فنون "خوفت أقول يفتكروا إني عايزه فلوس".. عايدة رياض تكشف تفاصيل معاناتها مع السرطان

فنون، خوفت أقول يفتكروا إني عايزه فلوس عايدة رياض تكشف تفاصيل معاناتها مع السرطان،10 20 م الثلاثاء 11 يوليه 2023 خوفت أقول لحد إني .،عبر صحافة مصر، حيث يهتم الكثير من الناس بمشاهدة ومتابعه الاخبار، وتصدر خبر "خوفت أقول يفتكروا إني عايزه فلوس".. عايدة رياض تكشف تفاصيل معاناتها مع السرطان، محركات البحث العالمية و نتابع معكم تفاصيل ومعلوماته كما وردت الينا والان إلى التفاصيل.

"خوفت أقول يفتكروا إني عايزه فلوس".. عايدة رياض تكشف...

10:20 م الثلاثاء 11 يوليه 2023

"خوفت أقول لحد إني تعبانة يفتكر إني عايزة منه فلوس".. عايدة رياض تكشف تفاصيل معاناتها مع السرطان

كشفت الفنانة عايدة رياض عن تفاصيل رحلتها مع مرض السرطان عام 2015 والذي استمر لمدة عام أثناء حلولها ضيفة ببرنامج واحد من الناس مع الإعلامي عمرو الليثي عبر قناة الحياة مساء أمس الإثنين.

وتحدثت عن صدمتها بمعرفة الخبر وقالت: " أنا اتفاجئت كنت بعمل مسلسل "دهشة" مع الأستاذ يحيى الفخراني وكنت بتعب شوية وروحت لدكتور وحللت ومكنتش أعرف في إيه وبعد 3 شهور روحت عملت أشعة فطلع عندي زي زيتونة صغيرة كده أنا كان عندي كانسر في المثانة والدكتور قالي بكرة هنعمل منظار ‏وشال الزيتونة دي وحللوها طلعت مش كويسة.. إحساسي ساعتها كان صدمة ومحدش خالص كان يعرف".

وأضافت تفاصيل عن حياتها بعد أول فترة من تلقيها العلاج قائلة: "بعد أول 3 جلسات عملتهم في المستشفى وكنت مخضوضة الدكتور قالي إيه يا عايدة انتي مش هتشتغلي؟ قولتله شغل إيه يا دكتور هو أنا عندي إنفلونزا قالي لا لازم تشتغلي إنتي هتعمليلي فيها عيانة؟ فجالي مسلسل كنت اعتذرت عنه بعدها جالي مسلسل تاني مع مي عز الدين ونزلته وقولت للمخرج ولبوسي وقتها في 3 أيام في الشهر مش هعرف أكون موجودة فيهم وقولت إن أنا تعبانة بس مقولتش عندي إيه مكنتش عايزة أقول خالص معرفش ليه".

وكشفت عن سبب عدم رغبتها في الكشف عن مرضها حينها قائلة: "أنا إنسانة ضعيفة جدا جدا بس أنا محبتش أقول أي حاجة بس ربنا أهم من أي حد بس خوفت أقول لحد إني تعبانة يفتكر إني عايزة منه فلوس في حاجات حساسة قوي كده وكنت خايفة أقولهم في الشغل ميشغلونيش وأنا كنت محتاجة اه مستورة والحمدلله بس محتاجة طبعا".

وأردفت عن فترة علاجها: "وكل 20 يوم كنت بروح أبات في المستشفى 3 أيام والممرضات كانوا يفضلوا يقولوا عايدة رياض جوا.. وتيجي ممرضة تقولي في حد عايز يشوفك أقولها بس كده؟ عينيا وأخد الكيماوي بتاعي وأروح على أوضة الست أقولها إيه تحبي أرقصلك هنا ونفرفش الدنيا وكنت عملالهم جو جميل قوي في المستشفى.. وكنت بشوف بلاوي تانية موجودة ومآسي تانية كتير ونهيص بقى بالليل والدكتور كان يجي يقولي أنا نفسي تخرجي من المستشفى انتي عاملالي هيصة".

وكشفت عن طلب الطبيب المعالج بإجراء عملية جراحية وقالت: "وقعدت أتعالج 3 أشهر وعملت المسح الذري وقالي تمام هايلة قالي بس لازم تروحي لدكتور جراح في باب اللوق وروحت قالي بإختصار كده إحنا عايزين نشيل المثانة ونعمل مثانة صناعية قال أنا لازم أغير المثانة عشان ممكن يرجع تاني فتعبت نفسيا جدا وروحت لكذا دكتور".

واستكملت: "بعدين عملت استخارة بيني وبين ربنا وقولت يارب إنت شفتني أهو والحمدلله وأنا مش هعمل أي حاجة تاني وروحت للدكتور وقولتله مش هعمل الحكاية دي قالي طالما كده هعملك إشعاع لمدة 45 يوم وبعدها الحمدلله بقيت تمام".

‏ يذكر أن أخر أعمال عايدة رياض مسلسل "الهرشة السابعة" بطولة أمينة خليل، علي قاسم، محمد شاهين، أسماء جلال، تأليف مريم نعوم، إخراج كريم الشناوي.

كما يُعرض للفنانة عايدة رياض حاليا على منصة شاهد VIP، مسلسل "ليه لأ 3" بطولة نيللي كريم.

[embedded content]

المصدر: صحافة العرب