هبة قطب: درست الأمراض التي تنتقل إلى جسم الطفل أثناء العلاقات الجنسية..وناس كتير عارضت دراستي للطب الجنسي في الإسلام

هبة قطب: درست الأمراض التي تنتقل إلى جسم الطفل أثناء العلاقات الجنسية..وناس كتير عارضت دراستي للطب الجنسي في الإسلام..تحدثت الدكتور هبة قطب، عن تفاصيل دراستها في الطب الجنسي في الإسلام والطب الشرعي، وسبب تركها تخصص الجراحة، وذلك من  خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير "يوتيوب".

حيث كشفت الدكتورة هبة قطب عن تفاصيل مثيرة حول دراستها للطب الجنسي في الإسلام، كما أنه تحدثت عن سبب تركها لتخصص الجراحة بسبب زوجه، وأوضحت في حديثها مساندة والده زوجها لها أثناء فترة دراستها موضحة أنها كانت السبب في تسجيلها في وظائف الأكاديمية.

وقالت هبة قطب: "في شعرة ما بين أنك تتكلم في المواضيع دي باحترام أو أنك تتكلم فيه بصورة مبتذلة، وده مش فضل مني أنا في شخصية إني بعرف أحافظ على الحتة دي، أنا بدأت أطلع في التلفزيون من سنة 2000، ولو حد بعتلي وأنا عارفة أن المذيع أو المذيعة دي بيدخلوا في القصة بمنطقة هزار كنت بعتذر عن البرنامج مع إني كنت في مرحلة انتشار وعايزة اتعرف".

هبة قطب: طبيب الجراحة يحتاج ذهن صافي ويجب عليه المبيت داخل المستشفي

وتابعت هبة قطب: "أنا اتخصصت جراحة، وأول عمل ليا في الكلية كنت نائب الجامعة، وكان حلم حياتي إني أبقى جراحة، أنا اتخطبت وأنا في خامسة طب واتجوزت في امتياز، ومكنش باين عليا إني حامل ولما ولدت بنتي الكبيرة دينا كانت مبتنامش ولا أنا كنت بنام، وطبعًا فشلت أرجع للجراحة، الجراحة دي عايزة 10 ساعات في اليوم حضور وعايزة ذهن صافي وعايزة بيات في المستشفى في أيام العمليات، طيب أسيب بنتي لمين؟ مش ذنبها إني أمها، فأخدت أصعب قرار في حياتي ولما حلمي اتحط في كفة قدام بنتي أنا أصريت إني ذكريات بنتي ميكونش فيها أم تانية غيري، لما أقارن ولادي بـ أي حاجة تانية في الحياة لأ طبعًا مفيش حاجة تتقارن بيهم".

وأضافت هبة قطب: "أخدت حاجة اسمها وظائف أكاديمية وكنت في قمة اكتئابي أن حلمي راح، وحماتي ربنا يديها الصحة هي حبيبة قلبي، وهي اللي خدت ورقي وقدمتلي في الوظائف الأكاديمية، ولما دخلت الطب الشرعي كان لمجرد اللقب، ولما بدأت اكتشفت أن قد إيه هو علم رهيب وحيوي، وهو مش تعامل مع الأموات فقط، هو علم واسع جدًا وبيهتم بالبشر اللي عايشين أكثر من الميتين".

هبة قطب: ناس كتير عارضت دراستي للطب الجنسي في الإسلام…وأنا أهلي فخورين بيا هبة قطب: العنف الذكوري ضد المرأة في مصر ظاهرة يوسف القعيد: سيد قطب أول من تنبأ بموهبة نجيب محفوظ لهذا السبب.. التحفظ على ابنة هبة قطب في قسم شرطة الشيخ زايد

واستكملت هبة قطب حديثها قائلة: "عملت الماجستير عن إيذائات الأطفال والإيذائات الجنسية للأطفال لأني حسيته لأنه اختراق رهيب لكل معاني الإنسانية، ودرست إيه الأمراض اللي ممكن تنتقل للأطفال أثناء العلاقات الجنسية واللي جسم الطفل ده مش هتستحملها، واكتشفت أن في 3 ميكروبات لو لاقيناها عند الطفل نعرف أن تم الاعتداء عليه، ومن هنا قولت إحنا لازم نعرف أكثر عن العلوم الجنسية، واختارت موضوع الدكتوراه عن الطب الجنسي في الإسلام في فلوريدا".

وأتمت هبة قطب حديثها قائلة: "ناس كتير عارضت دراستي للطب الجنسي في الإسلام، ولكن أنا مبهتمش أنا عندي شغل وبجري في ماراثون، أنا مفيش حاجة بتضايقني وخلاص ما دام عملت الحاجة يبقى تمام، أنا أهلي فخورين بيا".

المصدر: بوابة الفجر