«أماني» تتحدى التقاليد بعربة مشروبات ساخنة بالشارع: «زبايني من كل حتة»
تاريخ النشر: 6th, December 2023 GMT
عربة خشبية متنقلة مزودة بعجلات، تحمل ماكينات مختلفة لإعداد جميع أنواع المشروبات الساخنة، تجوب بها أماني قابيل شوارع بورسعيد تارة وتقف بها أمام مدرسة مصطفى كامل تارة أخرى، إذ اتخذت منها مصدرا رزق لها لتوفير نفقاتها الشخصية.
«أماني» تؤسس مشروعا في الشارع«أماني درينكس»، هو الاسم الذي اختارته أماني قابيل، الحاصلة على ليسانس آداب وتربية قسم لغة فرنسية، لعربة المشروبات، إذ تتواجد بشكل يومي في شوارع بورسعيد: «محبيتش أنتظر الوظيفة، وقلت لازم أفكر وأكافح واعمل مشروع لنفسي، علشان أجيب مصاريفي، واخترت اسم أماني درينكس، علشان بحب اسمي وحبيت يكون المشروع مرتبط بيه»، وفق حديثها لـ«الوطن».
تقاليد وعادات كثيرة تخطتها «أماني»، لتؤسس مشروعا خاصا بها، وفق الفتاة البالغة من العمر 26 عاما: «أنا كان نفسي أدخل كلية ألسن لكن بابا رفض فكرة الغربة، علشان كدة دخلت تربية وبعد ما خلصت، قلت لازم أعمل مشروع لنفسي، ولأن أنا مش بحب التدريس، بدأت شغل في كافيهات ومطاعم، لكن فكرت أفتح مشروعي وأبدأ من الصفر».
سنوات من الشغل داخل كافيهات مختلفة في بورسعيد، حتى استطاعت «أماني»، اكتساب خبرة في صُنع أنواع القهوة المختلفة فضلا عن المشروبات الساخنة، أهلتها الخبرات للإنشاء مشروعها الخاص: «قلت مش لازم أفضل طول عمري شغالة عند الناس، فشربت الصنعة الأول وبعدين حوشت من مصروفي وعملت مشروعي الخاص، خلال شغلي حبيت القهوة والمشروبات فقلت ده المشروع المناسب».
مشروع مشروبات ساخنةدعم كبير تلقته الفتاة العشرينية من زبائنها وأهلها، رغم مواجهتها بعض الصعوبات في البداية: «كنت بواجه صعوبات علشان شغل البنات في الشارع وإنها تقف في الشارع ده صعب، لكن تخطيت كل الصعوبات والتقاليد بإنشاء مشروعي، وزبايني بيحبوني وبيدعموني، وأهلي مبسوطين بنجاحي».
مجموعة من المشروبات برأس مال بسيط، بدأت بها «أماني»، مشروعها، لكنها توسعت بعد ذلك: «بدأت برأس مال قليل، وبابا دعمني علشان المشروع عجبه، جابلي الماكينات وساعدني، والناس كلها عرفتني خلاص وبقوا بيجوا من أماكن كثير، وعلشان كدة بقول للشباب لازم تكافحوا علشان تحققوا أحلامكم».
تحلم الفتاة العشرينية بأن تمتلك مجموعة كافيهات في بورسعيد: «الناس جدعان وأنا بتمنى يبقى عندي مجموعة كافيهات وأشغل شباب كتير، علشان يعرفوا إن مفيش فرق بين الولد والبنت»
المصدر: الوطن
كلمات دلالية: مشروبات ساخنة
إقرأ أيضاً:
نشوى مصطفى ترد مجددًا على انتقادات العمل بعد وفاة زوجها
متابعة بتجــرد: لا تزال الفنانة نشوى مصطفى تتلقى انتقادات حادة من جمهورها بسبب نزولها إلى العمل في فترة العدة بعد وفاة زوجها بأيام قليلة.
ورغم ردها أكثر من مرة على تلك الانتقادات إلا أن نشوى تحرص دائماً خلال برنامجها “بنت البلد” الذي تقدمه عبر قناة cbc سفرة، على الرد على هذه الانتقادات مؤكدة أنها ملتزمة بعملها بسبب الشروط الجزائية.
قالت نشوى: “الناس بس مش فاهمين إن في حاجة اسمها شروط جزائية في العقود أنا مش هقدر أتسجن وأنا في السن دا لو ملتزمتش بعقودي يعني، في شروط جزائية بالملايين معنديش إمكانية إن أنا أدفعها فأنا مضطرة أنزل لأن دي تعاقدات”.
كما ردت نشوى على من ينتقد ظهورها وهي تضع مكياج قائلة: “الناس اللي بتقول إنتي حاطة مكياج وإنتي زوجك متوفى، التصوير له شروط وأسس والإضاءة دي ليها أسس في تلوين البشرة، دا مش تجميل علشان أعجب حضراتكم في خبير إضاءة وخبير تصوير وخبير مكياج هما المسئولين عن أي ضيف بدليل إن في رجال لما يقعدوا قدام الكاميرا لازم يحطوا فونديشن مش تجميل دا علشان الإضاءة، وأنا مش مضطرة أبرر ربنا العالم”.
كانت نشوى مصطفى قد أكدت في تصريح سابق لها أنها أخذت رأي العلماء قبل أن تعود لعملها قائلة: “أنا سألت الأفاضل أصحاب العلم في فكرة إني أنزل أشتغل لأن أنا مرتبطة بتعاقدات ومرتبطة بأشياء أخرى شخصية مينفعش أتسول أو أستلف، يعني الحمد لله مستورة جدًا بفضل زوجي ولكن أنا مرتبطة بمصالح ناس مقدرش أضر فيها”.
main 2025-01-19Bitajarod
أستون فيلا يجبر أرسنال على التعادل في مباراة مثيرة بالدوري الإنجليزي