هبة قطب: ختان البنات لا يؤثر على المتعة الجنسية..والمجتمع العربي محتاج توعية في الطب الجنسي

هبة قطب: ختان البنات لا يؤثر على المتعة الجنسية..والمجتمع العربي محتاج توعية في الطب الجنسي..علقت الدكتور هبة قطب، على أزمة ابنتها الأخيرة، والتي أحدثت حالة من الجدل خلال الفترة الماضية عبر مواقع التواصل الإجتماعي، بسبب عدم سماح أحد القرى السياحية لها بـ ارتداء البوركيني (المايوه الشرعي)، وذلك من خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير "يوتيوب".

كما تحدثت هبة قطب خلال ذلك اللقاء عن اهتمامها في التوعية الجنسية بحياة بناتها، وتأثير الختان على الفتيات، إضافة إلى ذلك تحدثت هبة قطب عن حاجة المجتمع العربي إلى التوعية في الطب الجنسي.

هبة قطب: قالوا إني عايز اركب التريند وقت أزمة البوركيني بتاع بنتي

وقالت هبة قطب عن أزمة ابنتها:"مكانتش راحت وصاحبتها قالت لها اكتشفت أن ممنوع نلبس المايوه الطويل وهو مش اختراع إسلامي ده اختراع برازيلي علشان عندهم نسبة سرطان الجلد عالية جدًا بسبب الشمس، وبنتي رافضة تسميه مايوه المحجبات اسمه المايوه الطويل، ولما طلعت أنا وبنتي بنتكلم الناس قالوا دي عايزة تركب التريند، طيب هنركبه إزاي؟ أنا بنتي كانت مخنوقة جدًا وبتعيط وطلعت قالت خاطرة".

هبة قطب: معنديش خطوط حمراء مع أولادي..وختان الإناث جريمة

وتابعت هبة قطب حديثها قائلة: "كل مرحلة في حياة ولادي كان لها توعية ونفعت، وكان في حوار مفتوح طول الوقت ومكنش في خطوط حمراء في الحوار بينا، لأنه الطفل لما بيسأل سؤال بيكون مستعد لتلقي إجابته، والقاعدة التانية لما تدي الإجابة بالتدريج، في شوية قواعد لما بتطبق بتريح".

أما عن تصريحاتها بشأن ختان الإناث، فعلقت هبة قطب قائلة: "ختان الإناث ده جريمة والاجتزاء ده أنا ضده تمامًا، إزاي نقطع عضو عامل في جسد أي بني آدم؟، لكن هل ختان الإناث بيؤثر على المتعة الجنسية عندهم؟ لأ مبيأثرش، زي اللي هنقطع له عقلة الإصبع مش هتأثر على متعته الجنسية ولا شغله ولا الحياة، ولكن مش من حقي اقطعها".

هبة قطب: تأثير الختان لها أثر سلبي على الفتيات..والمجتمع العربي يحتاج لتوعية جنسية هبة قطب: اللي بيضر العلاقة الحميمة هو الانفراد بالقرار....وبنات كتير عندها غشاء البكارة مبينزفش ليلة الدخلة هبة قطب توجه رسالة مثيرة للجدل لـ الأزواج: "اليوم اللي هتبطل تبوس مراتك هيدق ناقوس الخطر" هبة قطب: أكتشفت أن في 3 ميكروبات لو لاقيناها عند الطفل نعرف أن تم الاعتداء عليه..وإحنا لازم نعرف أكثر عن العلوم الجنسية

وأضافت هبة قطب: "التأثير بيبقى نفسي وإحساس العجز ممكن يلزمها بقيت حياتها، وممكن تكره أمها العمر كله لأنها كانت شريكة في ده، وممكن تبقى عنده عقدة من الاقتراب من هذه المنطقة، ولكن عضويًا لا يؤثر خاصة وأن الطريقة المتبعة في مصر سطحية، والعفة في الأخلاق مش في المكان ده".

وأتمت هبة قطب: "المجتمع العربي محتاج توعية كبيرة في الطب الجنسي، وأنا عندي رسالة والأطفال بقوا يفهموا أكتر من الكبار في الموضوع ده، أنا ممنعش من حاجة ولكن وظيفتي أقولك إيه اللي صح وإيه اللي غلط، ولكن في بيتي إحنا عندنا سقف الحرام، إزاي نشوف عورات غيرنا؟".

المصدر: بوابة الفجر