتعرفش حاجة اسمها استسلام و ارادتها من حديد قوتك».

وتابعت: «كانت بطمني عليكي انا مش عارفه انا بكتب ايه بس اللي حساه اكبر بكتير من أي كلام مازلت مش مستوعبه و لما حد بيقول الله يرحمها بتخض في الفترة الأخيرة كنت بشوف فيكي بابا بكل حركاته و طريقة كلامه و نظراته و هزارك و قولت للاحفاد اللي ماشفوش جدهم».

وأردفت: «ناهد بقت نسخه من جدكم لما تشفوها كأنكم شفتوه سبحان الله و الغريب اني من الشخصيات اللي بتخاف تدخل على حد متوفي لانه بيقى آخر انطباع بيفضل في الذاكرة عن الشخص لكن لما دخلت و شوفت وشك مبتسمه كأنك نايمة و بتحلمي حلم جميل حسيت انك شوفتي فريد ابنك بيستقبلك».

وواصلت: «خدك لحبايبك بابا و طنط هدي و مها أختنا ده تفسيري لابتسامتك الهادية الجميلة الواضحة اوي اللي هونت علينا كلنا فراقك و اللي مش هتفارقني اللي باقي من عمري كنتي راضية بكل اقدار الله و مسلمه أمرك لله إلي ان نلتقي يا اختي سلميلي علي بابا و قوليله الحياة من غيرك مش حياة و نفسي يجيلي في الحلم بقاله فترة غايب عني هتوحشيني أوي يا حته من ابويا و من قلبي».

اقرأ أيضاًبهذه الكلمات المؤثرة.. رانيا فريد شوقي تودع شقيقتها ناهد فريد شوقي

أسرة رانيا فريد شوقي تعتدي على صحفية ومصور «صدى البلد» بجنازة خالتها (صور)

في عيد ميلادها الـ 48.. رانيا فريد شوقي تكشف لماذا رفض وحش الشاشة عملها بالفن؟

المصدر: الأسبوع