مؤدي المهرجانات عصام صاصا يحتل اليوتيوب بأغنيته الجديدة
تاريخ النشر: 2nd, December 2023 GMT
احتل مطرب المهرجانات الشعبي عصام صاصا موقع الفيديوهات يوتيوب بأغانيه ليحصد بأغنية " لا يا قلبي محبكتش” المركز الأول لتحصد ٣ مليون و١٠٠ الف مشاهدة، والأغنية دويتو تجمع بينه وبين المطرب الشعبي كميو الديب.
و يحصد بالمركز الثاني بأغنيته الأخري “ راح اللي راح ريح وارتاح ” ويحقق مليون مشاهدة وهي من توزيع كيمو الديب
أغنية راح اللي راح ريح وارتاح كلمات أغنية “ راح اللي راح ريح وارتاح”
لوحدي ومحدش جنبي
الحب كان غلطي ودنبي
أنا مش هعاتب ولا هسأل
هشيلكو خالص من قلبي
ملقيتش صاحب جنبيا
ملقيتش حد حاسس بيا
هحب نفسي احسن حاجه
وبلاها خالص صحبيه
راح اللي راح ريح وارتاح
الجرح فرض الغدر متاح
بحر الخيانه ملهوش مرسى
الشده درس وبتعلم
ساكت ومش عايز اتكلم
بموت وبضحك قدامكو
ومش بخاف ولا بستسلم
الحويطات جاهزين يا خصوم
عندنا آلي ودخيرة مش شوم
الوحش حسن العمده الكينج
وحسين العمده ديب الهجوم
زعلان يا دنيا ومتضايق
تعبان بجد ومش فايق
الحظ على حظي معاند
وبجد مخنوق مش رايق
تايه وغايب متورط
يا ويله مني اللي اتكبر
انا عمري ما في حقي هفرط
الانحراف دلوقتي قانون
ولو عاقل هقلب مجنون
مبقاش في حد يقدر حد
واحد يصون بيخون مليون
آه من السنين لما تغلس
والمليونير لما يفلس
والحلوه هتبان وحشتها
والواطي والقله يهلس
من امتى حد بيسمعلي
انا مين بيزعل على زعلي
صحابي قلبت اخصامي
وحبيبتي حالفه ما ترجعلي
حياتي بايظه ملخبطه
دي معايا مش متظبطه
ملاك ولابس وش شيطان
عشان في ناس مستعبطه
قصة حياتي دون عنوان
أول ما بصحا بلف جوان
وكل يوم خناقات ومعارك
وكل ليله سكر ونسوان
ما بقيتش فارقه معايا الناس
كارف زمايلي زملت الكاس
من غير كلام من غير داوشه
جبروت وخالي من الاحساس
كبرتكم صغرتوني
ما شوفتكوش قدرتوني
بتقولو ايه اللي مغيرني
مع انكم دمرتوني
الدنيا بتموت قلبي
ببعد وبكتم من غلبي
هييجي يوم وهوريكو
هزعل اللي عامل صاحبي
شوفت الخيانه بألفين لون
مع اني عمري ما كنت بخون
وكنت مخلص لطوب الارض
وفي النهايه شافوني فرعون
من امتى كنت بحس بخوف
مش هعتمد حد ولا هشوف
هعمل مصايب هضرب نووي
هثور حروب واسحب جرينوف
حبيبتي حبيتها وهجرت
انا كنت بعشقها وغدرت
والمستحيل بعلملهولها
ويا ريتها كانت مره افتكرت
كان أي سر بقولهولها
والحب كله اديتهولها
كان نفسي اكمل وياها
ومكنش نفسي اني افارقها
.
المصدر: بوابة الفجر
كلمات دلالية: عصام صاصا موقع الفيديوهات يوتيوب تريند يوتيوب
إقرأ أيضاً:
هل تفسير الأحلام علم؟.. أستاذ طب نفسي الأزهر يفجر مفاجأة
أكد الدكتور محمد المهدي، أستاذ الطب النفسي بجامعة الأزهر الشريف، أن تفسير الأحلام لا يُعد علمًا بالمعنى الأكاديمي، مشيرًا إلى أنه لا يوجد في الجامعات، بما فيها الأزهر، أي قسم يُعنى بتدريس تفسير الأحلام بشكل منهجي.
وقال أستاذ الطب النفسي بجامعة الأزهر الشريف، خلال تصريحات تلفزيونية، اليوم الأربعاء: "هل تفسير الأحلام ده علم؟ لا، مش علم، مش هتلاقي في الأزهر، ولا في أي جامعة محترمة، قسم اسمه قسم تفسير الأحلام. ليه؟ لأنه اجتهادي، ما فيهوش نص قاطع".
بحلم على طول إني وقعت من مكان مرتفع؟.. أستاذ طب نفسي بالأزهر يفسر الظاهرة
وكيل الأزهر: المرأة أكثر حظا في الإسلام ولكن لمن يفهم الأحكام التشريعية
وأوضح أستاذ الطب النفسي بجامعة الأزهر، أن محاولة تقديم تفسير ثابت لأي حلم على أنه قاعدة عامة هو أمر خاطئ: "لما تقول والله اللي شاف كذا يبقى معناه كذا، ده تبسيط مخل، وده نفس الخطأ اللي وقع فيه فرويد لما حاول يفسر كل الأحلام برموز جنسية في المدرسة التحليلية، وطلع غلط".
وأشار إلى أن كثيرًا مما يُنسب للإمام ابن سيرين في تفسير الأحلام غير دقيق، موضحًا أن "الكتاب المعروف باسم تفسير الأحلام لابن سيرين لم يؤلفه هو، وإنما جمعه أحد تلاميذه، وأضاف إليه آخرون كثيرون على مر العصور".
وحذر المهدي من الاعتماد على نتائج البحث عبر الإنترنت لتفسير الأحلام، قائلًا: "ناس بتحلم حلم وتدخل تكتبه على جوجل، ويطلع لها التفسير، ده يا جماعة ما ينفعش ناخده كأنه شيء مسلم بيه. مفيش حد يقدر يفسر الحلم غير صاحب الحلم نفسه".
وبيّن أن رمزية الحلم تختلف من شخص لآخر، ومن ثقافة لثقافة، ضاربًا مثالًا بذلك: "الكلب مثلًا، في مجتمعات غربية بيعتبر حيوان أليف ووفي وقريب من الإنسان، لكن في بيئات تانية، هو كائن مخيف وسعران، التعبان كمان، ممكن في ثقافة يكون رمز للخطر، وفي ثقافة تانية رمز مقدس".
وأكد أن تفسير الحلم يعتمد على ظروف حياة الشخص، ومعاني الرموز عنده هو، وليس بناءً على قوالب جاهزة.
وقال: "مش بالضرورة إنك تفسر الحلم عشان يؤدي وظيفته. هو بالفعل قدّى وظيفته؛ سواء في التنفيس، أو التخفيف، أو تحقيق الأمنيات، أو إشباع الرغبات. لكن لو قدرت تفك شفرته صح، ممكن يديك رسالة تستبشر بيها أو تاخد بالك منها، إنما ما تاخدهاش على إنها قضية مسلم بها وتفسير واحد ينطبق على الكل".
بتوجيهات محمد بن راشد.. «دبي الإنسانية» تغيث غزة بـ 56.8 طن إمدادات طبية