ننشر نص أقوال والدة الطفلة ضحية هتك عرض على يد جارها ببولاق الدكرور| خاص
تاريخ النشر: 26th, November 2023 GMT
حصل موقع "الفجر" على نص أقوال والدة الطفلة صاحبة الـ 8 سنوات، ضحية هتك عرض على يد عامل ببولاق الدكرور، وذلك في القضية رقم 19348 لسنة 2022 جنايات قسم بولاق الدكرور والمقيدة برقم 4061 لسنة 2022 كلي جنوب الجيزة.
في السطور التاليه سنعرض أقوال والدة المجني عليها في تحقيقات النيابة العامة:
س/ ما هي صلتك بالمجني عليها؟
ج/ هي بنتي
س/ ما تفصيلات بلاغك؟
ج/ اللي أعرفه إن عمر قليل الأدب، وأعرف إن كان عليه قضية تحرش قبل كده وكان واخد فيها سنتين، يوم السبت اللي فات جيه ابن اخويا لجوزي على العصر كده تقريبا، قاله إنه شاف بنتي سما واقفه مع عمر قدام المحل بتاعه، وانا كنت وقتها في محل البقالة بتاعنا، ولما رجعت بليل جوزي قالي على اللي سمعه من ابن اخويا، فانا خوفت عشان عارفة ان سمعته وحشه، فقعدت أتكلم مع بنتي، وبقولها ليه كنتي واقفه مع عمر ده قالتلي: إنه وقفها عشان تجبله فطار، وحاول يديها ه ج وهي مردتش تاخذها منه، وكانت خايفة.
وأضافت والدة المجني عليها، قعدت اتكلم معاها كثير واطمنها لحد ما قالتلي ان "عمر" كل ما يشوفها بيسلم عليها ويحضنها ويبوسها، فانا اول ما سمعت کده خوفت وقلت اخدها على دكتور يكشف عليها عشان اطمن، ولما روحنا عند الدكتورة في مستشفى، قالتلنا ان غشاء البكاره مفتوح، وفي بواقي دم، وان قعدت أتكلم معاها بعد ما طلعنا من العيادة، قالتلي إنه دخلها المحل، وهي كانت خايفه فاغمي عليها، ولما صحيت لقت نفسها من غير هدوم خالص ولبست هدومها وطلعت تجرى، وبعدها طلعنا على القسم وعملنا محضر ونزلوا جابوا عمر قطب من بيته.
س/ متي وأین حدثت الواقعة؟
ج/ بنتي متعرفش الكلام ده حصل امتى بظبط بس حصل في المحل بتاع اخوات عمر قطب قدام الجراج اللي في الشارع بتاعنا، واسمه ش ممدوح سلامة ترعه عبد العال صفط اللبن بولاق الدكرور.
س/ متى نما إلى علمك تحديدا ارتكاب المتهم للواقعة ؟
ج / يوم السبت بليل لما روحت جوزى قالى ان ابن اخويا شاف بنتي واقفه قدام محل عمر قطب.
س/ وكيف نما إلى علمك بارتكاب المتهم للواقعه ؟
ج/ من بنتي هي حكتلي بعد مابن اخويا جيه حكى لجوز، انا قعدت أتكلم معاها.
س/ وما الذي أخبرتك به نجلتك المجنى عليها تحديدا آنذاك ؟
ج/ إن المتهم "عمر" كل ما يشوفها بيسلم عليها ويحضنها ويبوسها، فانا اول ما سمعت كده خوفت.
كانت النيابة العامة قد أحالت المتهم "عمر. ق. ي" 36 سنة عامل، لمحكمة الجنايات المختصة بدائرة محكمة استئناف القاهرة لمعاقبة المتهم بعد أن وجهت إليه تهمه هتك عرض طفلة، وذلك على خلفية التحقيقات في القضية رقم 19348 لسنة 2022 جنايات قسم بولاق الدكرور والمقيدة برقم 4061 لسنة 2022 كلي جنوب الجيزة.
تبين أنه في غضون شهر سبتمبر لسنة 2022، بقيام المتهم بهتك عرض المجني عليها الطفلة "سما. ت. ش" بالقوة بان غالبته شهوته واصطحبها للحانوت خاصته وجذبها من يدها كرها عنها، مما بث الرعب في نفسها فأغشى عليها، واستطالت يده نواطن عفتها والتعدي عليها جنسيا، حال كونها لم تبلغ ثمانية عشر عامًا وقت ارتكاب الواقعة على النحو المبين بالتحقيقات.
بدأت الواقعة بتلقى رئيس مباحث قسم بولاق الدكرور، بلاغا من أهل طفلة يفيد بتعدي عامل عليها وهتك عرضها عنوه عنها، وبتقنين الإجراءات تم ضبط المتهم وبمواجهته أقر بارتكابه للواقعة.
المصدر: بوابة الفجر
كلمات دلالية: هتك عرض بولاق الدكرور النيابة العامة بولاق الدکرور لسنة 2022
إقرأ أيضاً:
ننشر أقوال عمرو دياب أمام النيابة: الشاب اعتدى عليا وقرصنى
قبل ساعات من نظر محكمة جنح القاهرة الجديدة، غدا السبت، أولى جلسات الشاب سعد أسامة بتهمة الاعتداء على الفنان عمرو دياب، ومحاكمة عمرو دياب بتهمة التعدي على الشاب، ينشر اليوم السابع أقوال عمرو دياب في تحقيقات النيابة.
س: ما قولك فيما هو منسوب إليك من أنك متهم بالتعدي بالضرب بأن قمت بصفع المجني عليه سعد أسامة على وجهه دون إصاباه على النحو المبين بالتحقيقات ؟
ج : محصلش
س: ما الذي حدث إذا وما هي ظروف حدوث تلك الواقعة؟
ج :اللى حصل أنا قولته كله في التحقيق قبل كدة وأن الشخص اللي مسكني وشدني بقوة من جنبي وقرصني أثناء إحيائي لحفل الزفاف بفندق في التجمع الأول، ولما حسيت أنه بيعتدى عليا قمت بضربه بإيدي، وأنا مش عارف الضربة جاتله فين، إلا لما الفيديو نزل على مواقع التواصل الاجتماعي وشوفت الضربة جت علي وشه، ودا كان رد فعل طبيعي علشان مسكنى بقوة من جنبي وهو اللى استفزني بطريقته بعد ما أتصور معايا، هو اللي بدأ بالتعدى عليا الأول و السبب في إني أنهي فقرتي في حفل الزفاف عشان اتسبب ليا في إيذاء بدني، من إنه قام بإمساكي من جنبي بقوة و قرصني، وكمان إيذاء معنوي لأنه قام بالتشهير بيا على مواقع التواصل الاجتماعي، وقمت بإبلاغ المحامي بتحرير محضر ضده ودا كل اللي حصل.
س : أمام من حدث ذلك ؟
ج : أمام المدعويين لحفل الزفاف .
س : وما هي علاقتك بسالف الذكر وهل من ثمة خلافات بينكم ؟
ج : أنا معرفوش ومفيش بينا علاقة.
وفي وقت سابق، استمعت جهات التحقيق، إلى أقوال الشاب صاحب واقعة الصفع على يد الفنان عمرو دياب خلال إحدى الحفلات.
الشاب أكد في التحقيقات أنه واثناء التقاط صورة مع الفنان عمرو دياب قام بصفعه على وجهه ونهره أمام الحضور.
الشلف.. وفاة شخص اختناقا بالغاز ببوقادير